देशी-विदेशी शक्ति केन्द्रले ओलीलाई ‘महान् राष्ट्रवादी’ पगरी गुथाए : बाबुराम भट्टराई
२८ पुष २०७७, मंगलवार १२:१८
प्रधानमन्त्री ओलीले भारतीय टेलिभिजन जी न्युजलाई दिएको अन्तर्वार्तामा लिएर उहाँकाे राष्ट्रवादको चर्चा भइरहेका बेला डा. भट्टराईले यस्तो प्रतिक्रिया दिनुभएकाे हाे । न्युज२४
आइतबार बिहान सामाजिक सञ्जाल ट्विटरमार्फत डा. भट्टराईले देशी विदेशी शक्ति केन्द्रबाट २०१७ सालपछि तत्कालीन राजा महेन्द्रलाई झैं महान् राष्ट्रवादी, हक्की, साहसी, कसैसँग नझुक्ने भनी प्रायोजित पगरी गुथाउने तयारी भइरहेको भन्दै सचेत रहन आग्रह गर्नुभएकाे हाे । उहाँले ओलीलाई प्रायोजित राष्ट्रवादी बनाएर देशलाई निरंकुशता, अल्पविकास र परनिर्भरतामा फसाउने षड्यन्त्र भएको बताउनुभएकाे छ ।
‘ओली प्रतिगमनलाई मत्थर गर्न, विषयान्तर गर्न र अन्ततः स्थापित गर्न २०१७ सालपछि महेन्द्रलाई झैं महान् राष्ट्रवादी, हक्की,साहसी,कसैसंग नझुक्ने आदि इत्यादि प्रायोजित पगरी भित्री/बाहिरी शक्तिहरूबाट गुथाइनेछ । नेपाली जनता र देशलाई उही निरंकुशता र अल्पविकास/परनिर्भरतामा फसाइनेछ! चेतना भया!’, भट्टराईले लेख्नुभएकाे छ ।

फेसबुकबाट तपाईको प्रतिक्रिया