११ चैत्र २०७८, शुक्रबार १०:३१ – Page 3 – Nagarikabhiyan : National News

काँग्रेस केन्द्रीय कार्यसमितिको बैठक बस्दै, निर्वाचनमा गठबन्धन गर्ने वा नगर्नेबारे छलफल हुने

काठमाडौं । सत्ता नेतृत्वमा रहेको नेपाली काँग्रेसको केन्द्रीय कार्यसमिति बैठक आज बस्ने भएको छ । ललितपुरको सानेपास्थित केन्द्रीय कार्यलयमा दिउँसो २ बजे बस्ने बैठकमा मुख्यगरी तीन एजेडामा छलपल हुने जनाइएको छ ।

जसमा स्थानीय तह निर्वाचन लक्षित ‘घर–घर जाऔं, कांग्रेस जिताऔँ’ अभियानको प्रारम्भिक समीक्षा हुने मुख्य चिव कृष्णप्रसाद पौडेलले बताएका छन् ।

त्यस्तैगरी स्थानीय तह निर्वाचनमा टिकट वितरणका लागि केन्द्रीय संसदीय समिति गठन गरिने र चुनावी तालमेलबारे पनि छलफल हुने बनाइएको छ ।

आजको केन्द्रीय कमिटी बैठकमा समसामयिक बिषयमा पनि विशेष छलफल हुने नेपाली काँग्रेसले जनाएको छ । काँगेसका केही नेताहरु आगामी निर्वाचनमा कुनैपनि दलहरुसँग तालमेल गर्न नहुने पक्षमा उभिएका छन् । यद्यपि सभापति देउवाले भने तालमेल गर्ने वा नगर्ने भन्नेबारे स्पष्ट बताइनसकेको अवस्था छ ।

आजको बैठकमा स्थानीय तहका लागि गठबन्धनका दलहरुसँग सर्तसहित तालमेल गर्नेगरी सहमति गर्नेबारे निर्णय हुनसक्ने संभावना रहेको नेताहरुले बताएका छन् ।

स्रोतका अनुसार काँग्रेस गठबनधनका दलहरु एमालेसँग मिल्न जान सक्ने भन्दै सशंकित भएकाले सर्त राख्न चाहेको हो । यद्यपि यसबारे आजको बैठकले ठोस निर्णय लिने नेताहरुको भनाइ छ ।

काँग्रेसमा गठबन्धन गर्ने वा नगर्ने भन्नेबारे दुई धार हुँदा नेताहरु एक अर्कामा आरोप प्रत्यारोपमा छन् ।

भारतमा फेरि बढ्यो पेट्रोल र डिजेलको मूल्य

नयाँ दिल्ली । भारतमा पेट्रोल र डिजेलको मूल्य फेरि बढेको छ। शुक्रबार भारतीय तेल मार्केटिङ कम्पनीहरूले फेरि मूल्य बढाएका छन्। दिल्लीमा पेट्रोल र डिजेलको मूल्य प्रतिलिटर भारु ८० पैसाले बढेको छ ।

यसअघि मंगलबार पनि पेट्रोल र डिजेलको मूल्य उल्लेख्य रुपमा बढेको थियो । पछिल्लो चार दिनभित्र पेट्रोल र डिजेलको मूल्य २.४० भारुले बढेको छ।

यो बढेको मूल्यसँगै देशको राजधानी दिल्लीमा पेट्रोलको मूल्य ९७.८१ रुपैयाँ र डिजेलको मूल्य ८९.०७ रुपैयाँ प्रतिलिटर पुगेको छ । मुम्बईमा पेट्रोलको मूल्य ८४ पैसाले बढेको छ र योसँगै नयाँ मूल्य ११२.५१ रुपैयाँ प्रतिलिटर भएको छ। चेन्नईमा ७६ पैसाले बढेर १०३.६७ प्रति लिटर पुगेको छ ।

