१३ आश्विन २०८०, शनिबार १८:०७ – Nagarikabhiyan : National News

सप्तरीमा बोरामा फालिएको अवस्थामा युवकको शव फेला

सप्तरीको खड्क नगरपालिकामा एक युवकको बोरामा फालिएको अवस्थामा शव भेटिएको छ ।

खडक नगरपालिकाको वडा नम्बर ११ बनोलि स्थित निजी पोखरीमा अन्दाजी २२ वर्षका एक युवक मोहम्मद अजिमको शव बोरामा हालेर फालिएको अवस्थामा भेटिएको जिल्ला प्रहरी कार्यालय सप्तरीका प्रवक्ता एवम् प्रहरी नायब उपरीक्षक डीएसपी ढुण्डीराज नेउपानेले जानकारी दिनुभयो । गएको भदौ २१ गते मोहम्मद गाउँ नजिकैको जन्माष्टमी मेला हेर्न गएको बेला अचानक बेपता भएका थिए ।

घटनाको सम्बन्धमा थप आवश्यक अनुसन्धान भइरहेको सप्तरी प्रहरीले जनाएको छ ।

घरेलु हिंसाका घटनामा कैलाली पहिलो नम्बरमा, कारण यस्तो

धनगढीःसुदूरपश्चिमका नौ जिल्ला मध्ये घरेलु हिंसाका हिसाबले कैलाली, कञ्चनपुर र बझाङ क्रमशः पहिलो, दोस्रो र तेस्रो रहेको पाइएको छ। त्यस्तै, डोटी, बैतडी र अछाम जिल्लामा घरेलु हिंसाका घटना कम हुने गरेको सुदूरपश्चिम प्रदेश प्रहरीको तथ्याङ्कले देखाएको छ। कैलालीमा आर्थिक वर्ष २०७७र७८ मा प्रहरीमा घरेलु हिंसाका १३३ उजुरी दर्ता भएका छन् भने आर्थिक वर्ष २०७८र७९ मा उजुरीको संख्या बढेर ५१३ पुगेको छ।

दुई वर्षमा जिल्लामा ६४६ घरेलु हिंसाका उजुरी प्रहरीमा दर्ता भएका छन्। कैलाली जिल्ला घरेलु हिंसाका घटनामा पहिलो नम्बरमा परेको छ। त्यस्तै, दोस्रो बढी घरेलु हिंसाका उजुरी कञ्चनपुरमा परेका छन्। आर्थिक वर्ष २०७७र७८ मा प्रहरीमा घरेलु हिंसाका २९२ उजुरी परेको कञ्चनपुरमा आर्थिक वर्ष २०७८र७९ मा ३३३ उजुरी प्रहरीमा परेका छन्। दुई वर्षमा कञ्चनपुरमा ६२५ घरेलु हिंसाका घटाना भएको प्रहरी तथ्याङ्कले देखाएको छ।

तेस्रो बढी घरेलु हिंसा बझाङमा हुने गरेको तथ्याङ्कले देखाएको छ। बझाङमा आर्थिक वर्ष २०७७र७८ मा ३१२ र आर्थिक वर्ष २०७८र७९ मा २३२ सहित दुई वर्षमा ५४४ घरेलु हिंसाका घटना घटेको प्रहरीमा दर्ता भएको उजुरीले देखाएको छ। दार्चुलामा दुई वर्षमा १२० घरेलु हिंसाका घटना घटेको पाइएको छ। आर्थिक वर्ष २०७७र७८ मा ४३ र आर्थिक वर्ष २०७८र७९ मा ७७ उजुरी प्रहरीमा परेका छन्।

कञ्चनपुरमा प्रेमिको मृत्युपछि लभ यु बेबी रोकेर बस्नु म पनि आउन्छु भन्दै प्रेमिकाले पनि गरिन आत्महत्या

कञ्चनपुरमा एक किशोरी मृत फेला परेकी छिन्। कञ्चनपुरको महेन्द्रनगर भगतपुर बन्देबी टोल बस्ने हेमा खड्का मृत फेला परेकी हुन्। दोधारा चाँदनी नगरपालिका–८ धामी टोलकी खड्का कोठामा मृत फेला परेकी जिल्ला प्रहरी कार्यालय कञ्चनपुरले जनाएको छ।

