बस र स्कुटर ठोक्किँदा बाबुछोरीसहित ३ जनाको मृत्यु
१४ चैत्र २०७७, शनिबार २१:००
काठमाडौं । बस र स्कुटर ठोक्किँदा बाबुछोरीसहित तीन जनाको मृत्यु भएको छ ।
शनिबार साँझ चितवन जिल्लाको भरतपुर महानगरपालिका–२२ पटिहानी पकौडी बजार स्थित सवा ६ बजेतिर स्कुटरमा बाबुछोरी चढेकाहरु र बस ठोक्किँदा दुर्घटनामा तीनैजनाको ज्यान गएको हो ।
चितवन जिल्ला प्रहरी कार्यालयले दिएको जानकारी अनुसार दुर्घटनामा घाइते भएका भरतपुर–६ गीतानगर बस्ने अन्दाजी ४५ वर्षका मोहन अधिकारी, उनकी १७ वर्षीया छोरी बिनिसा र मोहनका दाइकी छोरी १७ वर्षीया दिविसा अधिकारीको उपचारका क्रममा निधन भएको छ ।
स्कुटरविपरीत दिशाबाट जगतपुरदेखि भरतपुरतर्फ आउँदै गरेको ना ५ ख २१५० नम्बरको बससँग ठोक्किएको डिएसपी थापाले बताए । दुर्घटनामा गम्भीर घाइते भएका तीनैजनालाई भरतपुरको सरकारी अस्पतालमा पठाइएको थियो ।
उपचारको क्रममा सोही अस्पतालमा साँझ ७ बजेतिर उनीहरुको निधन भएको डिएसपी थापाले जानकारी दिए ।

फेसबुकबाट तपाईको प्रतिक्रिया