कोशीमा अध्यक्ष कप क्रिकेट प्रतियोगिता सुरु 

भण्टावारी । सुनसरीको कोशी गाउँपालीका ८ स्थित भण्टावारीमा चौथो अध्यक्ष कप क्रिकेट प्रतियोगिता सुरु भएको छ । बिहिवार बाट सुरु प्रथम अध्यक्ष कप टि२० क्रिकेट प्रतियोगिताको उद्घाटन कोशी गाउँपालीकाका अध्यक्ष ऐयुब अन्सारीले गरेका हुन । कोशी गाउँपालीकाको सहयोगमा कोशी क्रिकेट क्लब भण्टावारीले आयोजना गरेको अध्यक्ष कप क्रिकेट प्रतियोगितामा नेपाल विभिन्न ८ वटा टिमको सहभागिता रहेको छ ।
एक भव्य कार्यक्रमका बीच प्रतियोगिता उद्घाटनपछि कार्यक्रमलाई सम्बोधन गर्दै गाउँपालीका अध्यक्ष अन्सारीले कोशी गाउँपालीकामा प्रतिभावान क्रिकेट खेलाडी उत्पादन गर्नका लागि अध्यक्ष कप क्रिकेट प्रतियोगिता महत्त्वपूर्ण रहेको उल्लेख गरेका थिए । खेलाडीको क्षमता अभिवृद्धिका लागि गाउँपालीकाले निरन्तर खेलकुद प्रतियोगिता आयोजना गर्दै आएको बताउदै उनले आगामी दिनमा समेत विभिन्न खेलका प्रतियोगिता लाई निरन्तरता दिने बताए । यसैबीच बिहिवार भएको प्रतियोगिताको उद्घाटन खेलमा रामधुनी लाई ३ विकेटले हराउँदै भण्टावारी सेमिफाइनलमा प्रवेश गरेको छ । रामधुनीले दिएको १ सय रनको चुनौती पछ्याउँदै जवाफी ब्याटिङ गरेको भण्टाबारीले १८ औं  ओभरमा ७ विकेट गुमाउँदै लक्ष्य पुरा गर्‍यो । बिहिवारको खेलको म्यान अफ द म्याच भण्टावारीका अमरनाथ कुमार  घोषित भए  ।
गाउँपालीका अध्यक्ष ऐयुब अन्सारीको प्रमुख आतिथ्य तथा कोशी क्रिकेट क्लब भण्टाबारीका अध्यक्ष सज्जाद आलमको अध्यक्षतामा सम्पन्न भएको उद्घाटन समारोहमा उपाध्यक्ष अनिता यादव,कोशी गाउँपालीका ८ का वडाध्यक्ष विन्देश्वरप्रसाद यादव, ३ का वडाध्यक्ष सुलेमान मंसुरी, नेकपा माओवादी केन्द्र प्रदेश नम्बर १ का सदस्य तजमुल मंसुरी,सर्जुग सरदार, बलराम क्षेत्रीय, शमशाद आलम,मिल्तुल आलम,नुर आलम,वाजुल हक,उसमान मियाँ, सहाबुद्दिन आलम, ताहिर मिया,आधारभूत विद्यालय भण्टाबारीका प्रअ मोहितनारायण मण्डल,व्यवस्थापन समितिका अध्यक्ष राजकुमार यादव, जगदीश कामैत,नजिर शेख,समशेर आलम,संतोष सिपौलिया,महम्मद तलहा, दिलजान आलम,जुबेर आलम,मासुम राजा,पहलाद आलम,पप्पु कामैत,मिथुन देव,वसिम खानलगायतको उपस्थिति रहेको थियो ।

रेडक्रस सोसाइटी उपशाखा इनरुवाको सधारण सभा नै अवैधानी र चोरबाटो बाट गरेको आरोप

नेपाल रेडक्रस सोसाइटी उपशाखा इनरुवाको सधारण सभा नै अवैधानी र चोरबाटो बाट गरेको आरोप बाहिर आएको छ । इनरुवा सभापति रामप्रसाद मेहताले पदमा रहीरहनका लागि जालझेल गरेको उपसभापती महिचन्द साहले आरोप लगाउनुभएको छ । आफै धामी आफै बोक्सी भने झै गोप्य रुपा सधारण सभा गरेर आफै पुनः चयन भएको सामाजिक सञ्जालबाट थाहा आउदाँ आफूलाई आश्चर्य लागेको साहको भनाई छ । नेपाल रेडक्रस सोसाइटी उपशाखा इनरुवाका सभापतिमा रामप्रसाद मेहता सर्वसम्मतबाट चयन भएको दावी गरिएको छ तर साहले त्यो झुठ भ्रमपूर्ण कुरा भएको बताउनुभएको छ । रेडक्रसले भने मेहताको सभापतित्वमा ११ सदस्यीय इनरुवा उपशाखा समिति सर्वसम्मतबाट चयन भएको प्रतिकृया दिएको छ । नेपाल रेडक्रस सोसाइटी उपशाखा इनरुवाका उपसभापतिमा कानुन अधिकारी, सचिव योगेन्द्र प्रसाद मेहता, उपसचिव कुन्दन मेहता, कोषाध्यक्ष कुमार ओझा, उपकोषाध्यक्ष बिन्दु कुमारी पन्त बराल सर्वसम्मतबाट चयन भएको दावी अर्को थरीले गरेका छन् । त्यसैगरी महिला सदस्यमा विना परियार र सदस्यहरुमा हरि पोखरेल, विश्वनाथ ठाकुर, श्यामदेव मेहता र कामेश्वर पंडित चयन भएका छन् । रेडक्रस सामाजिक कार्य गर्ने संस्था भएर पनि जालझेलमा पारेर सभापती मेहताले अनियमितता गर्ने नियत राखेको रेडक्रसकर्मीको आरोप छ ।

