अब घरजग्गा कारोबार गर्न लाइसेन्स अनिवार्य नत्र कारबाही
२३ आश्विन २०८०, मंगलवार १६:५२
अब घरजग्गा कारोबार गर्नका लागि लाइसेन्स अनिवार्य भएको छ । लाइसेन्स नलिइ घरजग्गाको कारोबार गरे कारबाही हुनेछ ।
मालपोत ऐन २०३४ संशोधनमार्फत घरजग्गा कारोबारका लागि लाइसेन्स अनिवार्य गर्न लागिएको हो ।
उक्त व्यवस्था भएको केही नेपाल ऐन संशोधन विधेयकलाई संसदको कानून, न्याय तथा मानव अधिकार समितिले परिमार्जन सहित पारित गरेको छ ।
उक्त विधेयकमा अनुमति नलिई घरजग्गा कारोबार गर्नेलाई २५ लाख रुपैयाँ जरिवाना, ६ महिना कैद वा दुवै सजायँ हुने व्यवस्था थपिएको छ ।

फेसबुकबाट तपाईको प्रतिक्रिया