विराटनगरको गुरुकुलमा नाच्दैछन् ‘राजा’ र ‘साँढे’ – Nagarikabhiyan : National News

विराटनगरको गुरुकुलमा नाच्दैछन् ‘राजा’ र ‘साँढे’

विराटनगर । विराटनगर हाटखोला स्थित सुशिला कोइराला नाटकघर आरोहण गुरुकुलमा ‘साँढे’ नाटक मञ्चन भइरहेको छ । गत सोमबारदेखि मञ्चन शुरु भएको नाटक फागुन १९ गतेसम्म दैनिक साँझ ५ः३० बजे मञ्चन भइरहेको छ ।

साहित्यकार भिमनीधि तिवारीद्धारा लिखित उक्त नाटकको निर्देशन अशोक गौतमले गरेका हुन् । कक्षा १२ को अनिवार्य अंग्रेजीको विषयसूचीमा समावेश उक्त नाटकमा भरत कार्की, विकास पराजुली, देवेन्द्र यादव, प्रज्वल दुलाल, सागर विश्वास, समिक्षा दाहाल, रविन चिमरिया, प्रदिप दाहाल, अजय सुवेदीले अभिनय गरेका छन् ।

यस्तै दिक्षा चौधरी, अमन धमला, सुगल अधिकारी, कञ्चन दास, निरज कार्कीले पनि अभिनय गरेका छन् । क्रुर शासक र सोझा जनताबीचको तनाव र संघर्षको कथा नाटकमा छ । नाटकमा राजाको प्रिय साँढे मर्दा प्रजामा फैलिएको त्रास र बाँच्न लगाएको जुक्तिको कथा छ । २ सय वर्षअघिको हाम्रो समाजको मनोविज्ञान बोल्दै गर्दा उक्त नाटकले विद्रोहको झल्को पनि दिन्छ ।