चिनियाँले नेकपाका नेताहरुलाई प्रशिक्षण दिएकोमा कांग्रेसका सांसद रिजालको आपत्ति – Nagarikabhiyan : National News

चिनियाँले नेकपाका नेताहरुलाई प्रशिक्षण दिएकोमा कांग्रेसका सांसद रिजालको आपत्ति

काठमाडौं । चिनियाँ कम्युनिस्ट नेताहरुले नेपाल कम्युनिस्ट पार्टीका नेताहरुलाई प्रशिक्षण दिएकोमा नेपाली कांग्रेसका सांसद डा. मिनेन्द्र रिजालले गम्भीर आपत्ति जनाएका छन् ।

प्रतिनिधिसभाको मंगलबारको बैठकमा कांग्रेसका सांसद डा. रिजालले चिनियाँ कम्युनिस्ट नेताहरुले नेकपाका नेताहरुलाई प्रशिक्षण दिएकोमा गम्भीर आपत्ति जनाएका हुन् ।

उनले ‘कूटनीतिक सम्बन्धको संवेदनशीलता र जनताहरुबीचको सौहार्दताको सीमा परवाह नगरेकाले दक्षिणको छिमेक र नेपाल दुवैतिरका दल र नेताहरु विगतमा आलोचित रहे ।’ भनेका छन् ।

उनले थपे ‘आगतमा उत्तरको छिमेकको दलको नेपालमा सत्तारुढ दललाई आन्तरिक प्रशिक्षण दिने र आन्तरिक झगडा र सत्ता सन्तुलन मिलाउनेमा लाग्ने काम उत्तिकै अपाच्य छ । यसमा सत्तारुढ दलको ध्यान जाओस् ।’