लागूऔषधसहित ३ जना पक्राउ
१७ माघ २०७७, शनिबार १३:३४
पर्सा। पर्सा प्रहरीले लागूऔषधसहित एक जनालाई पक्राउ गरेको छ । पर्साको कालिकामाई गाउँपालिका-३ का प्रेम हजारालाई शुक्रबार प्रहरीले पक्राउ गरेको हो ।
विशेष सूचनाको आधारमा उनको घरमा छापा मारी एक किलो सय ग्राम गाँजा र ४ सय ग्राम चरेशसहित उनलाई पक्राउ गरेको पर्सा प्रहरी प्रमुख एसपी बेलबहादुर पाण्डेले जानकारी दिए । एसपी पाण्डेका अनुसार पक्राउ परेका हजारालाई थप कारबाहीका लागि इलाका प्रहरी कार्यालय पोखरियामा राखिएको छ ।
यसअघि हिजै पर्सा प्रहरीले १८ सय लागूऔषध एम्पुलसहित २ जनालाई पक्राउ गरेको थियो । अटोरिक्सामा ल्याउँदै गरेको अवस्थामा चेकजाँच गर्दा प्रहरीले उक्त अटो चालक जलान्धर दास र अटोमा सवार जयप्रकाश महतोलाई नियन्त्रणमा लिइएको हो ।

फेसबुकबाट तपाईको प्रतिक्रिया