संसदमा हिन्दी भाषा बोल्नुको कारणसहित लिखित जवाफ पेश गर्न सर्वोच्चको आदेश
१२ असार २०७७, शुक्रबार ०६:४७
काठमाडौं । सर्वोच्च अदालतले संघीय संसदमा हिन्दी भाषा बोल्नुको कारणसहित १५ दिनभित्र लिखित जवाफ पेस गर्न प्रतिनिधिसभा र राष्ट्रियसभालाई निर्देशन दिएको छ ।
न्यायाधीश प्रकाशकुमार ढुङ्गानाको एकल इजलासले संसदमा नेपाली भाषा बोल्न विधायकहरूलाई किन नलगाएको भनी कारण मागेको हो ।
अधिवक्ताद्वय केशरजंग केसी र लोकेन्द्र ओलीले संसदमा नेपाली भाषा मात्रै बोल्न माग गर्दै सर्वोच्चमा रिट हालेका थिए ।
सोहि रिटमा सर्वोच्चले प्रतिनिधिसभा र राष्ट्रियसभासँग लिखित जवाफ मागेको हो । साथै रिटमा यसअघि सांसद सरिता गिरी र अमृता अग्रहरीले बोलेको हिन्दी भाषा संसदको अभिलेखबाट हटाउन पनि माग गरिएको छ ।


फेसबुकबाट तपाईको प्रतिक्रिया