मेयर कप महिला टी-20 , सुदुरपश्चिमले दिए प्रदेश-१ लाई १३० रनको लक्ष्य
२४ चैत्र २०७७, मंगलवार १५:२६
काठमाडौ । ललितपुर मेयर कप महिला टी २० क्रिकेट प्रतियोगितामा सुदुरपश्चिम प्रदेशले प्रदेश-१ लाई एक सय ३० रनको लक्ष्य दिएको छ । कीर्तिपुर स्थित टीयू मैदानमा टस जितेर पहिले ब्याटिङ सुदुरपश्चिमको थियो ।
सुदुरपश्चिमले २० ओभरमा चार विकेट गुमाउँदै एक सय २९ रन बनायो । सुरुवात राम्रो गर्न नसकेको सुदुरले खाता खोल्न नपाउँदै पहिलो विकेट गुमायो । उसकी मन्जु बोकटी शुन्य रनमा नै आउट भइन । तर दोस्रो विकेटका लागि रेवती धोमी र विन्दु रावलले ७४ रनको साझेदारी गर्दै टिमलाई सम्हालेका थिए । जसमा रेवतीले ३० रन बनाइन ।
त्यसपछि तेस्रो विकेटका लागि विन्दु र कविता जोशीले ३७ रनको साझेदारी गरिन । जसमा विन्दुले अर्धशतकीय पारी खेलिन । उनले ५८ बलमा ५२ रनको योगदान गरिन । जसमा उनले चार चौका प्रहार गरिन ।
अन्तिममा कविताले २१ रन बनाइने भने डोली भट्टले आठ रन बनाइन । बलिङमा सबनम राईले दुई विकेट लिइन ।

फेसबुकबाट तपाईको प्रतिक्रिया