काठमाडौंमा निषेधाज्ञा कडा बनाउने तयारी
२६ श्रावण २०७८, मंगलवार १३:५१
काठमाडौं । काठमाडौं उपत्यकामा जारी निषेधाज्ञाबारे निर्णय लिन उपत्यकाका प्रमुख जिल्ला अधिकारीहरुको बैठक आज बस्दैछ ।
मंगलवार दिउँसो ४ बजे तीन जिल्लाका सिडिओबीच निषेधाज्ञा थप्ने या हटाउने भन्नेबारे निर्णय लिन बैठक बस्न लागेको हो ।
काठमाडौं उपत्यकामा गत वैशाख १६ गतेदेखि जारी गरिएको निषेधाज्ञा बुधबार सकिँदैछ ।
काठमाडौंमा प्रमुख जिल्ला अधिकारी कालीप्रसाद पराजुलीले निषेधाज्ञालाई थप कडा गर्नेबारे छलफल हुने बताए । उनले भने, ‘अहिले अनुगमनलाई कडा पारिएको छ । यसबारे आज थप निर्णय लिन्छौं,’।
कोरोना सङ्क्रमणदर पछिल्ला केही सातादेखि बढ्दै गएकोले नियन्त्रण गर्न प्रमुख जिल्ला अधिकारीको टोली र सुरक्षा निकायले जनसस्वास्थ्य मापदण्ड पालना भएको वा नभएको बारेमा प्रभाजवकारी रुपमा अनुगमन गर्ने निर्णय साउन १९ गते बसेको सीडीओको बैठकले गरेको थियो ।
सोही निर्णय अनुसार अनुगनम भइहरको सीडीओ पराजुलीले जानकारी दिए । ज्योतिन्यूज बाट

फेसबुकबाट तपाईको प्रतिक्रिया