एमालेका लागि होइन, देश बनाउन बहुमत दिनुस् : ओली – Nagarikabhiyan : National News

एमालेका लागि होइन, देश बनाउन बहुमत दिनुस् : ओली

चितवन

एमाले अध्यक्ष केपी ओलीले चुनावी अभियान सुरु गरेका छन् । पार्टीको १०औं महाधिवेशनको उदघाटन सत्रलाई सम्बोधन गर्ने क्रममा ओलीले एमालेलाई नभई देशको विकास गर्न बहुमत आवश्यक रहेको बताए ।

‘एमालेलाई होइन, देश विकास गर्न बहुमत दिनुस्,’ नारायणी नदी किनारमा उभिएर ओलीले भने, ‘एमाले देश र लोकतन्त्र संस्थागत गर्न आवश्यक छ ’

ओलीले जनादेशबाट प्राप्त अधिकारको रक्षाका लागि पनि एमाले चाहिने दाबी गरे । उनले जनादेशबाट आएको सरकारलाई परमादेशबाट विस्थापन गरिएको भन्दै अब चुनावमा जानुपर्ने बताए ।

उनले महाधिवेशनपछि आफ्नो पार्टी चुनावको तयारीमा लाग्ने उद्घोष गरे ।

‘हामीलाई नयाँ जनमतमा जान रोकियो तर अब चुनाव त हुन्छ नै। चुनाव नजिकै आउँदैछ। अब हामी बहुमतका लागि काम गर्छौँ’, उनले भने, ‘देश बनाउनका लागि अब नयाँ जनमतबाट बहुमत ल्याउँछ एमालेले। देशमा विकासको लहर ल्याउन पनि एमालेले बहुमत ल्याउँछ।’