पाँच दलीय गठबन्धनलाई चुनावसम्म बचाउनु अहिलेको आवश्यकता : प्रधानमन्त्री देउवा

दमौली । प्रधानमन्त्री शेरबहादुर देउवाले वर्तमान पाँच दलीय गठबन्धनलाई चुनावसम्म बचाएर लैजानुपर्ने अहिलेको आवश्यकता रहेको बताएका छन् । नेपाली काङ्ग्रेस तनहुँले आज पार्टी कार्यालयमा आयोजना गरेको स्वागत कार्यक्रममा बोल्दै प्रधानमन्त्री देउवाले लोकतन्त्र बचाउनका लागि पनि गठबन्धन आवश्यक रहेको उल्लेख गरेका हुन् ।

प्रधानमन्त्री देउवाले लोकतन्त्र र प्रजातन्त्र बचाउनका लागि गठबन्धनका दलको योगदान रहेको उल्लेख गर्दै भने, “स्थानीय चुनावमा मात्र नभई प्रतिनिधिसभा र प्रदेशसभाको निर्वाचनसम्म नै गठबन्धनलाई लैजानुपर्छ । उहाँहरुलाई पनि उचित स्थान दिनुपर्छ ।”

प्रधानमन्त्री देउवाले आगामी वैशाख ३० गते हुने स्थानीय तह निर्वाचनमा पार्टीलाई जिताउन एकढिक्का भएर लाग्न आग्रह गरे । तनहुँ आदिकवि भानुभक्तको जिल्ला भएकाले यसको छुट्टै महत्व रहेको बताउँदै काङ्ग्रेसका लागि पनि तनहुँ उर्वरभूमि रहेको उल्लेख गरे ।

नेपाली काङ्ग्रेसका वरिष्ठ नेता रामचन्द्र पौडेलले लोकतन्त्रको आन्दोलनमा तनहुँको भूमिका सदैव उच्च रहेको उल्लेख गरे । उनले सबै निर्वाचनमा तनहुँमा काङ्ग्रेसले जित्नुपर्ने धारणा राखे ।

कसैले भनेर केही हुँदैन, गठबन्धन टुट्दैन : प्रचण्ड

चितवन । नेपाल कम्युनिष्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’ले तीनवटै निर्वाचनमा गठवन्धन हुने बताएका छन् । भरतपुर विमानस्थलमा आज पत्रकारसँग कुराकानी गर्दै उनले गठबन्धन हुने बताए ।

प्रचण्डले स्थानिय, प्रदेश र सङ्घीय निर्वाचनमा सरकारमा रहेका दलहरु बीचमा गठबन्धन हुने बताए । उनले भने, ‘गठबन्धन त भइरहेकै छ नी गठबन्धन टुट्दैन, अहिलेकै गठबन्धन स्थानीय मात्र होइन प्रादेशिक र सङ्घीय निर्वाचनसम्म पनि रहन्छ ।’

नेपाली कांग्रेस चितवनका केन्द्र र जिल्लास्तरका नेताहरुले भरतपुरमा प्रमुखको दाबी नछाड्ने बताउँदै आएका छन् । सोही सम्बन्धमा सोधिएको प्रश्नमा प्रचण्डले भने, ‘चितवन कांग्रेसले भनेर केही हुँदैन, कांग्रेसले एक्लै लड्छौँ भनेको छैन, केही मान्छेले मात्रै भनेका हुन ।’