शव फेला पर्नुभन्दा केही घण्टाअघि उनले समाजिक संजाल फेसबुकमा एक युवकसँगको तस्बिर राख्दै ‘रोकेर बस्नु है म पनि आउँछु’ लेखेकी थिइन्। घटना शंकास्पद भएको भन्दै प्रहरीले अनुसन्धान गरिरहेको छ।

चिकित्सकहरुको आन्दोलन आज पनि जारी

आफूहरू असुरक्षित महसुस गरिरहेको भन्दै आन्दोलनमा उत्रिएका आवासीय चिकित्सकहरूले आज पनि आन्दोलन जारी राख्नेका छन् ।

स्वास्थ्यकर्मी तथा स्वास्थ्य संस्थाको सुरक्षा सम्बन्धी पहिलो संशोधन ऐन २०७८ अविलम्ब कार्यान्वयन गर्न माग राख्दै स्वास्थ्यकर्मी हरुले विरोध प्रदर्शन गरेका हुन् ।

विशेष गरी पोखराको मणिपाल शिक्षण अस्पतालमा लमजुङकी एक जना बिरामीको मृत्यु भए पश्चात् अस्पताल तोडफोडदेखि डाक्टरलाई कुटपिट गरेको घटनाका कारण चिकित्सक तथा स्वास्थ्यकर्मीको आन्दोलन थप चर्केको हो ।

स्वास्थ्यकर्मीहरुले काठमाडौँको माइतीघर देखि बानेश्वोरसम्म मलमपट्टि लगाएर साङ्केतिक प्रदर्शन गरेका छन् ।

तस्बिरहरू

नेपालमा पहिलो पटक देउडा आइडल आयोजना हुँदै

नेपालमा पहिलो पटक ‘देउडा आइडल’ आयोजना हुने भएको छ ।
देउडा सांस्कृतिक मञ्चले शनिबार काठमाडौँमा पत्रकार सम्मेलन गरी काठमाडौँमा सो कार्यक्रम आयोजना गर्ने जानकारी गराएको हो ।

सुदूरपश्चिम र कर्णाली प्रदेशको भाषा र संस्कृतिको प्रवर्द्धन र संरक्षण गर्ने उद्देश्यले कार्यक्रम आयोजना गर्न लागिएको जनकराज पन्तले बताए ।

उनी भन्छन्, ‘यो ४(५ वर्षको प्रयासमा कोसिस गरेर यो कार्यक्रम हुन गइरहेको छ । यसको पत्रकार सम्मेलन गर्न गइरहेका छौँ । यो कार्यक्रम एकदम सफल हुन्छ भनेर मैले पूर्ण विश्वास लिएको छु । सुदूरपश्चिमको देउडा संस्कृति चिनाउन उहाँले जुन कोसिस गर्नु भयो । यो पहिलो कार्यक्रम हो । यसले त्यहाँको भाषा र संस्कृतिको प्रवर्द्धनमा महत्त्वपूर्ण भूमिका निर्वाह गर्नेछ ।’

देउडा गीत, संगीतलाई स्थानीय स्तरबाट राष्ट्रिय हुँदै अन्तर्राष्ट्रिय स्तरसम्म विशिष्ट पहिचान स्थापित हुने खालका कला र गला भएकाहरूलाई सो कार्यक्रममा सहभागी गराइनेछ । कार्यक्रममा लागि सुप्रसिद्ध देउडा गीतका सर्जक नन्दकृष्ण जोशी, तिलक सिंह पेला र टिका पुनलाई निर्णायक मण्डलको रूपमा चयन गरिएको छ । कार्यक्रमको मिति भने अर्को पत्रकार सम्मेलनमार्फत सार्वजनिक हुने पनि देउडा सांस्कृतिक मञ्चले जनाएको छ ।

विमानस्थलबाट करिब तीन किलो सुनसहित फिलिपिनी महिला पक्राउ

प्रहरीले त्रिभुवन अन्तर्राष्ट्रिय विमानस्थलबाट करिब तीन किलो सुनसहित एक फिलिपिनी महिलालाई पक्राउ गरेको छ।

