१८ चैत्र २०७७, बुधबार १९:१४ – Nagarikabhiyan : National News

आगामी आवमा नेपालको गार्हस्थ उत्पादन २.७ प्रतिशतले वृद्धि हुने प्रक्षेपण

काठमाडौँ । विश्व बैंकले आगामी आर्थिक वर्षमा नेपालको कुल गार्हस्थ उत्पादन (जिडिपी) २.७ प्रतिशतले वृद्धि हुने र त्यो अर्को आर्थिक वर्षमा ५.१ प्रतिशत पुग्ने प्रक्षेपण गरेको छ । विप्रेषण आप्रवाहमा बढोत्तरी हुने अनुमानका आधारमा बैंकले जिडिपी बढ्ने प्रक्षेपण गरेको हो ।

दक्षिण एसियाको अर्थतन्त्रबारे बैंकले आज जारी गरेको अर्धवार्षिक क्षेत्रीय प्रतिवेदनअनुसार आर्थिक वर्ष २०२१÷२२ मा बङ्गलादेशको कुल गार्हस्थ उत्पादन ३.६ प्रतिशतले, भारतको १० प्रतिशतले र पाकिस्तानको आर्थिक वृद्धि १.३ प्रतिशतले बढ्ने अनुमान गरिएको छ । “आगामी वर्ष दक्षिण एसियाको आर्थिक वृद्धिमा सुधार हुने सम्भावना छ र यस क्षेत्रको अर्थतन्त्र पुनरुत्थानको मार्गमा आउनेछ”, प्रतिवेदनमा भनिएको छ ।

कोभिड–१९ का कारण धेरै व्यवसाय प्रभावित भएका, राजश्व सङ्कलनमा कमी आएको तथा लाखौँ बेरोजगार भएका जनाउँदै प्रतिवेदनमा रोजगारीका अवसर अझै प्रभावित हुने, आम्दानी घट्ने र असमानता बढ्दै जाने प्रतिवेदनमा उल्लेख छ ।

स्वास्थ्यजन्य फोहरमैला व्यवस्थापन प्राथमिकतामाः मन्त्री राई

विराटनगर । प्रदेश नं १ का सामाजिक विकासमन्त्री उषाकला राईले हरेक अस्पतालमा स्वास्थ्यजन्य फोहरमैला व्यवस्थापन र समग्र सरसफाइलाई प्राथमिकतामा राखिने बताउनुभयो ।

उहाँले आज मन्त्रालयमा आयोजित सञ्चारकर्मीसँगको भेटघाट कार्यक्रममा उहाँले सङ्घीय सरकारबाट प्राप्त कोभिड–१९ को खोप प्राथमिकताका आधारमा लगाउने कार्यकमलाई निरन्तरता दिनेछ भन्नुभयो । मन्त्री राईले प्रदेश मातहतका सम्पूर्ण अस्पताललाई कम्तीमा ५० श्ययामा सत्तरोन्नति गरी दरबन्दी संरचना थप गरिने उल्लेख गर्दै शिक्षामा सरकारले गरेको लगानीअनुसारको परिणाम प्राप्त गर्न विज्ञको अध्ययन टोलीले सिफारिस गरेअनुसार गर्नुपर्ने कामको शुरुआत गर्ने प्रतिबद्धता व्यक्त गर्नुभयो ।

उहाँले महिला, बालबालिका, अपाङ्गता भएका व्यक्ति तथा ज्येष्ठ नागरिकका अधिकारमा विशेष ध्यान दिने भन्दै युवा खेलकूद, भाषा संस्कृति, श्रम तथा रोजगारका क्षेत्रमा पनि प्राथमिकता दिने बताउनुभयो । आवश्यकताअनुसारको कानून निर्माणमा जोड दिने बताउँदै उहाँले ‘ब्याण्ड भर्सेस ब्राण्ड’ को अवधारणाअनुसार नेपाली कोदोको रक्सीलाई ब्राण्डिङ गर्ने कार्यको बारेमा कानूनी र व्यावहारिक पक्षको अध्ययन गरी लागू गरिने जानकारी दिनुभयो ।

राष्ट्रिय जनगणनाको तयारी तीव्र

काठमाडौं । राष्ट्रिय सरोकार समितिले राष्ट्रिय योजना आयोग र तथ्याङ्क विभागसँग आगामी जनगणनाको लागि भइरहेको तयारी र हालसम्मको कार्य प्रगतिबारे जानकारी लिएको छ ।

