युनियनको डिजिटल क्यालेण्डर सार्वजनिक – Nagarikabhiyan : National News

युनियनको डिजिटल क्यालेण्डर सार्वजनिक

इनरुवा । प्रेस युनियनको २९ औं स्थापना दिवसको अवसरमा प्रेस युनियन सुनसरीले आफ्नो एप्स सार्वजनिक गरेको छ । एप्ससँगै युनियन सुनसरीले प्रकाशित गरेको डिजिटल क्यालेण्डर समेत सार्वजनिक गरिएको छ ।

नेपाली कांग्रेसका सभापति शेरबहादुर देउवाले एप्स थिचेर सार्वजनिक गर्नुभयो । युनियनले स्थापना दिवसको अवसरमा राखेको भर्चुअल कार्यक्रममा पूर्वप्रधानमन्त्रीसमेत रहेका देउवाले डिजिटल क्यालेण्डर सार्वजनिक गर्नुभयो । उहाँले मिडियामा पनि राहत प्याकेज ल्याउनका लागि सरकारसंग माग गर्नुभयो ।
कार्यक्रममा नेपाल विद्यार्थी संघका सभापति राजीव ढुंगाना, ट्रेड युनियन कांग्रेसका सभापति पुस्कर आचार्य, युरोप शाखाका सभापति विपिन निरौला लगायतले स्थापना दिवसको अवसरमा शुभकामना दिनुभयो । प्रेस युनियनका जिल्ला सभापति पवन अधिकारीले सबैलाई जानकारीका लागि एप्स निर्माण गरिएको बताउनुभयो । उहाँले युनियनले २२० जनाको बिमासमेत गरिदिएको बताउनुभयो ।