स्वास्थ्य मन्त्रालयले दियो कोरोना परीक्षण निःशुल्क गर्ने आदेशविरुद्ध पुनरावलोकन निवेदन
१७ कार्तिक २०७७, सोमबार १७:१७
काठमाडौं । स्वास्थ्य तथा जनसंख्या मन्त्रालयले कोरोना संक्रमण परीक्षण निःशुल्क गर्न भनी दिएको आदेश पुनरावलोकन गर्न माग गर्दै सर्वोच्च अदालतमा निवेदन दिएको छ ।
स्वास्थ्य मन्त्रालयका सचिव लक्ष्मण अर्यालले आइतबार महान्यायाधिवक्ताको कार्यालयमार्फत कोरोना परीक्षण निःशुल्क गर्नुपर्ने सर्वोच्चको आदेशविरुद्ध पुनरावलोकन निवेदन दिएका हुन् ।
मन्त्रालयले कोरोना संक्रमण परीक्षणको शुल्क लिनु संविधान र कानुनसम्मत रहेको जिकिर गर्दै उक्त आदेश बदर गर्न माग गरेको छ ।
अधिवक्ता लोकेन्द्र ओली र केशरबहादुर केसीले दायर गरेको रिटमा सर्वोच्चले निजी र सरकारी सबै प्रयोगशालामा कोरोना संक्रमण परीक्षण निःशुल्क गर्न परमादेशको आदेश जारी गरेको थियो ।
तर, स्वास्थ्य मन्त्रालयले भने निःशुल्क परीक्षण गर्न राज्यको स्रोत साधन र जनशक्तिले नभ्याउने भन्दै शुल्क लिनुपरेको जिकिर गरेको छ ।
सरकारले दिएको पुनरावलोकन निवेदन हेर्न तलको लिंक क्लिक गर्नुहोस् :
https://drive.google.com/file/d/1tlAf73kRnKyoxoQTOAWTaniNG6FGBsDM/

फेसबुकबाट तपाईको प्रतिक्रिया