१७ चैत्र २०७७, मंगलवार १८:४४ – Page 3 – Nagarikabhiyan : National News

इनरुवाको प्रतिक इनारको उद्घाटन

सुनसरी सदरमुकाम समेत रहेको इनरुवा नगरपालिकाको पहिचान झल्काउने इनारको प्रतिक बनाएर उद्घाटन गरिएको छ । इनरुवा नगरपालिका वार्ड नं. १ को लोकतान्त्रिक चौकमा इनरुवाको पहिचान झल्किने किक्रिम इनारको प्रतिक निर्माण गरी मंगलबार उद्घाटन गरिएको हो ।
पाँच दशक अघिसम्म खानेपानीका लागि स्थानीयहरुले निर्माण गरिएको इनार र कुवाले भरिएको अनि इनारै इनार भएको क्षेत्रको रुपमा इनरुवाको नामाकरण समेत भएको ठकर गर्दै इनरुवाको पहिचान बोकेको इनार निर्माण गरिएको हो । इनार पछिल्लो समय लोपोन्मुख अवस्थामा पुगेकोले त्यसको संरक्षण र पहिचान समेत स्थापित हुनेगरी इनरुवाको प्रतिक इनार निर्माण गरी इनरुवा नगरपालिकाका नगर प्रमुख राजन मेहताले उद्घाटन गर्नुभयो ।
नगर प्रमुख मेहताले इनारको उद्घाटन गर्दै विकास र समृद्धीका लागि आफूले काम गर्दै आएको र त्यसमध्येको एउटा काम इनरुवाको पहिचान इनारको प्रतिक समेत भएको बताउनुभयो ।
नगर प्रमुख मेहताले आफू जनताको विकासको लागि जहिले पनि महत्वपूर्ण भुमिका निर्वाह गर्दै आएको र गरिरह्ने प्रतिवद्धता जनाउनुभयो । मेहताले पाँच दशकदेखी हुन नसकेको विकासको काम आफ्नो चार वर्षै कार्यकालमा भएको दावी गर्नुभयो ।
मेहताले इनरुवाको प्रतिक इनार मात्र नभई घण्टाघर, शिव मन्दिर, गणेश मन्दिर, दुर्गा मन्दिर लगायतका विभिन्न वडाका पहिचान झल्किने तस्विरहरु समेत निर्माणको चरणमा रहेको बताउनुभयो ।

उहाँले विकासको लागि आफु जहिलेपनि जनताकै पक्षमा लागि परेपनि केही पात्रहरुले आफ्नौ विरोध गर्न लागि परेको बताउँदै गाली गलौज र सस्तो लोकप्रियता भन्दा चुनावमा लडेर जित्न चुनौती दिनुभयो ।

उद्धघाटन कार्यक्रममा प्रतिनिधि सभा सदस्य सिताराम मेहता, नागरिक समाजका पुरुषोतम घिमिरे, इनरुवा नगरपालिका वार्ड नं. १ का वडाध्यक्ष रामचन्द्र पौद्धार , इनरुवा नापा ५ का वडाध्यक्ष अन्जनी पोखरेल, उद्योग वाणिज्य संघ इनरुवाका अध्यक्ष विरेन्द्र साह लगायतका उपस्थिती रहेको थियो ।
उद्धघाटन समारोह इनरुवाको प्रतिक निर्माण उपभोक्ता समितिका अध्यक्ष अभिनन्द यादवको अध्यक्षतामा सम्पन्न भएको थियो । उक्त इनारको प्रतिक निर्माण गर्न १५ लाख रुपियाँ खर्च भएको उपभोक्ता समितिका अध्यक्ष यादवको भनाई छ ।

१, सुनसरीको इनरुवामा इनारको प्रतिक निर्माण गरि उद्घाटन गर्दै नगर प्रमुख राजन मेहता ।
तस्बिर ः जयकृष्ण यादव । इनरुवा

शुक्रबारदेखि लागेको तुवाँलोले हवाइ उडान प्रभावित भएको आज ५ औं दिन

काठमाडौं ।  शुक्रबारदेखि लागेको तुवाँलोले मौसम प्रतिकूल बन्दा सबैभन्दा बढी नोक्सान हवाइ क्षेत्रले व्यहोर्नुपरेको छ ।

