तर, अनलाइनखबरसँग कुरा गर्दै समीक्षाले आफूलाई पत्रकार सम्मेलनको बिषयमा जानकारी नै नभएको बताइन् । भनिन्–‘मेरो दैनिक थुप्रै गीतको रेकडिङ हुने गर्दछ । यसैले, मैले आयोजकलाई भिडियोमा लिप्सिङका लागि मात्र आउँछु भनेर जानकारी गराएको थिएँ । तर, म कार्यक्रम हुने स्थानमा पुग्दा त मिडियाकर्मीलाई देखे । मैले, निर्देशक काशिज श्रेष्ठलाई म अहिले मिडियासँग बोल्दिनँ भनेर जानकारी गराएको थिए । खै, आयोजकले किन मलाई फसाउन खोज्यो मलाई थाहा छैन ।’
समीक्षाले मिडियामा अन्तरवार्ता दिने वा नदिने भन्ने कुरा आफ्नो अधिकारको बिषय भएको समेत बताइन् । बजारमा चलेका हल्लाहरु गलत भएको भन्दै समीक्षाले आफू गीत गाउनमा नै व्यस्त भएको समयमा यस्ता हल्ला चलाइएकोमा दुःख व्यक्त गरिन् ।
समीक्षाले भनिन्–‘आयोजकले मसँग पत्रकार सम्मेलन गरेर गीत रिलिज गर्ने बिषयमा सल्लाहा गर्नु भएको थियो । मैले, गीतको प्रमोशनका लागि आफू लागिपर्ने तर पत्रकार सम्मेलन भने नगर्न आग्रह गरेको थिएँ । तर, लिप्सिङका लागि पुग्दा मिडियाकर्मी देखेर म आफै छक्क परेँ ।’

फेसबुकबाट तपाईको प्रतिक्रिया