प्रधानमन्त्री ओलीलाई ‘आई लभ यु’ भनेपछि घनश्याम भुसाल जले !
२३ माघ २०७७, शुक्रबार २१:२२
पोखरा। नेकपा प्रचण्ड– माधव समूहका नेता घनश्याम भुसाल प्रधानमन्त्री केपी शर्मा ओलीका समर्थकहरुमाथि खनिएका छन् ।
पोखरामा शुक्रबार भएको विचार गोष्ठीलाई सम्बोधन गर्दै केपी बा आई लभ यु, आई लभ यु भन्दै जोर जोरले नारा लागिरहेको छ, यसलाई ठट्टाको रुपमा नलिऔं भन्दै आक्रोस पोखेका हुन् ।
उनले भने, ‘केपी बा आई लभ यु, आई लभ यु भन्दै जोर जोरले नारा लागिरहेको छ । यसलाई ठट्टाको रुपमा नलिऔं । यो ओलीवादको फर्ममा आउँदै छ,’ भुसालले भने, ‘उहाँले बनाउन खोजेको संगठन उहाँले तोकेका मान्छेहरुको संगठन हो । यो ओलीवाद हो ।’
ओलीवादका रुपमा फाँसीवादको विकास भइरहेकाले त्यसलाई घुँडा टेकाउन किन जरुरी रहेको भुसालको भनाइ थियो ।
‘रामराज्यको परिकल्पनामा जब मण्डलेहरु स्टेजमा आए, पञ्चायतको दिनगन्ती सुरु भयो,’ भुसालले भने, ‘कमरेड ओली तपाईंले मण्डलेहरु अघि ल्याउन थाल्नुभएको छ, अब ओलीवादको अवसान सुरु भयो ।’

फेसबुकबाट तपाईको प्रतिक्रिया