देशभर मौसम खराब हुनाले पाँच दिनदेखि हवाइ उडान प्रभावित बन्न पुगेको छ । अझै केही दिन कायम रहने मौसम पूर्वानुमान महाशाखाले बताएको छ ।

आकाशमा डम्म तुवाँलो लागेर ‘भिजिबिलिटी’ कमजोर भइदिँदा त्रिभुवन विमानस्थलबाट हुने अधिकांश आन्तरिक उडान रद्द भए । हेलिकप्टरको उडान झनै प्रभावित भयो ।

 

 

ढुक्क हुनुस् साउनदेखि वृद्धभत्ता बढ्ने र रेल पनि छिट्टै कुदाउने – प्रधानमन्त्री ओली

काठमाडौं ।  राजधानीमा मंगलबार रिपोर्टस क्लबको वार्षिक उत्सव कार्यक्रममा  बोल्दै प्रधानमन्त्री केपी ओलीले आगामी साउन १ गतेदेखि सामाजिक सुरक्षा भत्ता बढाउने घोषणा गरेका छन् । उनले साउन १ गतेदेखि वृद्धभत्ता बढ्ने घोषणा गरेका हुन् ।

 

प्रधानमन्त्री ओलीले भने, सरकार बनाउने वित्तिकै यो किन गरिएन त्यो किन गरिएन भनेर धुम मच्च्याइयो, कसैलाई आपत्ति लाग्ला । साउन १ गतेदेखि लागू हुने गरी सामाजिक सुरक्षा भत्ता बढाइनेछ ।

 

सरकारले नि:शुल्क कोरोनाविरुद्ध खोपको व्यवस्था गरेको र २० औं लाख जनताले लगाइ सकेको उनले बताए। प्रधानमन्त्री ओलीले रेल किनेर ल्याइसकेको र अब छिट्टै सञ्चालनमा आउने दावी गरे।

आज १६७ काेराेना संक्रमित थपिए, तीन जनाकाे मृत्यु

काठमाडौं। नेपालमा पछिल्लो २४ घण्टामा थप १६७ जनामा काेराेना भाइरसकाे संक्रमण पुष्टि भएकाे छ । मंगलबार तीन हजार १४० वटा नमुनाको पीसीआर परीक्षण गरिएकोमा १६७ जनाको नतिजा पोजेटिभ आएको हो ।

यो सँगै कुल संक्रमितको संख्या २ लाख ७७ हजार १ सय ४७ जना पुगेको स्वास्थ्य तथा जनसंख्या मन्त्रालयले जनाएको छ। जसमध्ये १ हजार ३ सय ९० जना सक्रिय संक्रमित छन्।

त्यस्तै, पछिल्लो २४ घण्टामा ११५ जना संक्रमणमुक्त भएका छन् । योसँगै देशमा कोरोनामुक्त हुनेको संख्या दुई लाख ७२ हजार ७२७ पुगेको छ ।

त्यस्तै, पछिल्लो चौबीस घण्टामा तीनजनाको मृत्यु भएको छ । योसँगै नेपालमा कोभिड–१९ का कारण मृत्यु हुनेको संख्या तीन हजार ३० पुगेको छ ।

हाल क्वारेन्टिनमा ५३ जना छन् भने आइसोलेसनमा एक ३९० जना रहेका स्वास्थ्य तथा जनसंख्या मन्त्रालयले जनाएको छ ।

अध्यक्ष ठाकुरले गरे यस्तो प्रश्न मधेशी र थारुहरु किन अहिलेसम्म पनि जेलमा?

