त्रिशूलीमा बेपत्ता भएका दुवैको शव फेला – Nagarikabhiyan : National News

त्रिशूलीमा बेपत्ता भएका दुवैको शव फेला

काठमाडौँ ।  निर्माणाधीन पुल भत्किँदा त्रिशूली नदीमा बेपत्ता भएका दुवै जना मृत भेटिएका छन्  । उनीहरूमध्ये एकको शव बुधबार र अर्काको बिहीबार फेला परेको हो । बिहीबार भारतको पश्चिम चम्पारणका २८ वर्षीय श्यामबाबु पाठकको शव भेटिएको छ ।

भरतपुर महानगरपालिका–१ स्थित ठिमुरा–देवघाट जोड्ने पुल निर्माणका क्रममा वैशाख १२ गते भाँच्चिँदा एक जनाको मृत्यु हुनुका साथै दुई जना बेपत्ता भएका थिए । निर्माणाधीन अवस्थामा रहेको पुलमुनि शव भेटिएको जिल्ला प्रहरी कार्यालय चितवनले जनाएको छ । कार्यालयका अनुसार गोताखोरको टोलीले निकालेको शव भरतपुर अस्पतालको शवगृहमा राखिएको छ ।