कबनबचmबतजब अझभलत
शुक्रबार बेलुकी दुबई हुँदै काठमाडौं आएकी उनलाई तीन केजी सुनसहित नियन्त्रणमा लिइएको त्रिभुवन अन्तर्राष्ट्रिय विमानस्थल प्रहरी प्रमुख डीआईजी अर्जुनचन्द ठकुरीले पुष्टि गरे।

यसबारे थप अनुसन्धान भइरहेको उनले जानकारी दिए। यद्यपि प्रहरीले हालसम्म ती महिलाको नाम सार्वजनिक गरेको छैन। गत ३ साउनमा विमानस्थल भन्सार पास भएर बाहिरिएको करिब ६० केजी तस्करीको सुन राजस्व अनुसन्धान विभागको टोलीले बरामद गरेको थियो।

त्यसपछि सरकारले सुन तस्करीको सबै अनुसन्धान गर्न नेपाल प्रहरीको केन्द्रीय अनुसन्धान ब्युरो सीआईबी लाई जिम्मा दिए पनि अहिलेसम्म मूल मानिस पक्राउ पर्न सकेका छैनन्। अहिले पनि विमानस्थलबाट तस्करीमार्फत ल्याइँदै गरेको सुन बरामद हुने क्रम रोकिएको छैन।

सुनसरीमा हावापानीले रुख लाड्दा स्कुटर सवार दुई जना गम्भीर घाइते

सुनसरीको बराहक्षेत्र नगरपालिका ३ नडाहा हुँदै चतरा सडक खण्डमा केहीबेर अघि आएको भिषण हावापानीले रुख भाँचिदा स्कुटरमा सवार गरिरहेका दुईजना गम्भीर घाइते भएका छन्।

उनीहरूलाइ उपचारको लागी धरान लगिएको नडाहा प्रहरी चौकीले जनाएको छ।
थप विवरण आउन बाँकी

सुर्खेतको उषा बालवाटिका होस्टेलमा ८ वर्षीय बालक मृत भेटिए विद्यालय परिसर तनावग्रस्त

वीरेन्द्रनगरको एक निजी विद्यालयको होस्टेलमा ८ वर्षीय बालक मृत फेला परेका छन् ।वीरेन्द्रनगर नगरपालिका(६ घण्टाघर नजिक रहेको उषा बालवाटिका सेकेण्डरी स्कुलको होस्टेलमा ८ वर्षीय बालक मृत भेटिएका हुन् ।

मृत भेटिएका बालक चामुण्डा बिन्द्रासैनी नगरपालिका(२ दैलेखका सलाम पुलामी रहेको जिल्ला प्रहरी कार्यालय सुर्खेतले जनाएको छ । उषा बालवाटिकामै कक्षा २ मा अध्ययनरत उनी शुक्रबार राति होस्टेलमा झुण्डिएको अवस्थामा फेला परेका हुन् ।

शुक्रबार राति झुण्डिएको अवस्थामा फेला परेका बालकको शव अहिलेसम्म उठाइएको छैन । घटना शंकास्पद भएको भन्दै आफन्तहरू आन्दालन गरेका छन् ।
आफन्तले होस्टेल बाहिर तोडफोड गरेपछि उषा विद्यालयको परिसर तनावग्रस्त बनेको छ । विद्यालय परिसरमा प्रहरी तैनाथ गरिएको छ ।

आफन्तहरु घटनाको छानबिन गर्नुपर्ने भन्दै तोडफोडमा उत्रिएपछि प्रहरीले अश्रु ग्याँससमेत प्रहार गरेको छ ।
प्रहरीले सञ्चालक समितिलाई नियन्त्रणमा लिएको र घटनाबारे अनुसन्धान भैरहेको जिल्ला प्रहरी कार्यालय सुर्खेतका प्रमुख एसपी योगेन्द्रबहादुर थापाले जानकारी दिए ।

‘प्रहरीले भिडलाई नियन्त्रणमा लिएको छ । शवको मुचुलका उठाउने काम भइरहेको छ,’ एसपी थापाले भने, ‘घटना संवेदनशील छ, थप अनुसन्धान गरिरहेका छौं ।’