समितिले गणकलाई प्रत्येक घरदैलोमा पुुगेर वास्तविक तथ्यका आधारमा तथ्याङक सङ्कलन गर्ने कार्यमा कुनै कमी कमजोरी हुन नदिन आयोग र विभागको गम्भीर ध्यानाकर्षण गराएको छ । सरकारले आगामी जेठ २५ देखि असार ७ गतेसम्म बाह्रौं राष्ट्रिय जनगणना गर्दैछ ।

समितिको आजको बैठकमा सदस्यहरुले खासगरी बसाइँसराइ र विभिन्न पेशा व्यवसायमा संलग्न हुने सिलसिलामा शहर र विदेशमा जाने नागरिकको दोहोरो गणना हुनसक्ने सम्भावनालाई समयमै होस् पुु¥याउन सुुझाव दिए ।

जनगणनामा शिक्षा, पेशा, बसाइँसराइका अतिरिक्त विदेशमा रहेका नेपाली र नेपालमा रहेका विदेशीको पनि गणना हुन आवश्यक रहेको बताउँदै उनीहरुले सही तथ्याङक सङ्कलन गर्न गणकहरु प्रत्येक घरमा पुुगे नपुुगेको अनुुगमन गर्ने प्रणालीसमेत आवश्यक रहेको उल्लेख गरे । जनगणनाको स्थलगत तथ्याङ्क सङ्कलन गर्न ३९ हजार गणक तथा आठ हजार सुपरिवेक्षक परिचालन गरिने सो अवसरमा जानकारी दिइयो ।

सङ्घीयता, गणतन्त्र र धर्मनिरपेक्षताको संस्थागत विकास गर्ने बलियो आधार जनगणना भएको हुुँदा सही तथ्याङ्क सङ्कलन गर्न सक्नुपर्छ भन्दै सदस्यहरुले सामाजिक रुपान्तरणका लागि कुुप्रथाको जड र केन्द्रविन्दुु मानिएका विषय पत्तालगाउने गरी फारम विकास गर्न सुुझाव दिए।

कर र राजश्वलगायतका कारणले सही सूूचना नदिने पाटोमा सुधार गर्दै जनगणनामा सबैलाई सहभागिताका लागि प्रेरित गर्न सु्झाव दिए । महिलाले घरभित्र गरेका कामको मूल्यको गणना हुुन आवश्यक रहेको बताउँदै उनीहरुले मुुलुकभर सेवा क्षेत्रमा भएको विस्तारको अवस्था कस्तो छ भन्ने कुरा पनि जनगणनामा आओस् भनेका छन् ।

नेपालले प्रत्येक १० वर्षमा राष्ट्रिय जनगणना गर्दै आएको छ । प्रत्येक वर्ष असार ८ गतेलाई जनगणना दिवसका रुपमा मनाउने गरिन्छ । यस वर्षको जनगणनाको मूूल नारा ‘मेरो गणना, मेरो सहभागिता’ रहेको छ ।

योजना आयोगका सदस्य डा.रामकुुमार फुुयाँलले राष्ट्रको विकास र समृद्धिको अभियानलाई अघि बढाउन ठिक तथ्याङ्क आवश्यक पर्ने भएकाले राष्ट्रिय जनगणनामार्फत सही तथ्याङ्क सङ्कलन गर्न आयोगले भगिरथ प्रयत्न गर्ने दृढता व्यक्त गरेका छन् ।

तथ्याङ्क विभागका महानिर्देशक नेवीनलाल श्रेष्ठले स्थानीयवासीलाई प्रोत्साहन गर्न रोजगारमा संलग्न नभएका युवायुुवतीलाई प्राथमिकता दिने उद्देश्यले दरखास्त आह्वान गरी गणक परिचालन गर्न लागिएको बताए।

उनले भने, “युवालाई गौरव बोध होस् भन्ने हेतुुले विगतमा ९८ प्रतिशत शिक्षक परिचालन गर्दै आएकामा यस पटक ठिक विपरीत सोही प्रतिशत युुवालाई गणनामा सहभागी गराउने व्यवस्था गरिएको छ ।” शहरका उच्च वर्गको तुुलनामा कम साक्षरता भए पनि दुुरदराजका जनताले वास्तविक तथ्याङ्क उपलब्ध गराएर सहयोग पुु¥याएको विगतको अनुुभव सुनाउँदै महानिर्देशक श्रेष्ठले समाजका सवै तह र तप्कालाई राष्ट्रिय जनगणनामा सहभागी भई सहयोग पुु¥याउन अपिल गरेका छन् ।

कम्युनिस्ट आन्दोलनलाई धारासायी हुन दिने छैनौं – माधव नेपाल

काठमाडौँ ।  बुधवार काठमाडौंको बुद्धनगरमा आफू निकट युवा संघ नेपालको केन्द्रीय कार्यालयको समुद्घाटन गर्दै नेता नेपालले कम्युनिस्ट आन्दोलनलाई नयाँ उचाइमा पुर्‍याउने अभियानमा आफू लागेको बताएका छन् ।

