एक अर्ब ३३ लाख २० हजार ३ सय ८५ रुपैँया विगो दावी गर्दै चूडामणी शर्मासहित ३ जनाविरुद्ध मुद्दा दायर
९ असार २०७८, बुधबार १५:२३
काठमाडौं । अख्तियार दुरुपयोग अनुसन्धान आयोगले आन्तरिक राजस्व विभागका तत्कालीन महानिर्देशक चूडामणी शर्मासहित ३ जनाविरुद्ध मुद्दा दायर गरेको छ ।
कर फछर्यौट आयोग, २०७१ का सदस्यसमेत रहेका शर्मासहित अध्यक्ष लुम्बध्वज महत, सदस्यद्वय उमेशप्रसाद ढकालविरुद्ध विशेष अदालत, काठमाडौंमा मुद्दा दायर गरेको हो ।
उनीहरुबाट एक अर्ब ३३ लाख २० हजार ३ सय ८५ रुपैँया विगो दावी गर्दै आरोपपत्र दायर गरिएको अख्तियारका प्रवक्ता नारायणप्रसाद रिसालले विज्ञप्तीमार्फत जानकारी दिनुभएको छ ।
उनीहरूले अधिकारक्षेत्र बाहिर गई वदनियतपूर्वक करदाताहरुसँग कर फर्छ्यौट सम्झौता गरी राजस्व रकम चुहावट गरी भ्रष्टाचार गरेको अख्तियारको ठहर छ ।
‘तत्कालीन कर फर्छ्यौट आयोगका पदाधिकारी रहेका प्रतिवादीहरूले कर फर्छ्यौट आयोग ऐन, २०३३ को दफा १७ बमोजिम असल नियतले आफ्नो कार्य सम्पादन नगरी आफ्नो व्यक्तिगत लाभ हुने तथा राज्यलाई हानिनोक्सानी पुर्याई बदनियतपूर्ण कार्य गरेको स(प्रमाण पुष्टि हुन आएकोराज्यलाई हानिनोक्सानी पुर्याई बदनियतपूर्ण कार्य गरेको स(प्रमाण पुष्टि’ हुन आएको अख्तियारद्वारा जारी विज्ञप्तिमा उल्लेख छ ।

ज्योतिन्यूज

फेसबुकबाट तपाईको प्रतिक्रिया