विमानस्थलबाट फेरि सुन बरामद झण्डै तीन किलो ल्याउने महिला पक्राउ

काठमाडौं -त्रिभुवन अन्तर्राष्ट्रिय विमानस्थलबाट सुन बरामद हुने क्रम अझै रोकिएको छैन । त्रिभुवन विमानस्थलबाट झण्डै तीन किलोग्राम सुनसहित एक महिला पक्राउ परेकी छन् ।
पक्राउ पर्नेमा फिलिपिनी नागरिक रहेको प्रहरीले जनाएको छ । दुबई हुँदै काठमाडौं आएकी उनलाई सुनसहित शुक्रबार साँझ पक्राउ गरिएको त्रिभुवन अन्तर्राष्ट्रिय विमानस्थल प्रहरी प्रमुख डीआईजी अर्जुन चन्द ठकुरीले जानकारी दिए ।
उनका अनुसार बरामद सुन झण्डै तीन किलोग्राम छ । ‘दुबईबाट काठमाडौं आउँदै गरेको फिलिपिनो नागरिक सुनसहित समातिएकी छन् । समातिएको सुन झण्डै तीन किलोग्राम छ,’ उनले भने । यसबारे थप अनुसन्धान भइरहेको उनले बताए ।

बेच्न ठिक्क पारेका र फुल पार्ने बेलाका १९० वटा कालिज चितुवाले मार्‍यो

स्याङ्जा ।कालीगण्डकी गाउँपालिका–५ जैपातेमा रहेको आशिष दाइ बहुउद्देश्यीय कृषि फार्ममा चितुवा पसेर कालिज सखाप पारेको छ ।
स्थानीय आशिष न्यौपानेले सञ्चालन गरेको फार्ममा दानापानी दिन जाँदा कालिज मरेका भेटिएका हुन् । न्यौपानेको कालिज फार्ममा २२० कालिज रहेकामा १९० वटालाई चितुवाले मारेको हो ।

वैदेशिक रोजगारमा ५ वर्ष र अन्य रोजगारमा १३ वर्ष बिताएका न्यौपानेलेको डेढ बर्सबाट कालिज पालेका थिए । बेच्न र फुल पार्न ठिक्क परेका करिब साढे ४ लाख बराबरको कालिज चितुवाले मारिदिएको हो । चितुवाले धेरैजसो कालिजलाई नङ्ग्रा गाडेर मारेको भेटिएको न्यौपानेले बताए ।

बिहान फार्ममा कालिजलाई दाना खुवाउन श्रीमतीसहित पुगेका न्यौपानेले नजिकै झाडीमा चितुवाको पछाडिको भाग देखेपछि ज्यान बचाउन भागेको बताए ।

गोरखामा बिदाको दिन चलाएको भन्दै विप्लवको युवा संगठनले लियो सरकारी गाडी नियन्त्रणमा

१३ असोज, गोरखा –नेत्रविक्रम चन्द विप्लव नेतृत्वको नेकपाको युवा संगठनले गोरखामा चारवटा सरकारी गाडी नियन्त्रणमा लिएको छ ।

सार्वजनिक बिदाको दिन सरकारी गाडी दुरुपयोग गरेकोले गोरखा नगरपालिका चोक आसपासबाट दुई वटा मोटरसाइकल र दुई चारपांग्रे गाडी नियन्त्रणमा लिइएको संगठनका नेता रन गुरुङले बताए ।

जिल्ला समन्वय समितिको बा२झ २८९ र बागतमी प्रदेश बीएबी ९१९८ नम्वरको गाडीसहित कुन्दुरटार पालुङटार सिंचाइ आयोजनाको गण्डकी प्रदेश एएए ४७२६ नम्वरको मोटरसाइकल र पूर्वाधार कार्यालयको प्रदेश ३०२ ००१ ब ३६४० मोटरसाइलक नियन्त्रणमा लिइएको उनले जानकारी दिए ।

नियन्त्रणमा लिइएको सवारी जिल्ला ट्राफिक प्रहरी कार्यालयमा बुझाइएको उनले बताए । सार्वजनिक बिदाका दिन सरकारी गाडीको दुरुपयोग हुने क्रम बढेको भन्दै निगरानी बढाइएको संगठनले जनाएको छ ।