 

नेता नेपालले कम्युनिष्ट आन्दोलनलाई नयाँ शिराबाट नयाँ उचाईमा पुर्‍याउन चाहेको बताएका छन् । कम्युनिस्ट आन्दोलनलाई छिन्नभिन्न हुन दिने छैनौं । कम्युनिस्ट आन्दोलनलाई धारासायी हुन दिने छैनौं । कम्युनिस्ट आन्दोलनलाई विसर्जनको ठाउँमा पुर्‍याउन दिने छैनौं । यो हाम्रो सङ्कल्प हो । सबै खालका विकृति विसङ्गतिबाट मुक्त गरी क्रान्तिकारी स्वरुप दिने पक्षमा आफू रहेको पनि स्पष्ट उहाँले बताउनु भयो ।

 

हामी आमजनताको आकर्षणको केन्द्र बनाएर जनताको यो धरोहरलाई, आस्थाको पुञ्जलाई सँधैभरी जीवन्त गराउने पक्षमा छौं । गतिशील बनाउने पक्षमा छौं ।’विचार, संगठन, गतिशीलता, तार्किकता र व्यवहारमा उत्कृष्ट बन्न सके समाज परिवर्तन गर्न सकिने र आफूहरू सामाजिक न्याय सहितको आर्थिक रूपान्तरणको पक्षमा रहेको नेता नेपालले बताए ।

१० हजार फिटमाथि उड्ने विमानमा इन्टरनेट, नेपाल दक्षिण एसियाको तेस्रो देश

काठमाडौं ।  दश हजार फिटमाथि उड्ने विदेशी विमानमा यात्रा गर्ने यात्रुलाई इन्टरनेट सेवा उपलब्ध गर्न सकिने भएको छ ।  प्राधिकरण बोर्डले हालै यस्तो  स्वीकृति प्रदान गर्ने निर्णय गरेको छ । अब नेपाली आकाशमाथि उड्ने विमानमा इन्टरनेट प्रयोग हुने भएको छ ।

 

नेपाल दक्षिण एसियामा १० हजार फिटमाथि जहाजमा दूरसञ्चार सेवा उपलब्ध गराउने तेस्रो देश भएको छ । हाल अफगानिस्तान र भारतमा पनि यस्तो सेवा सञ्चालनमा छ ।

 

गत चैत ९ गेत बसेको प्राधिकरण बोर्डकाे बैठकले यो विषयमा निर्णय गरेको प्राधिकरणका प्रवक्ता सन्तोष पौडेलले बताएका छन् । पौडेलका अनुसार प्राधिकरण बोर्डले हवाई जहाजभित्र प्रयोग हुने ईन-फ्लाईट टेलिकम्युनिकेसन सर्भिसका लागि निवेदन दिने कम्पनीहरुलाई स्वीकृति पत्र दिने निर्णय गरेको छ ।

यदि कुनै कम्पनीले त्यसरी सेवा दिन इच्छुक रहेकाे निवेदन दिएमा नो अब्जेक्सन लेटर (एनओसी) उपलब्ध गराउने निर्णय भएकाे उनले बताए । यसअघि प्राधिकरणमा विभिन्न कम्पनीले आवेदन दिएका थिए । तर, यो विषयमा आवश्यक कुनै नीति हुँदा स्वीकृती प्रदान गर्न सकिएको थिएन ।

प्राधिकरणका अनुसार ६ महिनाअघि थालस इंकले पहिलोपटक प्राधिकरणमा १० हजार फिटमाथि आकाशमा उड्ने विमानमा इन्टरनेट चल्ने बनाउन स्वीकृति मागेको थियो ।

दूरसञ्चार सेवा प्रदान गर्ने भन्दै सो कम्पनीले निवेदन पेश गरेको थियो । प्राधिकरणका निर्देशक अम्बर स्थापितले भने, ‘त्यसका लागि उनीहरुले विमानभित्रै पिको सेल अर्थात फोरजीको सानो बीटीएस राख्नेछन् ।’

बीटीएस स्याटेलाइटमार्फत कनेक्ट भएर विमानमा सेवा उपलब्ध हुने यस्तो सेवा, जुन देशको विमान हो, त्यही देशको दूरसञ्चार सेवा प्रदायकको हुनेछ ।

‘यो भनेको हाम्रो आकाशमाथि अन्य देशका सेवाप्रदायकको नेटवर्कले पनि काम गर्ने बनाउने हो,’ स्थापितले भने, ‘त्यसरी अन्य देशको आकाशमाथि अर्को देशको दूरसञ्चार सेवा उपलब्ध गराउन स्वीकृति लिनुपर्ने भएकाले उनीहरुले निवेदन दिएका हुन् ।’

