नेपाली कांग्रेस इनरुवा नगर कार्यसमितिद्धारा विरोध प्रदर्शन – Nagarikabhiyan : National News

नेपाली कांग्रेस इनरुवा नगर कार्यसमितिद्धारा विरोध प्रदर्शन

इनरुवा । नेपाली कांग्रेसले देशव्यापी घोषणा गरेको सनिवारको विरोध सभा कार्यक्रम सुनसरी सदरमुकाम इनरुवामा पनि सम्पन्न गरेको छ । नगरका नेपाली काग्रेंस पार्टीका नेताकार्यकर्ताहरुको सहभागितामा विरोध प्रदर्शन गरिएको हो । जिल्ला पार्टी कार्यालय अगाडीबाट विरोध रयाली सुरु गरी लोकतान्त्रिक चौकमा कोण सभा गरेको छ । नगर सभापती राजन मेहताको अगुवाईमा निकालिएको विरोध रयालीमा सयौंको संख्यामा सहभागीता रहेको थियो ।

लोकतान्त्रिक चौकमा भएको कोण सभामा नेताहरुले प्रतिगतको विरुद्ध र लोकतान्त्रको सरक्षणका लागि आन्दोलन भएको बताएका छन । उता सुनसरीको हरिनगर गाउँपालिका अन्र्तगत हरिनगर वडा नम्बर–४ मा विरोध सभाको आयोजना गरिएको छ । नेपाली कांग्रेस केन्द्रीय कार्यसमितिले सबै स्थानीय तहमा एकसाथ विरोध गर्ने कार्यक्रम अनुसार हरिनगर–४ मा पनि विरोध सभा सम्पन्न गरेको हो । वर्तमान सरकारले गरेको संसद् विघटन असंवैधानिक र अलोकतान्त्रिक भएको भन्दै विरोध सभाको आयोजना गरेको जनाएको छ ।

उता नेपाली कांग्रेस इनरुवा नगर कार्यसमितिको बैठकले ३५ जनालाई नगर सदस्यमा मनोनित गरेको छ । बैठकले पार्टीको काम कारवाहीलाई छिटो छरितो बनाउने र संगठन विस्तारलाई वडा,गाउँटोलसम्म पुर्याउनको लागि पार्टीको नगर कार्यसमितिमा ३५ जनालाई आमन्त्रित नगर सदस्यमा मनोनित गरेको हो ।

पार्टीका नगर सभापति राजन मेहताको अध्यक्षतामा बसेको बैठकले आमन्त्रित नगर समिती सदस्यहरुमा बिनोद खनाल ,अहिल्या देवि मेहता ,बिनिता दाहाल, रिता देवि साह ,प्रतिमा कोइराला भट्टराई ,लता चुडाल ,अनुसा मोची ,दौलतराज मेहता ,चन्दन यादव ,सम्यम कोइराला ,रोशन मण्डल ,सहजादी प्रबिन ,कबिता कार्की र लक्ष्मी बन्जारा लगायतका रहेका छन् ।

त्यसैगरी प्रकाश कुमार भट्टराई ,रामवति उराँव ,पुनम देबि सुतिहार ,मनोज मेहता ,अनिल मेहता ,कृष्ण देव मेहता बौवा, सञ्जय मेहता ,बुधसागर मेहता ,बिमला सुवेदी ,शोभा श्रेष्ठ , रितु कोइराला ,देवकी नेपाल ,निलम यादव ,नारायण दुलाल ,ओम बस्नेत ,बिजय चौधरी ,राजेश चौधरी ,कृष्ण बहादुर कार्की ,रिता ओझा ,प्रेम बहादुर थापा र लक्ष्मी खतिवडा समेत सदस्यमा चयन भएका छन् । नगर समितिमा ३३ र ३५ गरी ६८ जना रहेको नगर कार्यसमितिका सचिव धिरज भट्टराईले जानकारी दिनुभयो । इनरुवा नगर कार्यसमितिको बैठकले इनरुवा नगरपालिकाको १० वटै वडामा वडा संयोजक तय गरेको छ । माघ ८ गते सबै वडामा संस्द विघटनको विरोध सभाको कार्यक्रम भएकोले प्रत्येक वडामा वडा संयोजक तय गरिएको हो ।

इनरुवा नगरपालिका वडा नम्बर १ का वडा संयोजक प्रदीप ढकाल, २ मा रमेश कटुवाल, ३ मा रोशन कुमार खड्का, ४ मा धिरज भट्टराई, ५ मा तुलसीराज दुलाल, ६ मा उत्तम कार्की, ७ मा सुरेन्द्र साह, ८ मा वहाव अन्सारी, ९ मा वौवालाल मेहता र १० मा सम्यम कोइरालालाई सो बैठकले तय गरिएको हो ।

नगर सभापति राजन मेहताले कर्य समितिलाई पूर्णता दिनका लागि इनरुवा नगर कार्यसमितिलाई विस्तार गरिएको बताउनुभयो । अगामि दिनमा नगर कार्यसमितिले पार्टीको विधान अनुसार काम गर्ने र अनुशासनको पालना गर्दै पार्टीको मान मर्यादालाई ख्याल गरी जनताको पक्षमा वकालत गर्न समेत आग्रह गर्नुभयो ।