गाँजासहित युवक पक्राउ
६ चैत्र २०७७, शुक्रबार १०:४६
जनकपुरधाम । सर्लाहीमा एक युवक लागुऔषध गाँजासहित पक्राउ परेका छन् । सिन्धुलीको बरुणबाट लालबन्दीतर्फ आउँदै गरेको यात्रुबाहक बसलाई लालबन्दी नगरपालिका–७ मा चेकजाँच गर्दा बसमा सबार १९ वर्षीय सुवास मोक्तान २ किलो २०० ग्राम गाँजासहित पक्राउ परेका हुन् ।
लालबन्दी नगरपालिका १४ डाइनी खोला घर बताउने मोक्तान झोलामा गाँजा राखेका थिए । उनलाई नियन्त्रणमा लिई थप अनुसन्धान सुरु गरिएको सर्लाही प्रहरीका प्रवक्ता मदन कुँवरले जानकारी दिए ।

फेसबुकबाट तपाईको प्रतिक्रिया