थालसले स्वीकृति मागेको तीन महिनापछि सिता फर एयरक्राफ्ट भन्ने कम्पनी पनि सोही निवेदनका साथ प्राधिकरण आइपुग्यो । त्यस्तै अभान्ती नामक कम्पनीको पनि निवेदन प्राप्त भएको स्थापितले जानकारी दिए ।

यसरी एकपछि अर्को गर्दै विभिन्न कम्पनीबाट स्वीकृतीका लागि आवेदन आएपछि यो विषयमा अध्ययनका लागि सञ्चार तथा सूचना प्रविधि मन्त्रालय, नागरिक उड्यन प्राधिकरण र नेपाल दूरसञ्चार प्राधिकरणका प्रतिनिधिसहितको एक समिति गठन भएको थियो ।

उक्त समितिले १० हजार फिटमाथि अन्य देशको दूरसञ्चार सेवा उपलब्ध गराउन अनुमति दिँदा नेपालकाे दूरसञ्चारमा कुनै किसिमको असर नपर्ने निश्कर्ष निकालेको थियाे ।

त्यसैका आधारमा प्राधिकरण बोर्डमा पठाइएको थियो । भने, प्राधिकरणले बोर्डले त्यसमा छलफल गरी एनओसी प्रदान गर्ने निर्णय गरेको हो ।

योसँगै नेपालको १० हजार फिटमाथि आकाशमा उड्ने विमानमा यात्रा गर्ने यात्रुले इन्टरनेट र टेलिफोनको मज्जा लिन पाउने भएका छन् ।

प्रवक्ता पौडेलेका अनुसार प्राधिकरणले यसका लागि केही शर्त भने तोकेको छ । जसमा स्वीकृति लिन चाहने कम्पनीले विदेशमा वायु सेवा प्रदान गर्ने अनुमति पाएको हुनुपर्ने छ । त्यस्तै नेपाल दूरसञ्चार प्राधिकरण र नागरिक उड्डयन प्राधिकरणबाट पनि सेवा सञ्चालनकाे अनुमति लिनुपर्ने हुन्छ ।

मन्त्री प्रभु साह भ्रष्टाचारी, हत्यारा र डन नम्बर वान – सांसद दिलकुमारी साह

काठमाडौँ ।  सहरी विकास मन्त्री प्रभु साहलाई भ्रष्टाचारी, हत्यारा र डन नम्बर वान रहेको सांसद दिलकुमारी साहले आरोप लगाउनु भएको छ ।

आजको प्रतिनिधि सभा बैठकको शून्य समयमा बोल्दै उहाँले मन्त्री शाह प्रति यस्ता धेरै चर्चित नाम कमाएको भन्दै संगीन आरोप लगाउनुभएको हो ।

शून्य समयमा बोल्दै सांसद साहले यो आफूले आरोप लगाएको नभई सञ्चार माध्यमबाट सुनेको बताउनुभयो ।

मन्त्री शाहकै संलग्‍नतामा काशी तिवारी हत्यापछि उनकी श्रीमतीलाई आठ लाख रुपैयाँ दिएर मुख बन्द गर्न खोजिएको आरोप लगाउदै उहाँले कसैको श्रीमान मूल्य तोक्ने पीडितलाई न्यायको साट्टो पैसा दिएर चुप गराउने मन्त्री नम्बर वान डन भएको आरोप लगाउनु भयो ।

 

माओवादीले सरकारलाई दिएको समर्थन फिर्ता लिने अन्तिम तयारीमा

काठमाडौं । माओवादी केन्द्रले प्रधानमन्त्री केपी ओलीलाई दिएको समर्थन फिर्ता लिनेबारे छलफल सुरु गरेको छ । माओवादी केन्द्रका अध्यक्ष प्रचण्डले आफु निकट नेताहरुसंग सरकारलाई दिएको समर्थनबारे छलफल सुरु गरेका छन् । प्रचण्डले नेताहरु वर्षमान पुन,पम्फा भुसाल र जनार्दन शर्मालगायतसंग सरकारलाई दिएको समर्थन फिर्ता गर्नेबारे छलफल गरेको स्रोतको दावी छ ।