भरतपुर महानगरपालिकामा उनकी छोरी रेनु दाहाल प्रमुख छन् । यसअघि नेपाली कांग्रेससँगको तालमेलमा उनी भएकी हुन् । माओवादी केन्द्रले गठबन्धन हुँदा भरतपुर आफ्नो भागमा पर्ने र दाहाललाई दोहो¥याउने जनाउँदै आएको छ । जिल्लास्तरमा कांग्रेसले भने गठबन्धन हुँदा भरतपुर महानगरमा आफ्नो उम्मेदवार हुनुपर्ने जनाउँदै आएको छ ।

प्रचण्ड आफ्नो निर्वाचन क्षेत्र माडी र भरतपुरमा हुने विभिन्न कार्यक्रममा सहभागी हुन आज यहाँ आएका हुन् । उनले माडीमा अगुवा कार्यकर्ता प्रशिक्षण, सडक उद्घाटन, आयोजना निरीक्षण, नमुना चेपाङ बस्ती उद्घाटन, पुल उद्घाटन र भरतपुरमा महानगर पालिकाको प्रशासनिक भवन सिलान्यास गर्ने लगायतका कार्यक्रम रहेका छन् ।

भोक्राहा नरसिंह गाउँपालिकामा तीन दिने उद्घोषण तालिम सम्पन्न

सुनसरीको भोक्राहा नरसिंह गाउँपालिकामा तीन दिने उद्घोषण तालिम सम्पन्न भएको छ । सोमबारबाट सुरु भएको ३ दिने उद्घोषण सम्बन्धी तालिमको बुधबार समापन गरिएको छ । समाज विकास केन्द्र भोक्राहा नरसिंह गाउँपालिका वडा नम्वर ४ को आयोजना तथा प्रदेश सभा क्षेत्रिय विकास कोष सुनसरी क्षेत्र नम्बर ४ (ख) को सहयोगमा यूवाहरुलाई लक्षित कार्यक्रम अन्तर्गत भएको ३ दिने उदघोषण तालिममा उद्घोषण सहित क्षमता विकास, नेतृत्व विकास सम्वन्धि जानकारी दिएको थियो ।
यूवाहरुहरुको क्षमता अभिवृद्धिका लागि आयोजना गरिएको तालिममा उक्त क्षेत्रका भरिका ४० जना यूवाहरुको सहभागिता रहेको समाज विकास केन्द्रका अध्यक्ष सेराज हुसेनले जानकारी दिनुभयो । प्रशिक्षक धिरज भट्टराईले उदघोषण, उद्घोषण गर्ने तरिका र तयारीका बारेमा प्रशिक्षण दिनुभयो ।
सेराज हुुसेनको अध्यक्षता तथा प्रदेश सभा सुनसरी क्षेत्र नम्बर ४ (ख) का सासद मो. ताहिर मियाँको प्रमुख आतित्थ्यता तथा वडा अध्यक्ष हारुन अंसारी, प्रमुख प्रशासकिय अधिकृत बाबुनन्दन मेहता, कोशीका प्रमुख प्रशासकिय अधिकृत चोलाराज दंगाल, पत्रकार जयकृष्ण यादव, दिपेन्द्र यादव, टोमराज मेहता, नसिम अंसारी, सुरेन्द्र मेहता, गणेश यादव, प्रदेश सभा क्षेत्रिय विकास कोष सुनसरी क्षेत्र नम्बर ४ (ख) का सासदका प्रतिनिधि एवम भोक्राहा नरसिंह गाउँपालिका काग्रेंस सभापती युवराज दाहालको बिशिष्ट आतित्थ्यतामा भएको समापन कार्यक्रममा बोल्ने बक्ताहरुले तालिममा सिकेका कुराहरुलाई ब्यवहारमा लागु गर्न सके मात्र जिवनमा परिवर्तन आउने बताएका थिए । सो अवसरमा सहभागि युवाहरुले तालिमबाट आफुहरुले धेरै कुराहरु सिक्ने अवसर मिलेको भन्दै ब्यवहारमा उतार्न प्रयास गर्ने बताएका थिए । नमिता मण्डलको स्वागत मन्तब्यबाट शुरु भएको कार्यक्रमको संचालन र्इं. इमरानले गरेका थिए ।

यसैबीच आयोजकले भोक्राहा नरसिंह गाउँपालिकाका प्रमुख प्रशासकिय अधिकृत बाबुनन्दन मेहता र सुनसरी क्षेत्र नम्बर ४ (ख) का सासद ताहिर अंसारीलाई सम्मान गरेको छ ।  

