देवानगञ्जमा जनता समाजवादी पार्टीको शुभकामना आदानप्रदान तथा अगुवा कार्यकर्ता भेला सम्पन्न
८ कार्तिक २०८३, शनिबार २०:५८
देवानगञ्ज । नेपालीहरुको महान् पर्व बडादसैँ, तिहार, छठ तथा नेपाल संवत्को अवसर पारेर सुनसरीको देवानगञ्जमा जनता समाजवादी पार्टी (जसपा) नेपालको आयोजनामा शुभकामना आदानप्रदान तथा अगुवा कार्यकर्ता भेला भव्य रूपमा सम्पन्न भएको छ।
कार्यक्रममा पार्टीका केन्द्रीय, प्रादेशिक तथा स्थानीय तहका नेता एवम् कार्यकर्ताहरूको बाक्लो उपस्थिति रहेको थियो। भेलालाई सम्बोधन गर्दै प्रमुख अतिथि तथा पार्टीका नेताहरूले शुभकामना व्यक्त गर्दै आपसी भाइचारा, सामाजिक सद्भाव र एकता कायम राख्न सबैमा आग्रह गरे।
भेलामा स्थानीय तहका सयौँ अगुवा कार्यकर्ताहरूको सहभागिता रहेको थियो भने कार्यक्रममा विभिन्न पार्टी परित्याग गरी आएका नवप्रवेशीहरूलाई स्वागत समेत गरिएको थियो।

फेसबुकबाट तपाईको प्रतिक्रिया