सत्ता समीकरणका विषयमा माओवादी केन्द्रका अध्यक्ष पुष्पकमल दाहालले मंगलबार कांग्रेस सभापति शेरबहादुर देउवा र जनता समाजावादीका नेता डा. बाबुराम भट्टराईलाई भेटेका थिए। स्रोतकाअनुसार देउवा र डा. भट्टराईसँग्को छलफल सकारात्मक भएपछि माओवादी समर्थन फिर्ता लिने तयारीमा लागेको हो। जनस्तरमा माओवादीको दोहोरो भुमिकालाई लिएर आलोचना भएपछि सरकारलाई समर्थन फिर्ता लिनेबारे माओवादीभित्र छलफल चलेको हो । माओवादी केन्द्रले सरकारलाई दिएको समर्थन फिर्ता चाँडै लिन सक्ने स्रोतको दाबी छ । माओवादी केन्द्रका अध्यक्ष प्रचण्डले केही दिनअघि सरकारलाई दिएको समर्थन चाँडै फिर्ता लिने बताएका थिए ।  नयाँ सरकार गठनका लागी प्रचण्डले मधेशवादी दल र कांग्रेसका नेताहरुसँग घनिभुत छलफल गरिरहेका छन् ।

देशका विभिन्न स्थानमा लागेको डढेलो नियन्त्रणबाहिर

काठमाडौं । हाल देशका ८१ स्थानमा लागेको डढेलो नियन्त्रणमा आउन सकिरहेको छैन ।

चैत्र १३ गते देखि सुरु भएको डढेलो हाल ८१ स्थानमा लागिरहेको वन मन्त्रालयले जनाएको छ । विभिन्न स्थानमा लागेको डढेलो मानववस्ती समेत सल्कने खतरा बढेको भन्दै सतर्कता अपनाउन मन्त्रालयले सर्वसाधारणमा अपील गरेको छ ।

पानी नपरि डढेलो अझै नियन्त्रणमा नआए नजिकका मानववस्ती समेत खतरामा रहेको मन्त्रालयका प्रवक्ता प्रकाश लम्सालले बताए । डढेलो नियन्त्रणमा लिन सकस भएको लम्सालको भनाई छ । सीमित श्रोत साधनका कारण डढेलो नियन्त्रण गर्न चुनौती रहेको पनि उनले बताए ।

भौगोलिक कठिनाइका कारण डढेलो नियन्त्रणका लागि चुनौति रहेको बताउदै बर्षाको आशाको विकल्प नरहेको उहाँको भनाइ छ । सुख्खायाम अझै लम्बिने हुँदा चुनौती थप बढ्ने खतरा रहेको छ ।

देशका विभिन्न स्थानमा लागेको डढेलोका कारण हाल काठमाडौं उपत्यकासहित देशका विभिन्न स्थानमा वायु प्रदुषण उच्च बनेको छ । वायु प्रदुषणले स्वास्थ्य जोखिम बढेपछि सरकारले बुधवारदेखि चार दिनका लागि शैक्षिक संस्थाहरुलाई विदा दिएको छ ।

एटिएम मेसिन ह्याक गरी पैसा निकाल्ने चिनियाँ नागरिक काठमाडौंबाट पक्राउ

काठमाडौं ।  एटिएम मेसिन ह्याक गरी पैसा निकाल्न खाेजेकाे आराेपमा चिनियाँ नागरिकलाई महानगरीय प्रहरी वृत्त दरबारमार्ग र काठमाडौं परिसरको टोलीले विशेष सूचनाको आधारमा २९ वर्षीय वाङ जियोलोङलाई ठमेलको ज्याठाबाट प्रहरीले पक्राउ गरेको छ ।

मेगा बैकको एटीएम मेसिनको किबोर्ड पिन नम्बर ह्याक गरी नगद निकाल्न खोजेको अवस्थामा पक्राउ परेको प्रहरीले जनाएको छ ।

प्रहरीले उनको साथबाट मोबाइल ४ थान, बिभिन्न किसिमका १० वटा चाबीहरुसहितको झुप्पा १ थान, विभिन्‍न बैंकको १० थान एटीएम कार्ड, चाइनिज युआन २ हजार ३ सय ८२ , अमेरिकी डलर ६५ र  नेपाली २ हजार ११० रुपैयाँ बरामद गरेको छ । उनीमाथि थप अनुसन्धान भइरहेको प्रहरीले जनाएको छ ।

स्वास्थ्य सामग्री खरिदमा मन्त्री ढकालले १ अर्ब २४ करोड घोटाला गरेको लेखासमितिको खुलासा

काठमाडौ । संस्कृति, पर्यटन तथा नागरिक उड्डयन मन्त्री भानुभक्त ढकालले १ अर्ब २४ करोड कोभिड-१९ को स्वास्थ्य सामग्री ठेक्काकाण्डमा घोटाला गरेको भनेर कारबाही गर्न संसदको लेखा समितिले सिफारिस गरेको छ ।