 

हरिनगर गाउँपालिकाको ४ नम्बर वडा कार्यालयको नयाँ भवन उद्घाटन

सुनसरीको सीमावर्ती क्षेत्र हरिनगर गाउँपालिकाको ४ नम्बर वडा कार्यालयको नयाँ भवन उद्घाटन गरिएको छ । बुधबार हरिनगर गाउँपालिका वडा नं.–४ को नव निर्मित प्रशासनिक वडा कार्यालय भवन उदघाटन गरिएको हो । वडा कार्यालयको प्रमुख अतिथि नेपाली काग्रेंसका केन्द्रीय सदस्य तथा एक नम्बर प्रदेशका संसदीय दलका नेता राजिव कोईराला र हरिनगरका अघ्यक्ष गफार अंसारीले संयुक्त रूपमा उद्घाटन गर्नुएभको हो । कोइराला र अंसारीको कर कमलबाट उद्घाटन भएको वडा कार्यलयको उद्घाटन कार्यक्रममा विशिष्ट अतिथि ताहीर अंसारी, पार्टीका जिल्ला सभापती केदार भण्डारी, गाउँपालिका उपाध्यक्ष रिमझिम कुमारी भगत तथा वडा अध्यक्ष सुदिलाल मेहता सहितको उपस्थिती रहेको थियो । उद्घाटन कार्यक्रममा काग्रेंसकालाई मात्रै बोलाएको साना दलहरुले आरोप लगाएको छ । वडा कार्यालयमा भएको अनियमितता, भ्रष्टाचार र ढिलासुस्तीको विरुद्ध नबोल्नेहरुलाई मात्रै बोलाएर वडा कार्यालय भवन उदघाटन गरिएको स्थानीय वडाबासीको आरोप छ । वडाबासीले भवन निर्माणमा लाखौको अनियमितता भएको र गुणस्तरहिन काम भएकाले त्यस बारेमा छानविन गर्नुपर्ने जनता समाजवादी पार्टीका एक नेताले बताएका छन् । उक्त वडामा जसपाका सदस्यहरु भएपछि उनीहरुलाई उपेक्षा गरेको आरोप बाहिर आएको छ । उद्घाटन कार्यक्रम चलिरहदाँ स्थानीयहरुले वडाको भवन निर्माणमा भएको अनियमितता र गुणस्तरहिनताका बारेमा छानविन गरी यर्थान सार्वजनिक गर्नुपर्ने माग गरेका छन् ।

विश्वको १० प्रदूषित सहरको सूचीभित्र काठमाडौं

काठमाडौं । काठमाडौं विश्वकै प्रदूषित सहरमा खराब १० भित्रको सूचीमा परेको छ । मंगलबार विहान ९।४५ बजेको तथ्यांकअनुसार काठमाडौंको वायु विश्वको ९औं प्रदूषित सहरभित्रको सूचीमा छ ।

वायुको गणस्तर मापनका आधारमा यस्तो सूची सार्वजनिक गर्ने आईक्युएयरका अनुसार मंगलबार काठमाडौं विश्वकै प्रदूषित सहरको छैठौं स्थानमा थियो । स्विट्जरल्याण्ड मुख्यालय रहेको आईक्यूएअरका अनुसार अहिले काठमाडौंको वायुको गुणस्तर ‘अस्वस्थकर’ स्तरमा छ ।

 

केही दिनदेखि काठमाडौं उपत्यकाको वायुमण्डल सफा छैन । बिहान तुवाँलोले वायुमण्डल ढाकिरहेको छ । आँखा पिरो हुने, चिलाउने र नाक पोल्ने अनुभव हुन थालेको छ । गत वर्ष सरकारले प्रदूषण बढेपछि चार दिन विद्यालय बन्द गर्ने निर्णय नै लिनु परेको थियो ।

पोलुनस डट जीओभी डट एनपीका अनुसार बुधबार कीर्तिपुर क्षेत्रको वायुमण्डल बढी प्रदूषित छ । पोखरा, सिमारा, भरतपुर, धनकुटा र नेपालगञ्ज क्षत्रेको वायू पनि प्रदूषित अवस्थमा पुगेको छ ।

 