काठमाडौं ।  जनता समाजवादी पार्टी, नेपालका अध्यक्ष महन्थ ठाकुरले मुलुकमा सबैलाई डेमोक्रेसी हो भने मधेशी र थारुहरु किन अहिलेसम्मपनि जेलमा भन्दै प्रश्न गरेका छन् । आज (मंगलबार) रिपोर्टर्स क्लब नेपालको २३औं वार्षिकोत्सवको अवसरमा आयोजित विशेष समारोहलाई सम्बोधन गर्दै अध्यक्ष ठाकुरले यस्तो बताएका हुन् ।

उनले संविधान संशोधनको कुरा आफूहरुको मात्रै नभएर देशकै माग भएको पनि टिप्पणी गरेका छन् । अध्यक्ष ठाकुरले नागरिकताको समस्या मात्र मधेशको समस्या नभएर देशकै समस्या भएको समेत बताए । उनले प्रधानमन्त्री केपी शर्मा ओली सरकारको नेतृत्वमा आएकै दिनदेखि सरकारमा आउनको लागि आग्रह गरेको सुनाए । तर, आफ्ना मागहरु पूरा नभएसम्म सरकारमा सहभागी नहुने उनको भनाई छ । आफूहरुले उठाएका माग पूरा गर्नको लागि अन्तिम तयारी भएको कुरा सुन्नमा आएको भन्दै त्यसको लागि ओलीलाई उनले धन्यवाद दिएका छन् ।

उनले ओलीसँग आफ्नो लगातार भेट भैरहेको भएपनि ठोस सहमति नभएको जिकिर गरे ।  प्रमुख दलहरु नै एक आपसमा नमिलेको पनि टिप्पणी गरे । त्यस्तैनेपालको राजनीतिमा अहिले स्थिरता नभएको दाबी गरे ।

लाहान-मालपोत बम विस्फोट काण्डमा यादव र गिरि पक्राउ

काठमाडौं । सिराहाको लाहानस्थित मालपोत कार्यालयमा गत चैत १ गते बम विस्फोट गराएको आरोपमा प्रहरीले दुई जनालाई पक्राउ गरेको छ ।

मालपोत कार्यालयमा विस्फोट हुँदा कर्मचारी र सेवाग्राही गरी ८ जना घाइते भएका थिए । उक्त घटनाको जिम्मेवारी तराई जनतान्त्रिक मुक्ति मोर्चा (गोइत) समूहले लिएको थियो । घटनाको १७ दिनपछि प्रहरीले सिराहाको सुखीपुर नगरपालिका–५ का २५ वर्षका रामरिझन यादव र सिराहाकै लक्ष्मीपुर पतारी गाउँपालिका–३ का २६ वर्षका अभिमन्यू गिरि पक्राउ परेका प्रदेश २ प्रहरी कार्यालयले जनाएको छ ।

उनीहरु यसअघि पनि आपराधिक काममा संलग्न भएको पाइएको प्रहरीले बताएको छ ।

नेपालले परिवर्तनको मुद्दामा अग्रणी भूमिका निर्वाह गरेको यादव भनाई

काठमाडौं । जनता समाजवादी पार्टी, नेपालका अध्यक्ष उपेन्द्र यादवले रिपोर्टर्स क्लब नेपालले परिवर्तनको मुद्दामा अग्रणी भूमिका निर्वाह गरेको बताएका छन् । लोकतन्त्र, प्रेस स्वतन्त्रताको पक्षमा र जनता सुसुचित गर्ने अभियानमा धेरै ठूलो योगदान पुर्याएको भन्दै उनले क्लब र यसका सभापति ऋषि धमलालाई धन्यवाद दिए ।

क्लबको २३औं वार्षिकोत्सवकको अवसरमा आयोजित विशेष समारोहमा सम्बोधन गदै उनले यस्तो बताएका हुन् । उनले आफूहरुले विभिन्न कालखण्डमा आन्दोलन गरेर ल्याएको परिवर्तन जोगाउनुपर्नेमा सबैलाई आग्रह गरे । उनले भने,आन्दोलन हामी गर्छौ । परिवर्तनपछि ल्याउँछौं । सरकारमा पनि जान्छौं । तर, उपलब्धि जोगाउन सक्दैनौं ।

