नेपालमा मौद्रिक नीतिको अभ्यासका विषयमा अन्तरक्रिया
४ मंसिर २०७८, शनिबार १५:२१
विराटनगर । उद्योग संगठन मोरङले वित्तीय स्थायित्वमा आइपर्ने चुनौतीको सम्भावना, मौद्रिक नीति कार्यान्वयन, बैंक तथा वित्तीय क्ष्ँेत्रको निरीक्ष्ँण र सुपरीवेक्षणका साथै समकालीन आर्थिक विकासका विषयमा अन्तरक्रिया सम्पन्न गरेको छ ।
संगठनका पूर्वअध्यक्ष्ँ महेन्द्र गोल्छाको १२ औं स्मृतिको अवसर पारेर उद्योग संगठनले नेपालमा मौद्रिक नीतिको अभ्यासर समकालिन आर्थिक विकास विषयक अन्तरक्रिया आयोजना गरेको हो । कार्यक्रममा संगठनका अध्यक्ष्ँ सुयश प्याकुरेलले वित्तीय क्ष्ँेत्र स्थिर नभएकाले दीर्घकालीन महत्व बोकेका परियोजनाहरूको लगानीमा प्रभाव परिरहेको बताए । उनले वित्तीय स्थितरताका लागि निरीक्षण र सुपरीवेक्षण आवश्यक भएको बताए । उनले भने, “स्वस्थ्य वित्तीय प्रणालीको विकास एवं सवलीकरण गरी सामाजिक जवाफदेहितासहित सर्वसाधारणको विश्वास अभिवृद्धि गर्नुपर्ने विचार व्यक्त गर्दै मौद्रिक नीतिको समीक्षा गरी विद्यमान वित्तीय संकटको दीर्घकालीन समाधान गर्न सुझाव दिए ।
कार्यक्रममा प्रमुख वक्ता नेपाल राष्ट्रबैंकका पूर्वकार्यकारी निर्देशक नरबहादुर थापाले कर्जा, पूँजी र निक्षेपको अनुपातलाई ध्यानमा राखी लगानी गर्नुपर्ने सुझाव दिँदै वित्तीय क्षेत्रमा असहज अवस्था सिर्जना हुँदा नेपाल राष्ट्र बैंकले रिपो जारी गर्दै आएको बताए । उनले वित्तीय जोखिम व्यवस्थापनका लागि कर्जा निक्षेप अनुपात, कर्जा धितो मूल्य अनुपात, कर्जा सीमा र तरलता अनुपातमा केन्द्रीय बैंकले निर्देशन जारी गर्ने गरेको बताउँदै बैंक तथा वित्तीय क्षेत्रको सूक्ष्म विश्लेषण गरी आफ्नो क्षेत्रबाट निजी क्षेत्रले खबरदारी गर्न सुझाव दिए ।
पूर्वकार्यकारी निर्देशक थापाले मौद्रिक नीति तय गर्दा आधारभूत सिद्धान्त, निर्देशन, योजना र प्राविधिक पक्षलाई आधार मानेर निर्धारण गरिने बताउँदै समीक्षा अवधिमा नीतिले लिएको लक्ष्य प्राप्त भएको कि भएन, के कस्ता कमी कमजोरी भए त्यसलाई सच्याउँदै परिमार्जन गर्नुपर्नेमा जोड दिए । समकालीन आर्थिक विकासले मौद्रिक नीतिको दिशा र दायरालाई तय गर्ने बताउँदै देशको समसामयिक आर्थिक विकासको विश्लेषण गर्दा राष्ट्रिय नीतिलाई केन्द्रमा राखेर गर्नुपर्ने धारणा राखे ।
कार्यक्रममा टिप्पणी गर्दै अर्थशास्त्री डा. अर्जुन बरालले मौद्रिक नीति राज्यको आर्थिक नीति निर्धारणका लागि महत्वपूर्ण पाटो भएकाले कर्जा व्यवस्थापन र व्याजदर निर्धारणमा मौद्रिक नीतिको सान्दर्भिककता बढिरहने बताए । उनले मौद्रिक नीतिको तर्जुमा गर्दा कार्यन्वयनको गहनतालाई र त्यसको परिणामलाई प्रभावकारितामा विशेष ध्यान पु¥याउनुपर्नेमा जोड दिए ।
अन्तरक्रियामा औद्योगिक क्षेत्रमा अध्ययन अनुसन्धानको माध्यमबाट आर्थिक एवं औद्योगिक क्षेत्रमा एकेडेमिक ज्ञानलाई आर्थिक विकासमा उपयोग गर्ने उद्देश्यले पूर्वाञ्चल विश्वविद्यालय स्नात्तकोत्तरमा अध्ययनरत पाँच छात्र तथा छात्रालाई विभिन्न विद्यामा अनुसन्धान तथा शोधका लागि बढीमा पचास हजार सहयोग गर्ने घोषणा महेन्द्र गोल्छा औद्योगिक अध्ययन केन्द्रका संयोजक विजु थपलियाले गरे ।

फेसबुकबाट तपाईको प्रतिक्रिया