देवानगञ्ज । सुनसरीको देवानगञ्ज गाउँपालिका १ स्थित मध्यहर्षाही ५ मा आज (मंगलवार ) देखि तिन दिने कुस्ती प्रतियोगिता सुरु भएको छ । दुर्गा पुजा मेला व्यवस्थापन समितिको आयोजनामा श्री जनता माध्यमिक विद्यालयको खेल मैदान सुरु भएको प्रतियोगितामा नेपाल र भारतका पहलमानहरु सहभागी छन् ।

प्रतियोगिताको उद्घाटन गर्दै कोशि प्रदेश सभा सदस्य राम प्रसाद मेहताले लोप हुन लागेको कुस्ती खेलको संरक्षण गर्न प्रतियोगिता आयोजना गरिएको र म लाई प्रमुख अथितिको रुपमा बोल्लाएकोमा आयोजक समिति लाई धन्यवाद व्यक्त गरेका छन् ।

उद्धघाटन कार्यक्रममा नेपाली कांग्रेसका नेता श्यामलाल मेहता, वडा अध्यक्ष सुर्यनारायण पाल लगायत स्थानिय नेताहरुको सहभागिता रहेको थियो । कार्यक्रम तिन दिन सम्म चल्लने आयोजक समितिका अध्यक्ष सुर्यनारायण मेहताले बताउनु भयो ।

आज सुरु भएको प्रतियोगितामा नेपाल र भारतका चर्चित पहलमानहरुको कुस्ती सम्पन्न भएको आयोजक समितिले बताएका छन् । कुस्ती प्रतियोगिता भोलि पनि हुने छ ।