यादवले पछिल्लो समय कता हो कता संघीयता र समावेशितामाथि नै ग्रहण लाग्न लागेको हो कि भन्ने पनि उनले टिप्पणी गरे । संविधान नै धरापमा पर्ने हो कि भन्ने आशंका सबैतिरबाट उठेको भन्दै उपलब्धि जोगाउनुपर्ने पनि यादवको भनाई छ । उनले मुलुकलाई शान्ति र समृद्धितर्फ अघि लैजानको लागि सहमतिको आवश्यकत्ता रहेको सुनाए । तर, पछिल्लो समय दलहरुको कार्य फरक ढंगले अघि बढ्न लागेकोमा चिन्ता व्यक्त गरे ।

 

एमालेका ११ नेताको संयुक्त वक्तव्य– ओलीले राज्यसत्ताको दुरुपयोग गरेर पार्टीमा निरंकुशता लादे

काठमाडौं। नेकपा (एमाले) को माधवकुमार नेपाल समूहले पार्टी अध्यक्ष तथा प्रधानमन्त्री केपी ओलीले राज्यसत्ताको दुरुपयोग गरेर पार्टीमा निरंकुशता लादेको आरोप लगाएको छ।

उक्त समूहका ११ जना नेताले आज मंगलबार संयुक्त वक्तव्य जारी गर्दै भनेका छन्, ‘प्रतिनिधिसभा विघटन गर्ने आफ्नो निर्णय बदर भएपछि उत्तेजित बन्नुभएका केपी शर्मा ओलीबाट राज्यका विभिन्न निकायलाई निकम्मा बनाउनुका साथै नेकपा (एमाले) विभाजित गरी कम्युनिष्ट आन्दोलनलाई ध्वस्त गर्ने षड्यन्त्रपूर्ण कामहरु भइरहेका छन्।’

वक्तव्य जारी गर्नेहरुमा वरिष्ठ नेताद्वय झलनाथ खनाल र माधवकुमार नेपाल, उपाध्यक्षत्रय युवराज ज्ञवाली, अष्टलक्ष्मी शाक्य र भीम रावल, उपमहासचिव घनश्याम भुसाल, सचिवत्रय भीम आचार्य, गोकर्ण विष्ट र योगेश भट्टराई तथा स्थायी कमिटी सदस्यद्वय मुकुन्द न्यौपाने र सुरेन्द्र पाण्डे छन्।

यस्तो छ संयुक्त वक्तव्य

जालिफटाहा तथा चाकडी गर्नेहरुलाई मात्र अवसर दिइयो – प्रचण्ड

काठमाडौं ।  नेकपा माओवादी केन्द्रका अध्यक्ष पुष्पकमल दाहाल प्रचण्ड एक कार्यक्रममा सम्बोधन गर्दै भने क्रान्तिकारी र इमान्दार कार्यकर्तालाई छायाँमा पारेर जालिफटाहा तथा चाकडी गर्नेहरुलाई मात्र अवसर दिइयो कि भनी समीक्षा गर्नुपर्ने अनुभूति भएको उनले बताएका छन् ।

अब नेतृत्वले आत्मसमीक्षा गर्नुपर्छ भनेर आफूले सार्वजनिक र पार्टीका बैठकहरुमा पनि भन्ने गरेको उनले स्मरण गरे।

‘हामीले अलि अरुसँग चलखेल गरेरै सबै ठीक हुन्छ भन्ठानेर आफ्नै धर्ति बिर्सेउँ कि क्या हो, हामीलाई मायाँ गर्ने र पार्टीलाई यो उचाईमा ल्याइपुर्याउने इमान्दार क्रान्तिकारी नेता कार्यकर्ता छायाँमा परेजस्तो, अलि जालिफटाहा जस्ता, नेतृत्व वरिपरि घुमेर चाकडी गर्नेजस्ताले एकपछि अर्को अवसर पाए की क्या हो, त्यहाँनेर म आफैँ पनि अलिकति चुकेँ कि क्या हो भन्ने चिन्ता आजभोलि भइराख्या छ,’ मंगलबार पार्टी कार्यालय पेरिसडाँडामा आयोजित कार्यक्रममा प्रचण्डले भने, ‘ढिलै भए पनि त्यो अनुभूति हुनु त राम्रो हो नि, हुँदै नहुनुभन्दा त हुनु राम्रो हो नी।’

