सप्तरीमा कोरोना संक्रमणबाट थप एक पुरुषको मृत्यु
१६ बैशाख २०७८, बिहीबार १४:२६
सप्तरी । सप्तरीमा कोरोना संक्रमित एक पुरुषको बिहिबार बिहान मृत्यु भएको छ । सुनसरीको वीपी कोइराला स्वास्थ्य विज्ञान प्रतिष्ठान धरान घोपास्थित कोभिड अस्पतालमा उपचारको क्रममा अग्निसाइर कृष्णासवर गाउँपालिका ५ का २४ वर्षीय पुरुषको मृत्यु भएको छ ।
वैशाख ९ गते संक्रमण पुष्टि भएपछि उहाँलाई १३ गते प्रतिष्ठानस्थित कोभिड अस्पतालमा भर्ना गरिएको थियो । मधुमेहका विरामी समेत रहेका युवकको उपचारकै क्रममा विहीवार विहान सवा १२ बजेतिर मृत्यु भएको प्रतिष्ठानले जनाएको छ ।
युवकको शव दाहसंस्कारको लागि ल्याइसकिएको जिल्ला प्रहरी कार्यालय सप्तरीका प्रहरी उपरीक्षक (एसपी) राजेन्द्र प्रसाद धमलाले बताउनु भयो ।

फेसबुकबाट तपाईको प्रतिक्रिया