गोरखा नगरपालिकाबाट शुरु भएको अभियान अब पालिकासम्म पुर्‍याउने संगठनका जिल्ला इन्चार्ज राजकुमार गुरुङले जानकारी दिए ।

उक्त गाडीहरु कार्यालय परिसरभित्र राखिएको जिल्ला ट्राफिक प्रहरी इन्चार्ज वेदनाथ भण्डारीले बताए । ‘प्रशासन कार्यालयबाट पास लिएको हो कि होइन हामीले बुझ्दै छौ,’ उनले भने, ‘पास नभएकालाई हामी नियम अनुसार कारबाही गर्छौं ।’

१४ वर्षीय बालक बेपत्ता

डोटी-डोटीका १४ वर्षीय बालक बेपत्ता भएका छन् । जिल्लाको दिपायल सिलगढी नगरपालिका ४ कुमालीकोटका १४ वर्षीय बालक आयुष कठायत शुक्रबार ३ बजे बाट हराएका हुन् ।

सुजङ्ग स्कूल राजपुरमा कक्षा ८ मा अध्यनरत रमेश कठायतका छोरा आयुष स्कूलबाट घर फर्कीसकेपछि हराएका हुन् । शुक्रबार झोला राजपुर स्थित आफ्नो होटलमा छोडेर गएका उनी शनिबार सम्म घर नफर्किए पछि परिवारले खोजी गरिदिन हुन अनुरोध गरेको छ ।

 

प्रधानमन्त्रीको भ्रमण पूर्णरूपमा सफल भयो मन्त्री साउद

चीन :परराष्ट्रमन्त्री नारायणप्रकाश साउदले प्रधानमन्त्री पुष्पकमल दाहाल ‘प्रचण्ड’को चीन औपचारिक भ्रमण सफलतापूर्वक सम्पन्न भएको बताएका छन्।प्रधानमन्त्रीको चीन भ्रमणका क्रममा सँगै रहेृका मन्त्री साउदले आर्थिक एवं कूटनीतिक दृष्टिकोणले प्रधानमन्त्रीको भ्रमण सफल भएको दाबी गरेका हुन्।

चीनका राष्ट्रपति सी जिन पिङ र प्रधानमन्त्री लि छ्याङसँग भएका द्विपक्षीय भेटवार्ता महत्त्वपूर्ण भएको भएको उनले बताए। साउदले दुईदेशबीच भएका समझदारी एवं सम्झौता पनि नेपालको हित एवं आर्थिक विकासका पक्षमा रहेको जिकिर गरे।

अगामी दिनमा चीनले नेपाललाई उपलब्ध गराउने अनुदान कार्यक्रमलाई प्रभावकारी ढंगबाट अघि बढाउने सहमति भएको छ’, उनले भने,दुई देशका बीच भएका विभिन्न १३ वटा सम्झौता र समझदारी तथा दुई देशबीचका परम्परागत सबै नाका खोल्ने सहमतिको परिणाम आगामी दिनमा नेपालको हितमा आउनेमा विश्वास छ।’

परराष्ट्रमन्त्री साउदले भ्रमणका क्रममा चीनले लामो समयदेखि नेपाललाई उपलब्ध गराउँदै आएका अनुदान परियोजनालाई प्रभावकारी ढङ्गबाट अगाडि बढाउने विषयमा कुराकानी भएको र नाका खोल्ने विषयमा चीन सरकार पूर्णरूपमा सहमत भएको बताए। अब नाका खोल्ने विषयको प्रक्रिया छिट्टै अगाडि बढ्ने विषय सुनिश्चित भएको पनि उनको भनाइ छ।

दुई देशका बीचमा त्यति ठूलो सीमा विवाद नभए पनि सीमालाई अद्यावधिक गर्नुपर्ने भएकाले सीमा क्षेत्रमा निरीक्षणका लागि दुवै देशको संयुक्त टोली बनाइ काम गर्ने सहमति भएको मन्त्री साउदले जानकारी दिए