कोभिड– १९ को माहामारी रोकथाम तथा नियन्त्रणका लागि ओम्नी बिजनेस कर्पोरेसन इन्टरनेसलनमार्फत चीनबाट स्वास्थ्य सामग्री खरिद ठेक्कामा उनी स्वास्थ्य मन्त्री रहँदा उनको संलग्नता देखिएपछि लेखाले कारबाहीका लागि अख्तियार दुरुपयोग अनुसान्धान आयोगलाई सिफारिस गरेको हो ।

गतवर्षको चैतमा स्वास्थ्य मन्त्रालयले कोरोना संक्रमण नियन्त्रण तथा न्यूनीकरणका लागि प्रयोग गरिने स्वास्थ्य सामग्री खरिदका लागि ओम्नी बिजनेस कर्पोरेसन इन्टरनेसनललाई १ अर्ब २४ करोडको ठेक्का दिएको थियो ।

खरिद प्रक्रिया र समयमा सप्लाइ गर्न नसकेको विषयमा स्वास्थ्य विज्ञहरुले तत्कालै टिप्पणी गर्नुका साथै खरिद प्रक्रियामा घोटाला भएको भन्दै विरोध जनाएका थिए। त्यस्तै सो कम्पनीले खरिद गरी ल्याएको सामग्री पनि गुणस्तरहीन देखिएको भन्दै विवाद आएसँगै ओम्नीलाई कारबाही गरी भुक्तानी रोकेको र कालोसूचीमा राखिएको भनिएको थियो ।

सोही विषयमा सार्वजनिक लेखा समितिले अध्ययन गरिरहेको थियो । पुस ३ गते बसेको समितिले औषधि खरिदमा भएको अनियमितता सम्बन्धमा तत्कालीन स्वास्थ्यमन्त्री भानुभक्त ढकाललाई बोलाएर स्पष्टीकरणसमेत सोधेको थियो।

यसैक्रममा समितिकोे सोमबार बसेको बैठकले ओम्नीमार्फत खरिद गरिएका स्वास्थ्य सामग्री तथा खरिद प्रक्रिया नै गलत भएको ठहर गर्दै अख्तियार दुरुपायेग अनुसन्धान आयोगको सचिवलाई पत्रलेखी दोषीलाई कारबाही गर्न निर्देशन दिएको हो ।

समितिले आयोगलाई लेखेको पत्रमा समितिको गत पुस ३ गते बसेको बैठकले गरेको निर्णयको कार्यान्वयनका लागि पत्राचार गरेको उल्लेख गरिएको छ।

गत वर्षको माघ २९ गोरखापत्रमा सूचना प्रकाशित गरी छिटो विधिबाट अति आवश्यक स्वास्थ्य सामग्री खरिद गर्न अघि बढाएको प्रक्रिया नियमसंगत देखिए पनि कार्यान्वयन गर्ने पाटोमा भने अनियमितता देखिएको उल्लेख छ ।

तर, सोही प्रकृतिका सामग्री खरिद गर्न अर्को प्रक्रिया अघि बढाउँदा विशेष परिस्थिति जनाई नोबल कोरोना रोकथाम तथा नियन्त्रण उच्चस्तरीय समन्वय समितिको गत वर्षको चैत ११ को निर्णयलाई आधार मानी बजेट तथा लागतको अनुमान तयार नगरी सार्वजनिक खरिद ऐन र सार्वजनिक खरिद नियमावलीविपरीत अख्तियार प्राप्त अधिकारीहरुले आफूमा निहित अधिकार प्रयोग नगरी अन्य व्यक्तिलाई खरिद कार्यमा संलग्न गराई अख्तियार दुरुपयोग गरेको अभियोग समितिले लगाएको छ। खबरलहर

भाङको चिया पिउनुभएको छ ? यस्ता छन् यसका विशेषता !

एजेन्सी  । हामीले दूधको चिया, कालो चिया, कागती चिया लगायत चिया त पिएकै छौं आफूले पिउने नगरेनी अरुले पिएको त अवश्य देखेका छौं। तर  के तपाईंलाई भाङको चियाका बारेमा थाहा छ ?स्वास्थ्यका लागि लाभदायक चिया होनी भाङको चिया।

भाङको चियामा एन्टीअक्सिडेन्ट, भिटामिन, पोटेसियम, म्याग्नेसियम, मिनरल र फाइबर जस्ता गुणले  भरिपुर्ण हुन्छ। एन्टीअक्सिडेन्ट, पोटेसियम र  म्याग्नेसियमले भरिपुर्ण हुनाले   यो जोइन्टको पीडा तथा डिप्रेसनका लागि लाभदायक चिया हो।

