विद्युत् चोरीमा संलग्न ४२ लाई कारवाही
१६ पुष २०७७, बिहीबार ११:३६
राजविराज । नेपाल विद्युत प्राधिकरण बितरण केन्द्र राजविराजले विद्युत चोरीमा संलग्न ४२ जनालाई कार्वाही गरेको छ ।
विद्युत चोरी नियन्त्रण अभियानलाई तिब्रता दिदै हुकिङ गरि विद्युत चोरी गरिरहेको अवस्थामा विद्युतीय सामाग्रि पनि ठूलो संख्यामा जफत गरेको छ ।
प्राधिकरणका कर्मचारी तथा प्रहरीको सहयोगमा गाउँ गाउँमा पुगेर टिभि, फ्रिज, फ्यान, पानी तान्ने मोटर, तार, कटरलगायतका १ सय ४० थान विद्युतीय उपकरण समेत नियन्त्रणमा लिएको विद्युत प्राधिकरण बितरण केन्द्र राजविराजले जनाएको छ ।
कोरोनाको महामारीमा नेपाल सरकारले गरेको लकडाउनदेखी हालसम्मको अवधीमा विद्युत चोरीमा संलग्न ४२ जनालाई पक्रउ गरि कारवाही गरिएको बितरण केन्द्रका प्रमुख आमोद यादवले जानकारी दिनुभयो । साथै उनीहरुबाट रु ३ लाख २ हजार ५ सय ४९ रुँपैया राजश्व असुली समेत गरिएको छ ।
यस्तै प्राधिकरणका इन्जिनियर बिमल प्रसाद साहका अनुसार विद्युत चोरीमा संलग्नलाई न्यूनतम ३ हजारदेखी विद्युत खपत गरेको युनिटको आधारमा थप जरिवाना गरिएको बताउनुभयो ।
यस अवधीमा ५० लाख भन्दा बढी वक्यौता पनि उठाइएको छ । यता समयमै महसुल नबुझाउने १ सय ४० जना ग्राहकको लाइन यसअवधीमा काटिएकोमा १ सय २७ जनाबाट ५७ लाख २४ हजार ८ सय ५३ रुँपैया असुली भइसकेको र अन्य बाँकीबाट पनि प्राप्त हुने क्रम जारि रहेको इन्जिनियर साहको भनाई छ ।
नेपाल विद्युत प्राधिकरण बितरण केन्द्र राजविराज अन्तरगत कुल ५१ हजार ९ सय ८७ ग्राहक छन् ।
विद्युत चोरीमा संलग्नहरुलाई धमाधम कारवाही गर्न थालिएपछि विगतको तुलनामा विद्युत हुकिङ गरेर चोरी गर्नेको संख्या अहिले घट्दै गएको तर, पूर्ण नियन्त्रणमा भने हुननसकेको केन्द्रका प्रमुख यादवको भनाई छ । यसैबिच बिद्युत चौरीको घटना नियन्त्रण गर्ने प्रयास समेत भइरहेको जनाइएको छ ।

फेसबुकबाट तपाईको प्रतिक्रिया