अस्पताल सुधार समिति सक्रिय बन्दैं – Nagarikabhiyan : National News

अस्पताल सुधार समिति सक्रिय बन्दैं

। सुनसरी सदरमुकाम इनरुवामा गठन भएको इनरुवा अस्पताल सुधार संघर्ष समितिले आफ्नो दबाबको कार्यक्रममा थप प्रभावकारी बनाउने भएको छ । सुनसरीको इनरुवा वेथिति नै बेथिति बढेकाले त्यसका विरुद्धमा अबाज उठाउने उदेश्यले समिति सक्रिय बन्दै गएको हो । अस्पताल सुधारका लागि गठन भएको सुधार संघर्ष समितिले शनिवार मात्रै चार बुदें निर्णय गरेको छ ।
अस्पताल सुधारको लागि अस्पताल विकास समिति, सामाजिक बिकास मन्त्रालय र मूख्यमन्त्री कार्यालयलाई अल्टिमेटम सहित ज्ञापन पत्र बुझाउने, अस्पताल सुधारको लागि जनताको सुझाव लिन अस्पताल परिसरमा सुझाव पेटीका राख्ने, विभिन्न सरोकारवालाहरु संग समय समयमा अन्तरक्रिया गर्ने , सल्लाहकारमा इनरुवा ४ का समाजसेवी विवेकानन्द झालाई मनोनीत गर्ने निर्णय गरेको संघर्ष समितिको संयोजक दिलिप चन साहुले बताउनुभयो ।
समितिले अस्पताल सुधारका लागि काम गर्ने, निगरानी बढाउने, बहस र छलफललाई निरन्तरता दिने , सर्वसाधारणहरुसँग भेटघाट सँगै आवश्यक सरसल्लाह लिई अगामी दिनमा कार्ययोजना बनाई अस्पताल सुधारका कठिबद्ध हुने समितिको संयोजक साहुले बताउनुभयो ।