विभिन्न अध्ययनहरूको निष्र्कष छ कि मात्रा मिलाएर खाए भाङको चियाले स्वास्थ्यलाई राम्रो गर्छ । यसलाई चिया बनाएर पिउँदा उत्तम हुन्छ । यसले दुखाइ, वाकवाकी र चिन्ता हटाउन मद्दत गर्छ किनकि यसमा एन्टीअक्सिडेन्ट, भिटामिन, पोटेसियम, म्याग्नेसियम, मिनरल र फाइबर हुन्छ ।

यसरी बनाउनुहोस  भाङको चियाः

(१) भाङ एक ग्राम
(२) पानी एक लिटर
(३) तुलसीका पात
(४) क्रिम एक चम्चा

भाङको चिया बनाउने विधिः

(१)पहिला पानी उमाल्ने
(२)पानीमा भाङ र तुलसीको पात मिसाएर लगभग १५ मिनेट फेरि उमाल्ने
(३) चिया छान्नेमा हालेर भाङलाई छुट्टै राख्नुे ।
(४) अब भाङको चियामा एक चिया चम्चा क्रिम मिसाउने

दिनको एक कप भाङको चिया पिउनु स्वास्थयको लागि लाभदायक,त्यो भन्दाबढी पिए हानिकारक 

(१)पुरानो दुखाइ अन्त्य गर्न सहयोगी
(२) वाकवाकी र  गठियाबाथबाट मुक्ति
(३) तनाव र चिन्ताबाट  मुक्ति
(४)फोक्सोको समस्या र मुटुरोगबाट मुक्ति

बागमती प्रदेशका मुख्यमन्त्री डोरमणि पौडेलविरुद्धको अविश्वासको प्रस्ताव फिर्ता, जोगियो पद

जनकपुरधाम ।बागमती प्रदेशका मुख्यमन्त्री डोरमणि पौडेलविरुद्धको अविश्वास प्रस्ताव फिर्ता भएको छ । प्रस्तावमा हस्ताक्षर गरेका झलनाथ खनाल–माधव नेपाल पक्षका सांसदले नाम फिर्ता लिएका छन् ।

सो पक्षका २२ जना सांसदले प्रदेशसभा सचिवालयलाई पत्र लेखेर अविश्वास प्रस्तावबाट नाम फिर्ता लिएको प्रदेशसभाका सचिव कृष्णहरि खड्काले जानका‍री दिए । यसअघि सो समूहका २२ र माओवादी केन्द्रका २३ सांसदले मुख्यमन्त्री पौडेलविरुद्ध गत पुस १० गते अविश्वास प्रस्ताव दर्ता गराएका थिए ।

चोरलाई निन्द्रा लागेपछि घरमालिकी छोरीको कोठामा सुतेपछि…

कहिले काहीँ यस्ता समाचारहरु आउँछन्, जसले पढ्नेहरुलाई अच्चमित बनाउँछ। यस्तै समाचार थाइल्यान्डको एक अनलाइन पोर्टलले प्रकाशित गरेको छ। समाचारअनुसार एक चोर चोरी गर्न एउटा घरमा प्रवेश गर्छ, चोरी गर्दे उद्देश्यले घर छिरेका ती चोर एसी खोलेर त्यही घरमा सुतेछन्। सुतेको कोठा अरुको कोहीको नभएर घर मालिकको छोरीको रहेको समाचारमा उल्लेख छ।

थारुल्यान्डको सेन्ट्रल प्रान्तमा ती २२ वर्षीय युवक राति २ बजे घरमा छिरेको र एसी देखेर त्यही सुतेको बयान दिएका छन्।

भोलिपल्ट घरमालिक उठ्दा छोरीको कोटाको एसी खुल्लै भएको चाल पाए। उनकी छोरी त्यस दिन बाहिर गएकी थिइन्। बाहिर गएकी छोरीको कोठामा एसी चलेको देखेर घरमालिक अच्चमित भए।

उनले झ्यालबाट चिह्याए। त्यहाँ अपरचित व्यक्ति मस्त निदाइरहेका थिए। घर मालिकले तत्कालै प्रहरीलाई खबर गरे। हुन त उनी आफैँ पनि प्रहरी थिए, तर आवश्यक कारबाहीको लागि प्रहरीलाई खबर गरे।

प्रहरीले उनलाई उठाउँदा उनी आफ्नै घरमा सुतेर उठेकोजस्तै गरे। त्यो देखेर प्रहरी पनि अच्चमित बनेका थिए। ती पुरुष अहिले प्रहरी हिरासतमा छन्।