न्यूयोर्कमा ७५ वर्षयताकै ठूलो वर्षा

अमेरिकाको न्यूयोर्क शहरमा ७५ वर्षयताकै ठूलो वर्षा भएको छ। भीषण वर्षाका कारण सडक यातायात पूर्णरूपमा प्रभावित भएको छ। ढल प्रणाली बिग्रिँदा सडकको आवागमनसमेत नराम्रोसँग प्रभावित भएको सीएनएनले जनाएको छ।

अधिकारीहरूका अनुसार अमेरिकाको न्यूयोर्क शहरमा ७५ वर्षयताकै ठूलो वर्षा भएको हो। सन् १९४८ पछि न्यूयोर्कमा यति ठूलो वर्षा भएको थिएन। जोन एफ केनेडी अन्तर्राष्ट्रिय विमानस्थलमा एक महिनामा हुने जति वर्षा पछिल्लो ३ घण्टामा भएको छ।

तीन घण्टामा ८ इञ्च वर्षा भएको त्यहाँको मौसम विभागले जनाएको छ। वर्षाका कारण एक हजार ४०० भन्दा बढी विद्यालय डुबेका छन् भने रेल नेटवर्कसमेत प्रभावित भएको छ।

 

आन्दोलनरत डाक्टरको माग कार्यस्थलमा सुरक्षा नभएसम्म काम गर्न सकिँदैन

अस्पतालमा बिरामीको उपचार गर्नुपर्ने डाक्टर रोशन कुमार झा काठमाण्डौ बानेश्वरको सडकमा हुनुहुन्छ । त्रिवि शिक्षण अस्पतालका डाक्टर झा जस्तै अरु थुप्रै डाक्टर बिरामीको उपचार छोडेर सडकमा छन् । डाक्टरमाथि बढ्दो कुटपिटको घटनाको विरोध स्वरुप डाक्टरहरु सडकमा आएका हुन् ।

लामो समयदेखि डाक्टरलगायत अरु स्वास्थ्यकर्मीहरुले सुरक्षित वातावरणमा काम गर्न पाउनुपर्छ भन्ने माग रहँदै आएकोमा त्यो सम्बोधन नभएपछि बाध्यतावश सडकमा आउनु परेको बताउनुहुन्छ डा झा ।

सरकारले दश वर्षपछि अहिले नियम ल्याएको भए पनि त्यसको कार्यान्वयन गर्न सकेको छैन त्यसकारण जोडदारपूर्वक यो नियम कार्यान्वय होस् भनेर आन्दोलन गर्नु परेको हो,’ डा झा भन्नुहुन्छ ।

अहिले डाक्टरहरुको काम बिरामी जाँच्ने नभएर बिहान ११ बजेसम्म माइतीघर मण्डलामा आइपुगिसक्ने र त्यसपछि नारा जुलुश गर्दै बानेश्वरमा गएर धर्ना गर्ने बनेको छ । करिब तीन बजेसम्म बानेश्वरमा धर्ना दिएपछि त्यस दिनको कार्यक्रम सकिन्छ । अनि भोलिको कार्यक्रमको तयारीको छलफलमा बित्ने गरेको छ डाक्टरहरुको समय अहिले ।

बिरामीको जिन्दगी बचाउनुपर्ने डाक्टर यसरी सडकमा आएर हुन्छ त भन्दा डा झाको उत्तर छ, ‘पहिले त आफ्नो जिन्दगी नै सुरक्षित हुनुपर्यो । सुरक्षित वातावरणमा काम गर्न पाउनु पर्यो । काम गर्ने वातावरण नै सुरक्षित छैन भने कसरी काम गर्न सकिन्छ ।’

विभिन्न अस्पतालमा उपचारमा डाक्टरहरुको लापरबाहीका कारण ज्यान गएको आरोपमा डाक्टरमाथि कुटपिट हुन थालेपछि डाक्टरहरुले माइतीघरमा आएर आन्दोलन शुरु गरेको पाँच दिन भयो ।

असोज ३ गतेदेखि नेपाल शिक्षक सङ्घको नेतृत्वमा शिक्षकहरु काठमाण्डौको माइतीघरमा आएर आन्दोलन थालेका थिए । असोज ५ गते उनीहरुसँग सहमति भए पनि राहत तथा बालविकास शिक्षहरुले आफ्नो माग पूरा नभएको भन्दै आन्दोलन जारी राखेका थिए । हिजो उनीहरुसँग पनि सहमति भएको छ ।

