बैतडीमा ट्याक्टर दुर्घटना हुदा घोडाघोडीका भुवन सहित तीन जना घाइते – Nagarikabhiyan : National News

बैतडीमा ट्याक्टर दुर्घटना हुदा घोडाघोडीका भुवन सहित तीन जना घाइते

३० असोज, बैतडीः बैतडीमा ट्याक्टर दुर्घटना भएको छ । जिल्लाको मेलौली नगरपालिका–१ स्थित मेलौली भगवती मन्दिर नजिकै म १ त ७४० नम्बरको ट्याक्टर दुर्घटना हुदा घोडाघोडीका भुवन सहित ३ जना घाइते भएका हुन् ।

घाइते हुनेमा ट्याक्टर चालक कैलालीको मुसुरियाका नारायण चौधरी, कैलालीको घोडाघोडीका भुवन थापा र बैतडीको दोगडाकेदारका गगनसिंह कार्की रहेका छन् ।

मन्दिरको गेट निर्माणका लागि निर्माण सामग्री बोकेर गएको ट्याक्टर उकालोमा पल्टिएको हो । घाइते तीनै जनाको केशरपुर प्राथमिक स्वास्थ्य केन्द्र मेलौलीमा उपचार भइरहेको जिल्ला प्रहरी कार्यालय बैतडीले जनाएको छ ।