आफूमाथि निराधार आरोप : चौधरी – Nagarikabhiyan : National News

आफूमाथि निराधार आरोप : चौधरी

सुनसरीको रामधुनी नगरपालिका ६ की वडा सदस्य लक्ष्मी चौधरीले आफूमाथि निराधार आरोप लगाएर मिडियाबासी भएको भन्दै प्रतिवाद गर्नुभएको छ । मंगलबार एक प्रेस विज्ञप्ती जारी गर्दै वडा सदस्य चौधरीले वडाबासी तथा पत्रकारहरुलाई सम्बोधन गर्नुहुदै केही दिनयता आफ्नो नाम जोडेर आएको समाचार प्रति गम्भिर ध्यानाकर्षण भएको जनाउनुभएको छ । केही सिमित व्यक्ति र मिडियाले सही कुरा नबुझी, तथ्यको गहिराई नै नबुझीकन एकतर्फी रुपमा आफूलाई बदामान गर्न, व्यक्तिगत चरित्र हत्या र राजनीतिक प्रतिसोध साध्नका लागि राहत वितरण प्रकरणमा अनियमितता र भ्रष्टचार विषयमा नाम जोडेर आएको सूचना, भिडियो, प्रकाशित तथा प्रसारित समाचार प्रति गम्भिर ध्यानाकर्षण भएको भन्दै झुठो प्रचारको निन्दा पनि गर्नुभएकोछ । हालै केही अनलाईन र एफएममा वडा सदस्य लक्ष्मी चौधरीले हिनामिना गरेको आरोप लगाएकोमा त्यो पूर्ण त झुठो आरोप, निराधार र कलोकल्पित तथा भ्रमात्मक मात्र भएकाले त्यसको पछि नलाग्न अपिल पनि गर्नुभएको छ । चौधरीले आफूले नगरपालिकाको नियम, ऐन, कानुन र नगर सभाबाट पास भएको कार्यक्रमहरु, योजना र बजेटलाई आर्थिक नियमालि समेतलाई ध्यानमा राखी पारदर्शि रुपमा नै गरेको सबैमा जानकारीका लागि अनुरोध पनि गर्नुभएको छ । सुनसरीको रामधुनी नगरपालिका वाड नम्बर ६ मा विपन्न वर्गकालागी ल्याइएको राहत सामग्रीमा अनियमितता भएको भन्दै आएको समाचार पनि निराधार, प्रमाणहिन र तथ्यहिन रुपमा आएको चौधरीको दावी छ । वडा अध्यक्ष , अन्य सदस्यहरु र वडा सचिव समेतको संलग्तनामा भएको काम कार्वाही र राहत वितरणसम्मको काममा वडा समितिका सबैको सहमती, हस्ताक्षर र योजनामा काम भएकोमा मेरो मात्रै नाम जोडेर एकतर्फी तथ्याहिन, कलोकल्पित, भ्रमात्मक, महिला जनप्रनिधि भएकोले अपमान समेत गरी राजनीतिक र व्यक्तिगत चरित्र हत्यासम्मको प्रयास गरेर समाचार आएकोमा त्यसको निष्पक्ष छानबिनको माग गर्दछु सेमत विज्ञप्तीमा भनिएको छ ।
वहाँले पत्रकारहरु, नागरिक समाज तथा मानवअधिकारकर्मीहरुलाई आफू अन्यायमा परेकाले न्यायको लागि पहल गरिदिनुहुन अनुरोध पनि गर्नुभएको छ । वहाँले यस वडामा हिनामिना गरेको आरोप निराधार र कलोकल्पित तथा भ्रमात्मक भएकाले त्यसको पछि नलाग्न पनि आग्रह गर्नुभएको छ । अनावश्यक कुरा उठाएर राजनीतिक प्रतिसोध साध्नका लागि निराधार भष्टाचार गरेको अरोप लगाएकाले त्यो पुष्टी गर्न चुनौती पनि दिनुभएको छ । आफूहरुले अनिमियता नगरेको बरु पूर्ण रुपमा वडाबासी नागरिकको पक्षमा सक्रिय भएर काम, कार्वाही र कार्यक्रम गर्दै आएको, वडामा विकासको निर्माण कार्य गर्दै आएको बताउनुभयो । उता छानवीनमा सहयोग गर्ने समेत बताउनुभएको छ । वहाँले पराजीत सदस्यहरुलाई पनि समितिमा राखेकाले प्रतिसोध साध्ने काम हुन सक्ने भएकाले माथिल्लो निकायबाटै निष्पक्ष , स्वतन्त्र र तटष्थ भएर छानविन गर्नुपर्ने माग गर्नुभएको छ ।