प्रचण्डले ढिलै भए पनि त्यो अनुभूति हुनु राम्राभएको दाबी गरे।

‘अनुभूति हुँदै नहुनु भन्दा त ढिलै भए पनि हुनु त राम्रो हो नि,’ माओवादी नेता कार्यकता सहभागी सो कार्यक्रममा उनले भने।

माओवादी पार्टीसँग युद्ध र लोकतान्त्रिक आन्दोलन गरेको अनुभवको पुँजी भएको हुँदा त्यसमै बढी जोड दिनुपर्ने उनको भनाइ थियो।

‘त्यसैले हामीले आफ्नै खुट्टा र संगठनमा टेक्नुपर्यो र आफैलाई मायाँ गर्ने जनतातर्फ, गाउँगाउँ र टोलटोलमा फर्कनुपर्यो,’ उनले भने।

९१३ जना प्रहरी हवल्दारको पदस्थापन, को कहाँ पुगे ? (हेर्नुस् नामसहित)

काठमाडौं । प्रहरी प्रधान कार्यालयले जनपद प्रहरी समूहतर्फका ९ सय १३ जना प्रहरी हवल्दारहरुको पदस्थापन गरेको छ ।

प्रहरी प्रधान कार्यालयले सोमबार साँझ केहि दिनअघि प्रहरी जवानबाट प्रहरी हवल्दारमामा बढुवाका लागि सिफारिस भएका ९ सय १३ जना प्रहरी जवानहरुलाई हवल्दारमा बढुवा गरेर पदस्थापन गरेको हो ।सुरक्षा न्युज

हेर्नुहोस् पदस्थापन भएका सईहरुको नाम:

सरकारसँग बन्दीहरु रिहाइको माग गर्दै आन्दोलनरत पक्ष वार्तामा

काठमाडौं ।  सरकारले रेशम चौधरी लगायतका बन्दीहरु रिहाइको माग गर्दै आन्दोलनरत पक्षसँग वार्ता शुरु गरेको छ ।

गृहमन्त्री रामबहादुर थापाको नेतृत्वमा गठन भएको ३ सदस्यीय वार्ता टोली र आन्दोलनरत थारु कल्याणकारी सभा, थरुहट÷थारुवान संयुक्त संघर्ष समिति र केन्द्रीय आन्दोलन परिचालन समितिबीच आज पहिलो चरणको वार्ता भएको छ ।

समितिले सरकारसगँ चौधरीको रिहाईसहित विभिन्न १९ बुँदे माग राखेको छ । उक्त मागबारे छलफल गर्नका लागि आज पहिलो चरणको  वार्ता भएको हो ।

धनुषाको महेन्द्रनगरमा प्रहरीमाथि बियरको बोतल प्रहार : २ प्रहरी घाइते, एकजना पक्राउ

जनकपुरधाम ।  धनुषामा ड्युटीमा खटिएको प्रहरी कर्मचारीमाथि बोतल प्रहार गरेको अभियोगमा एकजना युवकलाई पक्राउ गरिएको छ । पक्राउ पर्नेमा धनुषाको लक्ष्मिनियाँ गाउँपालिका–६ निकाल बस्ने ३० वर्षीय सन्तोष शर्मा छन् ।

क्षिरेश्वरनाथ नगरपालिका–६ सखुवा चोकमा ईलाका प्रहरी कार्यालय महेन्द्रनगर धनुषाबाट ट्राफिक सहित खटिएको प्रहरीले ज.१२ प ५०१४ नम्बरको मोटरसाइकललाई हेलमेट नलगाएको कारण उनलाई रोक्न खोजेको थियो ।

तर मोटरसाइकल नरोकी ट्राफिक प्रहरी जवानलाई सामान्य ठक्कर दिई जनकपुरतर्फ फरार भएपछि प्रहरीले पछ्याउँदै सोही नगरपालिका हरैया चोकमा उक्त मोटरसाइकल फेला पारी नियन्त्रणमा लिएको थियो ।

