बालुवाटारमा समाजवादीको मोर्चाको बैठक – Nagarikabhiyan : National News

बालुवाटारमा समाजवादीको मोर्चाको बैठक

समाजवादी मोर्चाको बैठक बसिरहेको छ । प्रधानमन्त्रीको सरकारी निवास बालुवाटारमा चार दलीय समाजवादी मोर्चाको बैठक सुरू भएको हो ।
केही बेरअघि सुरू भएको बैठकमा समाजवादी मोर्चाको संरचना विस्तार आगामी कार्ययोजनाबारे छलफल भइरहेको बताइएको छ ।

पछिल्लो समय निष्क्रिय रहेको मोर्चालाई क्रियाशील तुल्याउन घटक दलहरू सक्रिय भएको छन् ।

२०८० असार ४ गते नेकपा माओवादी केन्द्र जसपा एकीकृत समाजवादी र विप्लव नेतृत्वको नेकपाका शीर्ष नेताहरुले समाजवादी मोर्चा गठन गरेका थिए । मोर्चाको पहिलो बैठक असार २३ गते बसेको थियो ।
मोर्चाले यसअघि सातै प्रदेशमा सभा आयोजना गरेर मोर्चा गठनको औचित्य बताइसकेको छ । त्यस्तै जिल्ला–जिल्ला र पालिका तहसम्म संगठन विस्तार गर्ने उसको लक्ष्य छ ।