नेपाली राजनीतिमा पल्टियो पासा, बिहानै देउवाको घर पुगे महन्थ ठाकुर, ओलीलाई धक्का ! – Nagarikabhiyan : National News

नेपाली राजनीतिमा पल्टियो पासा, बिहानै देउवाको घर पुगे महन्थ ठाकुर, ओलीलाई धक्का !

काठमाडौं । कम्युनिस्ट प्रधानमन्त्री केपी शर्मा ओलीले सत्ता जोगाउन थुप्रै प्रयास गरेपनि नेपाली राजनीतिको पासा पल्टिएको छ ।

प्रधानमन्त्री ओलीले विश्वासको मत लिने प्रस्तावबारे निर्णय लिन सोमबार प्रतिनिधिसभा बैठक बस्नुअघि राजनीतिक चहलपहल बढेको छ । नेकपा एमाले सांसदले सामूहिक राजीनामा दिने निर्णयसँगै जसपाको पूरै हिस्सा नेपाली कांग्रेसका सभापति शेरबहादुर देउवाको पक्षमा आउने देखिएको छ ।

प्रधानमन्त्री ओलीको समर्थनमा देखिँदै आएका जनता समाजवादी पार्टी (जसपा) नेपालका अध्यक्ष महन्थ ठाकुर र राजेन्द्र महतो प्रमुख प्रतिपक्षी दल नेपाली कांग्रेसका सभापति शेरबहादुर देउवालाई भेट्नु आईतबार बिहानै बुढानिलकण्ठ पुगेका छन् ।

कांग्रेस सभापति देउवा र जसपा अध्यक्ष ठाकुरबीच आगामी सत्ता समीकरणबारे छलफल हुने स्रोतले जनाएको छ ।

नेकपा एमालेका माधवकुमार नेपाल पक्षका सांसदले राजीनामा दिने निर्णय गरेसँगै जसपाको ठाकुर पक्ष सभापति देउवासँग नजिकिन थालेको छ । जसपाका अध्यक्ष उपेन्द्र यादव र डा. बाबुराम भट्टराई पक्ष यसअघिदेखि नै विपक्षी गठबन्धनसँग नजिक रहेको छ ।

नेपाली कांग्रेसले देउवाको नेतृत्वमा नयाँ सरकार गठन गर्ने निर्णय गरिसकेको छ । देउवा नेतृत्वको सरकारलाई नेकपा माओवादी केन्द्र र जसपाले समर्थन गरेर बहुमत पुग्ने देखिएको छ ।मिडिया डबलीबाट