आईपीएलमा आज दुई खेल हुँदै : कसले मार्ला बाजी ?
२ कार्तिक २०७७, आईतवार १४:५७
काठमाडौं । इन्डियन प्रिमियर लिग (आईपीएल) टी-ट्वान्टी क्रिकेट अन्तर्गत आज (आइतबार) दुई खेल हुँदै छन् । आज हुने पहिलो खेलमा कोलकत्ता नाइट राइडर्स र सनराइजर्स हैदराबादबीच प्रतिस्पर्धा हुने भएको छ।
अबुधाबीमा हुने कोलकत्ता र हैदराबादबीचको खेल नेपाली समय अनुसार अपरान्ह ३:४५ बजे सुरु हुनेछ । शेख जायद क्रिकेट स्टेडियममा इयान मोर्गनको कप्तानीमा कोलकत्ता र डेभिड वार्नरको कप्तानीमा हैदराबाद मैदान उत्रने छन् ।
कोलकत्ता अघिल्ला ८ खेलमा ४ जितसहित ८ अंक जोडेर चौंथो स्थानमा रहेको छ भने हैदराबादले ८ खेलमा ६ अंक जोडेर पाँचौ स्थानमा रहेको छ ।
यस्तै आजै हुने अर्को खेलमा मुम्बई इन्डियन्सले किङ्स इलेभेन पन्जाबसँग प्रतिस्पर्धा गर्ने छ। दुबई अन्तर्राष्ट्रिय क्रिकेट मैदानमा हुने खेल नेपाली समयअनुसार साँझ ७:४५ मा सुरु हुनेछ ।

फेसबुकबाट तपाईको प्रतिक्रिया