मोटरसाइकललाई कार्यालयतर्फ ल्याउने क्रममा मोटरसाइकलमा सवार सन्तोषले प्रहरीमाथि अचानक खाली बियरको बोतलले प्रहार गर्दा २ जना प्रहरी कर्मचारी घाइते भएको र महेन्द्रनगर हेल्थकेयरमा उपचार पश्चात उनीहरू डिस्चार्ज भएका छन् ।

हाल फरार रहेका अन्य व्यक्तिहरूको प्रहरीले खोजी गर्नुको साथै यस सम्बन्धमा थप अनुसन्धान भइरहेको  प्रहरीले जनाएको छ । टुडेपाटी-

निर्णय उल्टियो , एमालेबाट ओलीनै आउट !

काठमाडाैँ। एमाले नेता योगेश भट्टराईले कारवाही र सजायको परिणाम उल्टो हुने चेतावनी दिएका छन्। आज केपी ओली समूहले नेकपा एमालेका वरिष्ठ नेता माधवकुमार नेपाल र उपाध्यक्ष भीम रावललाई पार्टी सदस्यबाट निलम्बन गर्ने निर्णयलाई लक्षित गर्दै उनले यस्ताे बताएका हुन।

ओली समूहले सबै जिम्मेवारीहरू तथा पार्टी सदस्यताबाटै पार्टी विधान २०४९ को धारा ४९ ख अनुसार ६ महिनाका लागि निलम्बन गरिएको बताएकाे छ।

साथै नेता भट्टराईले कारवाही र सजाँय कमजोर शक्तिको अन्तिम अस्त्र भएको पनि उल्लेख गरेका छन्। उनले नेता द्वयमाथीको निलम्बनको निर्णयबाट पछि हट्नु नै कल्याण् हुने उल्लेख गरेका  छन्।

समाजिक सञ्जालमा लेख्दै नेता भट्टराईले भनेका छन्: कार्वाही र सजाँया कमजोर शत्ताको अन्तिम अस्त्र हो ! परिणाम उल्टो हुने निश्चित छ ! फर्कनु नै कल्याण हुने छ !

पार्टीले सोधेको स्पष्टिकरण चित्त नबुझ्दो भएको भन्दै बरिष्ठ नेता नेपाल र उपाध्यक्ष रावललाई ओली समूहले ६ महिनाका लागि पार्टी साधारण सदस्यबाट नै निलम्बन गरेको पार्टी अध्यक्ष तथा प्रधानमन्त्री केपी शर्मा ओलीले दुवै नेतालाई जानकारी गराएका छन्। नेपाल र रावललाई सच्चिनका लागि अन्तिम मौका दिइएको भन्दै आफ्ना क्रियाकलाप सच्याएर पार्टीका पक्षमा लाग्न भनिएकाे छ।

संघीय लोकतान्त्रिक गणतन्त्र धरापमा परे – उपेन्द्र यादव

काठमाडौँ ।  मंगलबार काठमाडौँमा आयोजित एक कार्यक्रममा जनता समाजवादी पार्टीका अध्यक्ष उपेन्द्र यादवले विद्रोहबाट प्राप्त उपलब्धी गुम्ने खतरा देखिएको बताएका छन् ।

माओवादी सशस्त्र विद्रोह र २०६२/६३ को आन्दोलनपछि प्राप्त भएको संघीयता, गणतन्त्र, समावेशी लोकतन्त्र धरापमा परेको औँल्याएका हुन् ।

२००७ सालदेखि नै आन्दोलन र त्यसपछिको उपलब्धी आफूहरुले प्राप्त गर्दैआए पनि ती उपलब्धीलाई जोगाउन नसकिरहेको उनले बताएका थिए । ‘आन्दोलन गर्छौँ, परिवर्तन ल्याउँछौँ, सरकारमा पनि जान्छौँ, के नपचेको हो, के नपचेको । तर जोगाउन सक्दैनौँ’ नेता यादवले भनेका छन् ।

उनले पछिल्लो पटक प्राप्त उपलब्धीमा पनि खतरा देखिएको र संघीय लोकतान्त्रिक गणतन्त्र र समावेशिता जस्ता उपलब्धीमा ग्रहण लाग्न थालेको प्रतिक्रिया दिए ।

