चिकित्सकमाथि आक्रमण गर्नेलाई कारबाही गर्न प्रचण्डको माग – Nagarikabhiyan : National News

चिकित्सकमाथि आक्रमण गर्नेलाई कारबाही गर्न प्रचण्डको माग

काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले  नेपालगंज स्थित भेरी अस्पतालमा डाक्टर र नर्सहरु माथि आक्रमण गर्नेलाई कारबाही गर्न माग गरेका छन् ।

सामाजिक सञ्जाल फेसबुकमा लेख्दै नेता प्रचण्डले कुटपिट जस्तो अमानवीय व्यवहार पार्टीको गम्भिर ध्यानाकर्षण भएको बताएका हुन् ।

‘नेपालगंज स्थित भेरी अस्पतालमा डाक्टर र नर्सहरु माथि भएको कुटपिट जस्तो अमानवीय व्यवहार प्रति हाम्रो पार्टीको गम्भिर ध्यानाकर्षण भएको छ र खेद प्रकट गर्दछ,’ उनले लेखेका छन्, ‘हाम्रो पार्टीले स्वास्थ्य जस्तो संवेदनशील क्षेत्रमा आफ्नो स्वास्थ्यलाई ख्याल नगरि अहोरात्र खट्टिएका स्वास्थ्यकर्मी माथि नै सांघातिक हमला गर्ने जो कोहिलाई पनि कानुनी कारवाही गरियोस् भनि माग पनि गर्दछ।’