धामी–झाक्रीलाई एकदिने तालिम – Nagarikabhiyan : National News

धामी–झाक्रीलाई एकदिने तालिम

तेह्रथुम ।  तेह्रथुममा धामी झाक्रीलाई एकदिने तालिम दिइएको छ ।
आफूसँग झारफुक गर्न आउने विरामीलाई झारफुक गरेपछि अस्पताल पठाउनु पर्छ भनेर एकदिने तालिम दिएको आयोजक आँखा तथा कान उपचार केन्द्र तेह्रथुमले जनाएको छ । विराटनगर आँखा अस्पताल विराटनगरको सहकार्यमा सञ्चालित तालिममा ४० जना धामी झाक्रीको सहभागिता रहेको थियो ।

उनीहरूलाई आँखा र दृष्टिसम्न्धी समस्याहरूको बारेमा आँखा तथा कान उपचार केन्द्र तेह्रथुमका इन्चार्ज श्यामकला लिम्वुले जानकारी गराउँदै झारफुक गरेपछि तुरुन्त आँखा अस्पताल वा नजिकैको स्वास्थ्य संस्थामा पठाउनुपर्ने बताए । कार्यक्रममा सहभागी धामीझाँक्रीहरूले आफूहरूले अबदेखि झारफुक गरिसकेपछि तुरुन्त अस्पताल पठाउने बताएका थिए ।