स्थानीय तहको निर्वाचनको चार वर्ष पुरा , अधिकाशं निर्वाचीतहरु पुनः दोहर्याउने दाउमा – Nagarikabhiyan : National News

स्थानीय तहको निर्वाचनको चार वर्ष पुरा , अधिकाशं निर्वाचीतहरु पुनः दोहर्याउने दाउमा

सुनसरी सदरमुकाम समेत रहेको इनरुवा नगरपालिका सहित १२ वतै स्थानीय तहमा निर्वाचन सम्पन्न भएको चार वर्ष पुरा भएको छ । यहाँ निर्वाचनबाट निर्वाचित भएका जनप्रतिनिधिहरुले पहिलो कार्यकाल सिकाईमा वित्ने भएकाले अर्को निर्वाचनमा पनि आफै उम्मेदबार बन्ने दाउमा लागेका छन् ।
निर्वाचनमा इनरुवा १ नम्बर वडा अध्यक्षमा निर्वाचित रामचन्द्र पौद्धार पुन चुनाव लडने तयारीमा रहुभएको छ भने एमालेबाट पराजीत कानुन अधिकारी, जनता समाजवादी पार्टीबाट अभिनन्द यादव पनि चुनावी तयारीमा लाग्नुभएको छ । इनरुवा २. नम्बर वडा अध्यक्ष सुरेन्द्र प्रसाद यादव र सदस्य रन्जेश भट्टराई पनि वडा अध्यक्षको तायरीमा जुटेका छन् । एमालेबाट चिनेश्वर मेहताले समेत वडा अध्यक्षमा लड्ने तयारी गर्नुभएको छ । मेहता हाल पशु स्वास्थ्यकर्मी भएकाले सेवामा लागेको भन्दै चुनावको बेलामा राजीनामा दिएर चुनावी मैदानमा आउने पारिवारिक स्रोतले जनाएको छ । इनरुवा ३. नम्बर वडा अध्यक्ष कालुराम गुरुगं , सदस्य, कृष्ण पोखरेल, सरोज बराल र नेता विदुर सुवेदी समेत वडा अध्यक्षको उम्मेदबार बन्ने इक्छा जाहेर गरेको पार्टी स्रोतले जनाएको छ । इनरुवा ४. नम्बर वडा अध्यक्ष श्यामदेव मेहता समेत पुनः दोहोरयाउने दाउमा हुनुहुन्छ भने सदस्य विष्णु उराँवको पनी चर्चा वडा अध्यक्षका लागि चलेको छ । इनरुवा ५. नम्बर वडा अध्यक्ष अन्जनी कुमार पोखरेलले पुनः वडा अध्यक्षमै उम्मेदबार हुने दाउमा हुनुहन्छ । भने एमालेबाटै युवा नेता अधिकारकर्मी मेघराज न्यौपानेले पनि वडा अध्यक्षको उम्मेदबारको तयारी गर्दै हुनुहुन्छ । न्यौपानेले वलाहा क्षेत्रमा आफूलाई सबैले मन पाउने भएको र मतदान समेत गर्ने भएकाले आफू वडा अध्यक्षको उम्मेदबारी दिने तयारी स्वरुप एक वष अघिबाटै घरदैलौ , नागरिकभेटघाट कार्यक्रम सुरु गरेको बताउनुहुुन्छ । नेपाली काग्रंसबाट खेमराज पोखरेलकै चर्चा रहेको छ । इनरुवा ६. नम्बर वडा अध्यक्ष कोषराज अधिकारी पनि दोहोरयाउने दाउमा हुनुहुन्छ भने वडा सदस्य पुण्यवती शिवाकोटी, राजु दाहाल, हेमनाराय चौधरीको नाम पनि चर्चामा आएको छ । इनरुवा ७. नम्बर वडा अध्यक्ष किशोर कुमार सिहं पनि दोहोर्याउने दाउमा हुनुहुन्छ । एमालेबाट बनु चौधरी सहितको नाम चर्चामा छ । इनरुवा ८ नम्बर वडा अध्यक्ष रविन्द्र प्रसाद मण्डल पनि दोहोरयाउने बताउनुभएको छ । मण्डलले आफूले चार वर्षसम्ममा गरेको कामबाट नागरिकलाई आफूप्रति सन्तुष्टी रहेको र बाकी रहेको एक वर्षे कार्यकालमा थप काम गर्ने र घोषणा पत्रमा उल्लेख गरिएको कुराहरु थप पुरा गर्न वडाबासीले नै दोहोरयाउन भनेकाले पुनः वडा अध्यक्ष बन्ने बताउनुभयो । एमालेबाट अकोश साहले पनि कसरत जारी राखेका छन् । उता इनरुवा ९ नम्बर वडा अध्यक्ष बसिरमुदिन मंसुरी पनि दोहोरयाउने मनस्थितीमा रहेको छ । यहाँ एमालेबाटै सोयव खाँ ,कमल भौर, पुरानो नेता बलराम यादव, युवा नेता यदुनन्दन यादवको नाम पनि चर्चामा रहेको छ । त्यसतै नेपाली काग्रेंसबाट पराजीत कृष्णदेव मेहता, नेता हरि मेहता, बिन्दा साह, लक्ष्मी चौधरीको नाम पनि चर्चा रहेको छ । उता इनरुवा १० नम्बर वडा अध्यक्ष महमद सुल्तान मिँया र रमिद मिँयाको नाम चर्चा रहेको छ । त्यसैगरी नेपाली काग्रंसबाट महमद खलिल अख्खतरको नाम चर्चामा आएको छ । इनरुवा नगरपालिकामा नगर प्रमुख राजन मेहता पनि दोहोरयाउने तयारी गर्नुभएको छ । मेहताले आफ्नो कामबाट नगरबासी सन्तुष्ट रहेकाले दोस्रो कार्यकालका लागि अगामी निर्वाचनमा मेयरमै लड्ने तयारीमा रहेको बताउनुभएको छ । उपप्रमुख जमुना गौतम पनि मेयरका लागि कसरत गरिरहनुभएको छ । काग्रेंसमा हालसम्म अर्को उम्मेदबारको चर्चा नभएपनि तत्कालिन फोरम लोकतान्त्रिकबाट काग्रेंसमा समायोजन भएका नेता बौवालाल मेहता, हरिलाल मेहताले पनि मेयरमा इक्छा जाहेर गरेका छन् । नेकपा एमालेबाट पोष्टकुमार नेपाल, इन्द्र पोखरेल, पर्शुराम यादव, रामप्रसाद मेहताको नाम पनि चर्चामा आएको स्थानीयहरुले बताएका छन् । जनता समाजवादी पार्टीबाट दिलिप साहको नाम पनि मेयरका लागि चर्चामा आएको छ । नेकपा माओवादी केन्द्रबाट ओके दाहाल, तोया गिरी समेतले इक्छा जाहेर गरेको पार्टी स्रोतले जनाएको छ । यो आर्थिक वर्ष चुवानी वर्ष समेत हुने भएकाले आर्थिक वर्ष २०७८।७९का लागि बजेट पनि चुनावी अभियानमुखी ल्याएको केहीको प्रतिकृया छ ।