नेपाल सरकारले पनि काठमाडौं उपत्यकाका लागि वायु गुणस्तर व्यवस्थापन कार्ययोजनामा वायु प्रदूषण आपत्कालसम्बन्धी व्यवस्था गरेको छ । मन्त्रिपरिषद् बैठकले तीन माघ २०७६ मा पारित गरेको यो कार्ययोजनामा स्पष्ट रुपमा ३०० एक्यूआई नाघेपछि विपद् घोषणा गर्ने भनिएको छ । अहिले काठमाडौंको एक्यूआई १६०को हाराहारीमा छ ।

 

मधेस प्रदेशसभाको बैठक फेरि स्थगित

जनकपुरधाम । मधेस प्रदेशको प्रदेशसभाको आजका लागि बोलाइएको बैठक फेरि स्थगित गरिएको छ । प्रदेशसभा सचिवालयका सचिव रञ्जित यादवले सूचना जारी गर्दै विशेष कारणवश बैठक स्थगित भएको जानकारी गराएका छन् ।

मधेस प्रदेशसभाको बैठक स्थगित भएको यो चौथोपटक हो । फागुन १ गते, १० गते र २२ गतेका लागि बोलाइएको बैठक स्थगित गरिएको थियो ।

अर्को बैठक शुक्रबार दिउँसो २ बजे बस्ने तय गरिएको प्रदेशसभा सचिवालयले जनाएको छ । यसअघि गत फागुन २२ गतेका लागि बोलाइएको बैठक चैत ९ गते दिउँसो १ बजेसम्मका लागि स्थगित गरिएको थियो ।

आजको मौसम पहाडी क्षेत्रमा चट्याङसहित वर्षाको सम्भावना

काठमाडौं । हाल देशमा पश्चिमी न्यून चापीय प्रणालीको सामान्य प्रभाव रहेको छ । बिहान देशको पहाडी भूभागमा आंशिक बदली छ ।

दिउँसो प्रदेश १, बागमती, गण्डकी, कर्णाली र सुदूरपश्चिम प्रदेशका पहाडी भूभागमा आंशिकदेखि सामान्य बदली रहने मौसम पूर्वानुमान महाशाखाले अनुमान गरेको छ । पहाडी भूभागका केही स्थानमा मेघ गर्जन र चट्याङसहित हल्का वर्षाको सम्भावना छ ।

राति प्रदेश १, बागमती, गण्डकी, कर्णाली प्रदेशका पहाडी भेगका थोरै स्थानमा मेघ गर्जन र चट्याङसहित हल्का वर्षाको आँकलन गरिएको छ ।

बिहीबार देशका पहाडी र हिमाली भूभागमा आंशिक देखि सामान्य बदली रहनेछ । पहाडी भूभागका केही स्थानमा मेघ गर्जन र चट्याङसहित हल्का वर्षाको सम्भावना छ ।

व्यापारीबाट १ लाख ५७ हजार क्वीन्टल चामल किन्दै खाद्य कम्पनी

काठमाडौं । सरकारी कम्पनी खाद्य व्यवस्था तथा व्यापार कम्पनीले व्यापारीबाट चामल किन्न थालेको छ । सिजनमा किसानबाट न्यून मात्रामा धान किनेको खाद्यले देशभर १ लाख ५७ हजार ५ सय क्वीन्टल चामल किन्न थालेको हो । कम्पनीका १० वटा प्रादेशिक र मुख्य शाखामार्फत चामल खरिदका लागि बोलपत्र स्वीकृत गरिएको छ । खाद्यको विर्तामोडस्थित मुख्य शाखाका लागि ५ हजार क्वीन्टल सोना मन्सुली र स्टिम जिरा खरिद गरिँदैछ ।

प्रादेशिक कार्यालय विराटनगरका लागि ४ हजार क्वीन्टल सोना मन्सुली, २ हजार क्वीन्टल स्टिम जिरा मसिनो र १ हजार क्वीन्टल स्टिम रन्जित चामल खरिद प्रक्रिया अगाडि बढेको छ । त्यस्तै, मुख्य शाखा लहान र शाखा कार्यालय वीरगन्जका लागि २०(२० हजार क्वीन्टल, प्रादेशिक कार्यालय काठमाडौंका लागि ८ हजार ५ सय क्वीन्टल, प्रादेशिक कार्यालय भैरहवाका लागि ७ हजार क्वीन्टल, मुख्य कार्यालय नेपालगन्जका लागि २३ हजार क्वीन्टल र प्रादेशिक कार्यालय धनगढीका लागि ३७ हजार क्वीन्टल चामल किन्न छुट्टाछुट्टै बोलपत्र स्वीकृत भएको छ । प्रादेशिक कार्यालय सुर्खेतका लागि २० हजार क्वीन्टल र मुख्य शाखा तुलसीपुरका लागि ४ हजार क्वीन्टल चामल किनिँदैछ ।