फिर्ता बाेलाइए पूर्वराजा ज्ञानेन्द्रकाे सूरक्षामा खटिएका २४ प्रहरी

काठमाडौं। पूर्वराजा ज्ञानेन्द्र शाहकाे सूरक्षा कटाैटी गरिएकाे छ । ज्ञानेन्द्र शाह र राजपरिवारका सदस्यको सुरक्षामा खटिएका २४ जना सशस्त्र प्रहरीलाई आज फिर्ता बोलाइएको हाे ।

अतिविशिष्ट तथा विशिष्ट व्यक्तिको सुरक्षासम्बन्धी कार्यविधि, २०७७ अनुसार मापदण्डविपरीत रहेका सुरक्षाकर्मीहरुलाई फिर्ता बोलाइएको हो ।

पूर्वराजपरिवारको सुरक्षामा ४० जना सशस्त्र प्रहरी तैनाथ थिए । अब १६ जनामात्रै हुनेछन् ।

उनको सुरक्षामा रहने १६ जनाको कमाण्ड सशस्त्रका डीएसपीले गर्नेछन् । यसअघि अन्य अतिविशिष्ट तथा विशिष्ट व्यक्तिको सुरक्षामा खटाइएका सुरक्षाकर्मी पनि फिर्ता भइसकेका छन् ।

५ दिनमा लगातार २ सय भन्दा बढी विद्यार्थी अचानक बिरामी, थाहा पाएन कसरी भयो

काठमाडौ ।  बाजुरा जिल्लाको  बूढीगंगा नगरपालिका वडा नम्बर १ मा रहेको धुरालसैन माध्यमिक विद्यालयका २ सय भन्दा बढी विद्यार्थी ५ दिनमा अचानक बिरामी परेको विद्यालयले जनाएको छ ।

ति विद्यालयका  विद्यार्थीमा रुघाखोकी, ज्वरो, पखाला, बान्ता र टाउको दुख्ने समस्या देखिएको विद्यालयमा उपचार तथा चेकजाँचमा पुुगेकी अहेब ताराकुमारी खत्रीले जानकारी दिइन् ।

‘बिरामी भएपछि सरले धेरैलाई घर पठाइसकेका रहेछन् । २० जना बढी विद्यार्थीलाई चेकजाँच र उपचार गरेँ । सुरुमा कापेर २ दिनसम्म लगातार ज्वरो आउने र विस्तारै कम भएर ठीक हुने देखियो’, खत्रीले भनिन् ।

४ दिनयता दैनिक १५ जना बढी बिरामी हुने गरेको विद्यालयका शिक्षक रमानन्द पाध्यायले बताए । सोमबार मात्रै कक्षा ७ का एकै पटक १० जना विद्यार्थी बिरामी परेका छन् ।

विद्यार्थी बिरामी पर्न थालेपछि विद्यालयमा विद्यार्थीको संख्या कम हुँदै गएको उनले जानकारी दिए । विद्यालयले बिरामी परेका विद्यार्थीलाई घर पठाइने गरेको जनाएको छ ।

विद्यार्थी बिरामी भएको जानकारी आएपछि नगरपालिकाबाट स्वास्थ्यकर्मीको टोली औषधीसहित विद्यालयमा पठाएको बूढीगंगा नगर प्रमुख दीपकविक्रम शाहले बताए । ‘त्यहाँको अवस्था बुझ्न र उपचार गर्न स्वास्थ्यकर्मीको टोली पठाएका छौँ,’ गाउँमा समेत रुघाखोकीका बिरामी बढेका छ’, शाहले भने ।

बूढीगंगा स्वास्थ्य शाखामा कार्यरत हस्त खडायतका अनुसार अहिले स्वास्थ्यकर्मी पठाइमा मंगलबारसम्म चिकित्सकसहितको टोली त्यहाँ पठाउने तयारी छ । कुन रोगले विद्यार्थी बिरामी भएका हुन्, त्यो भने जानकारी नभएको उनको भनाइ छ ।