अहिले पनि माइतीघरमा जनकपुरको आरती शाहको कुटपिटपछि हत्या भएको भन्दै न्यायको लागि शाहको बुबाआमा धर्नामा हुनुहुन्छ । गोरखाका तेलबहादुर घले सडक बनाउने क्रममा सेनाले आफ्नो गेष्ट हाउस क्षति पुर्याएकोले त्यसको क्षतिपूर्तिको लागि भनेर धर्नामा हुनुहुन्छ ।

२०४७ को संविधान कार्यान्वयन गर्नुपर्यो भनेर बसेको अर्को समूह छ ।

यी सबै अवस्था हेर्दा डाक्टर झा देश नै एउटा आन्दोलनतर्फ अगाडि बढिरहेको हो कि भन्ने लाग्छ भन्नुहुन्छ । हरेक क्षेत्रमा अव्यस्था र विकृति बढ्दै गएपछि काम गरी खाने वातावरण नभएका कारण सबै सडकमा आउन बाध्य भएको उहाँ बताउनुहुन्छ । उहाँ भन्नुहुन्छ, ‘अहिलेको देशको अवस्था हेर्दा मलाई लाग्छ सम्पूर्ण नागरिकले नै आन्दोलन गर्ने अवस्था आइसकेको छ ।’

अरु थुप्रै विकृति र अव्यवस्था भए पनि अहिले आफूहरुको माग काम गर्ने सुरक्षित वातावरण बनाउ भन्ने मात्र रहेको डा झा बताउनुहुन्छ ।

उहाँ भन्नुहुन्छ, ‘हामीलाई कुटपिट हुनुभएन । कुटपिट भएबापत त्यसलाई कडाभन्दा कडा सजाय कारबाही हुनुपर्यो । स्वास्थ्य मन्त्रालयले आफ्नो काम गर्न सकेको छैन । गृहले सुरक्षा दिन सकेको छैन । प्रहरीको अगाडि हामीले कुटाइ खाइरहेका छौँ ।’

अन्य ठाउँका डाक्टरले पिटाइ खाएको देख्दा भोलि मेरो पालो हो कि भन्ने भयको वातावरण रहेको डा। झा को भनाइ छ । उहाँ भन्नुहुन्छ, ‘प्रहरी हुँदाहुँदै प्रहरीकै अगाडि हामीले कुटाइ खाइरहेका छौँ । देशका विभिन्न ठाउँको डाक्टरको अवस्था हेर्दा भोलि कुटाइ खाने मेरो पालो हो कि भने झैँ लाग्छ । यस्तो अवस्थामा हामीले कसरी काम गर्ने । यसकारण यस्तो अवस्थामा काम गर्न नसकेर हामी सबै डाक्टर आन्दोलनमा आएका हौँ ।’

सुनसरीमा १ सय २० केजी गाँजासहित ६ जना पक्राउ

सुनसरीको बराहक्षेत्र नगरपालिका(१ चतरापुल नजिकै १ सय २० केजी गाँजासहित प्रहरीले ६ जनालाई पक्राउ गरेको छ ।
प्रहरीले बराहक्षेत्र जाने सडकबाट हिजो प्रदेश १–०२–०५० प ६३०४ नम्बरको मोटरसाइकल र बीआर ०२ आर ९९९४ नम्बरको जीपमा लैजाँदै गरेको गाँजासहित उनीहरुलाई पक्राउ गरेको हो।

पक्राउ पर्नेमा भारतका ३६ वर्षीय महोम्मद सिराज, २० वर्षीय अस्ताजु आलम, १९ वर्षीय नसिम आलम, ५२ वर्षीय ओम प्रकाश रजक, सुनसरीका देवनागञ्ज गाउँपालिका ५ बस्ने ३१ वर्षीय ओम प्रकाश साह र २० वर्षीय शिवम साह रहेका छन् ।

नियन्त्रणमा लिएको गाँजा, जीप, मोटरसाइकल र पक्राउ परेका छ जनालाई जिल्ला प्रहरी कार्यालय सुनसरीमा लगिएको प्रहरीले जनाएको छ ।