आजदेखि निर्वाचन आचारसंहिता कार्यान्वयनको सम्बन्धमा सातवटै प्रदेशमा अन्तरक्रिया हुँदै

काठमाण्डौ । निर्वाचन आयोगले आजदेखि निर्वाचन आचारसंहिता कार्यान्वयनको सम्बन्धमा सातवटै प्रदेशमा अन्तरक्रिया गर्दैछ ।

आयोगका प्रवक्ता शालिग्राम शर्मा पौडेलले नेपाल कानून समाजसँगको सहकार्यमा प्रमुख निर्वाचन आयुक्त, आयुक्तहरु तथा निर्वाचन विज्ञहरुको सहभागितामा सातवटै प्रदेशका १५ जिल्लामा आजदेखि गतेदेखि १७ गतेसम्म निर्वाचन आचारसंहिता कार्यान्वयनका सम्बन्धमा राजनीतिक दल, सरोकारवाला निकाय, संस्था तथा पदाधिकारीहरुसँग छलफल तथा अन्तरक्रिया गर्न लागेको बताउनुभयो ।

उहाँकाअनुसार पहिलो चरणमा सात वटै प्रदेशका केन्द्र र केन्द्रसँग जोडिएका १५ जिल्लामा अन्तरक्रिया हुनेछ । यस पछि अन्य जिल्लामा पनि अन्तरक्रिया गरिने उहाँको भनाई छ । यस्तै बैशाख ३० गते तोकिएको स्थानिय तहको चुनावका लागि आयोगले निर्वाचन अधिकृतहरुलाई पनि तालिम दिने तयारी गरिरहेको छ ।

मतदाता नामावाली अध्यावधिक गर्ने काम पनि अन्तिम चरणमा पुगेको आयोगले जनाएको छ । आउँदो १३–१४ गतेसम्म मतदाताको नामावली प्रकाशित गर्ने तयारी छ । यसैबीच मतपत्र छपाइका लागि पनि कागज आइसकेको आयोगले जनाएको छ । आयोगले आम नागरिक तथा सरोकारवालाको जिज्ञासा, गुनासो वा प्रश्न समेट्न आउँदो १५ गतेदेखि ११ ०२ नम्बरको टोलफ्री नम्बर पनि शुरु गर्न लागेको आयोगका प्रवक्ता शालिग्राम शर्मा पौडेलले जानकारी दिनुभयो ।

तीन कारणले एमाले प्रवेश गरें करिश्मा मानन्धर

काठमाडौं । मंगलबार नेकपा एमालेमा प्रवेश गरेकी अभिनेत्री करिश्मा मानन्धरले मुख्य तीन कारणले आफू पार्टी प्रवेश गरेको बताएकी छन् । पार्टी प्रवेश गर्नुको पहिलो कारणको रुपमा उनले अध्यक्ष केपी शर्मा ओलीलाई कारण देखाइन् ।

‘ओलीजीलाई फुर्काउन भनेकी होइन । नेता भनेको जनताको पथप्रदर्शक हो । ओलीमा त्यो प्रतिबद्धता र कुशलता पाउँछु । ओलीको इनर्जी देखेर ताजुब भएकी छु,’ पार्टी प्रवेश कार्यक्रममा बोल्दै उनले भनिन् ।

 

एमालेले मुलुकको परिवर्तन र समृद्धिको सही एजेन्डा बोकेकाले आफूले पार्टी प्रवेश गर्ने निर्णय लिएको उनले बताइन् । तेस्रो कारणमा अधिकांश नेपाली नागरिकले एमालेसँग सद्भाव राख्ने भन्दै उनले यो पार्टी रोजेको बताइन् ।

करिश्माले अगाडि भनिन्, ‘अब एमालेमा रहेर राजनीतिमा अघि बढ्ने अठोट गरेकी छु । यही अठोट लिएर मुलुकको समृद्धिको दिशामा अघि बढ्छु ।’ आफू नितान्त एमालेको कार्यकर्ता भएर कार्यकर्तासँग जोडिन आइपुगेको उनले बताइन् ।

