चितवनमा प्रचण्ड-माधव समूहको राँके जुलुस
९ पुष २०७७, बिहीबार १९:४३
चितवन । चितवनमा प्रचण्ड-माधव नेपाल पक्षका युवा कार्यकर्ताले राँके मसाल जुलुस निकालेका छन् ।
जुलुसलाई प्रहरीले हस्तक्षेप गरेको छ । युवा संघ तथा विद्यार्थीहरूले संसद विघटनको विरोधमा जुलुस निकालेका हुन् ।
चितवन मेडिकल कलेज अगाडिबाट चौबीसकोठीतर्फ जाँदै गरेको जुलुसमा प्रहरीले लाठीचार्ज गरेको युवा नेता धर्म कार्कीले बताएका छन् । प्रहरीको लाठीचार्जबाट भरतपुर महानगर कमिटीका सचिव सुमन सापकोटासहित एक दर्जनबढी युवाहरूको खुट्टामा चोट लागेको उनले बताए ।
चितवनका प्रहरी प्रमुख नान्तीराज गुरुङले लाठीचार्ज नभई आन्दोलनकारीले बोकेर आएको लाठी खोसेर नियन्त्रणमा लिएको बताए ।

फेसबुकबाट तपाईको प्रतिक्रिया