हामी भारतसंग शान्तिपूर्ण सम्बन्ध चाहन्छौं – प्रधानमन्त्री इमरान खान

काठमाडाैं ।   पाकिस्तानको गणतन्त्र दिवसको अवसरमा भारतीय प्रधानमन्त्री नरेन्द्र मोदीले पठाएको शुभकामना सन्देशको जवाफमा पाकिस्तानका प्रधानमन्त्री इमरान खानले भारतसँग शान्तिपूर्ण सम्बन्ध चाहेको बताएका छन् ।

 

दक्षिण एसियाको शान्ति र स्थिरता, भारत र पाकिस्तानबीचको सम्बन्धमा निर्भर छ, विशेषगरी जम्मु र कश्मिरको विवाद समाधान गर्न आवश्यक छ । त्यसअघि भारतीय प्रधानमन्त्री मोदीले पठाएको शुभकामना सन्देशमा पनि दुई वटा आणविक शक्ति राष्ट्रबीच शान्तिपूर्ण सम्बन्धका लागि आग्रह गरिएको थियो । काश्मिर क्षेत्रमा भएको विवाद र दुवै पक्षबीच देखिएका सबै समस्याको समाधानका लागि समेत आग्रह गरिएको पत्रमा भनिएको छ ।

 

सबै संग एकसरो कुरा सकेर प्रचण्ड ओलीलाई समर्थन दिने मुडमा, आजै फिर्ता लिने लाग्यो टुंगो

काठमाडौं । नेकपा माओवादी केन्द्रले प्रधानमन्त्री केपी शर्मा ओली नेतृत्वको सरकारलाई दिएको समर्थन फिर्ता लिने तयारी गरेको छ ।

सरकारलाई दिएको समर्थन एक दुई दिनमै फिर्ता लिने तयारी पार्टीले गरेको प्रवक्ता नारायणकाजी श्रेष्ठले बताए । शीर्ष नेताको बैठक बसेर समर्थन फिर्ता लिनेबारे टुंगोमा पुगिने प्रवक्ता श्रेष्ठको भनाइ छ ।

उनकाअनुसार यसै विषयमा छलफल गर्न माओवादीका शीर्ष नेताको बैठक बस्दै छ । समर्थन फिर्ता लिने विषयमा आज बिहान पनि एक चरण छलफल भएको थियो । आज दिउँसो पनि छलफल गरेर एक दुई दिनमै टुंगो लगाउने बताइएको छ ।

सत्ता समीकरणका विषयमा माओवादी केन्द्रका अध्यक्ष पुष्पकमल दाहालले मंगलबार कांग्रेस सभापति शेरबहादुर देउवा र जनता समाजावादीका नेता डा. बाबुराम भट्टराईसँग छलफल गरेका थिए । खबर सेन्टर

कर्णालीका तीन स्थानीय तहका विद्यालय खुला

वीरेन्द्रनगर । वायु प्रदूषण बढेका कारण नेपाल सरकारले शुक्रबारसम्म देशभरका विद्यालय बन्दको आह्वान गरे पनि कर्णालीका तीन स्थानीय पालिकाले भने पठनपाठन जारी राखेका छन् । सल्यानको दार्मा गाउँपालिका, रुकुम पश्चिमको चौरजहारी नगरपालिका र सुर्खेतको चौकुने गाउँपालिकाले शैक्षिक संस्था खुला नै राखेर पठनपाठन गर्ने निर्णय गरेका छन् । वायु प्रदूषण बढेकाले देशभरका विद्यालय बन्द गर्नुपर्ने बाध्यात्मक अवस्था नआएको भन्दै यी पालिकाले विद्यालय सञ्चालन गरेका हुन् ।

वायु प्रदूषणले यतातिर समस्या नपारेकाले विद्यालय बन्द गर्नुपर्ने अवस्था नआएको सल्यानको दर्मा गाउँपालिकाका अध्यक्ष नीमबहादुर केसीले बताए । लामो समयसम्म कोभिड–१९ का कारण पठनपाठन प्रभावित भएको तथा वायु प्रदूषणको पनि प्रभाव नपरेकाले गाउँपालिकाका सबै विद्यालय सञ्चालन गर्ने निर्णय गरेको चौकुने गाउँपालिका अध्यक्ष धीरबहादुर शाहीले जानकारी दिए ।

रुकुम पश्चिमको चौरजहारी नगरपालिकाले पनि आफ्नो पालिकाभित्र वातावरणीय असहजता नभएको भन्दै नियमित विद्यालय सञ्चालन गर्ने बताएको छ । मङ्गलबार पत्र लेखेर शाखाले नगरभित्र यस्तो कुनै पनि खालको वातावरणीय असहजता नभएकाले विद्यालय नियमित सञ्चालन गर्न भनेको हो ।