 

भागबण्डा र कुनै पदको लोभ लिएर आफू एमालेमा नआएको दाबी गर्दै उनले पार्टीमा दिइने जिम्मेवारीबाट पछि नहट्ने बताइन् । ‘पार्टीमा कुनै जिम्मा दिइन्छ भने म पछि हट्दिन,’ उनले भनिन् ।

अध्यक्ष ओलीले करिश्मालाई खादा र टीका लगाएर पार्टी प्रवेश गराएका थिए ।

अनेम संघ क्रान्तिकारी इनरुवामा भट्टराई

सुनसरी सदरमुकाम इनरुवामा चुनवी सगर्मी बढेको बेला नेकपा माओवादी केन्द्रको भातृ संस्था अखिल नेपाल महिला संघ क्रान्तिकारी इनरुवा नगर कमिटि गठन भएको छ । इनरुवामा राधा भट्टराईको अध्यक्षतामा अनेम संघ क्रान्तिकारी नगर कमिटि गठन भएको हो । पार्टीका नेता रमेश भट्टराईका अनुसार अनेमसंघ क्रान्तिकारी इनरुवा नगर भेलाबाट राधा भट्टराईको अध्यक्षतामा ६१ सदस्य कमिटि गठन गरिएको हो । अनेम संघ क्रान्तिकारी इनरुवा नगर भेलामा पार्टीका नजगर अध्यक्ष तोया गिरी सहितका जिल्ला, प्रदेश स्तरका नेताहरुको पनि उपस्थिती रहेको थियो ।
उता नेपाल कम्युनिष्ट पार्टी (माओवादी केन्द्र)पुरानो इनरुवा ४ नम्बर वडामा बिरेन्द्र टोल कमिटि संजय पन्डितको अध्यक्षतामा ११ सदस्यीय कमिटि बनाएको छ । गाउँटोलमा माओवादी जिताउने गरी विरेन्द्र टोल कमिटी गठन गरिएको पार्टीका नगर उपाध्यक्ष नारायण यादवले जानकारी दिनुभयो । यादवको आतिथ्यता तथा राजकुमार उराँवको अध्यक्षतामा टोल कमिटि गठन कार्यक्रम सम्पन्न भएको हो । कार्यक्रममा समितिलाई माओवादी केन्द्र जिन्दावाद, महान अमर सहिदहरु लाल सलाम, घरघर जाउँ; माओवादी केन्द्रलाई बिजयी गराऔ र नेकपा माओबादी केन्द्र जिन्दाबादको नारा लगाउन भनेका थिए ।

 

फरार अभियुक्त पक्राउ

मिति २०७५/११/२७ गते देखि बैंकिङ कसुर मुद्दामा फरार रहेका फरार अभियुक्त
जिल्ला सुनसरी हरिनगर गाउँपालिका वडा न. १ बस्ने बर्ष ३६ का सम्सेर
आलमलाई जिल्ला प्रहरी कार्यालय सुनसरीबाट खटिएको टोलिले ३ वर्ष पछि
पक्राउ गर्न सफल भएको छ ।
सम्मानित उच्च अदालत बिराटनगरको मिति २०७५/११/२७ गते फैसलाले ३
महिना कैद र रु.७१,९०,०००/-(एकहत्तर लाख नब्बे हजार) जरिवाना भए पश्चात
सम्सेर आलम फरार भएका थिए ।
निज अभियुक्त उपर पुन अनिल कुमार झा र गोबिन्द प्रसाद घिमिरेले
दिएको उजुरी आधारमा सम्मानित अदालतबाट लगत नं. ९०२९, मिति
२०७५/११/२७ गतेको फैसलाले ३ महिना कैद र रु. ५१,९०,०००/-(एकाउन्न
लाख नब्बे हजार) र लगत नं. ९०३०, मिति २०७५/११/२७ गतेको फैसलाले
रु.२०,००,०००/- (बिस लाख) कैद जरिवाना ठेगिएको थियो ।
अभियुक्तलाई पक्राउ पश्चात मिति २०७८।१२।०७ गते नै सम्मानित
अदालतमा उपस्थित गराईएको थियो । निजले जरिवाना बापतको रकम व्यहोर्न
नसकेको हुँदा सम्मानित अदालतको आदेश अनुसार थुनामा राख्न झुम्का कारागार
कार्यालय पठाईएको छ ।