युरोकपको अन्तिम १६ मा यस्तो बन्यो समीकरण: इंग्ल्याण्ड र पोर्चुगललाई कठिन प्रतिष्पर्धी
१० असार २०७८, बिहीबार ११:५९
काठमाडौँ । युरोपेली महादेशीय फुटबल प्रतियोगिता युरोकप २०२० अन्तर्गत समूह चरणको खेल समाप्त भएसँगै अन्तिम १६ को खेल समीकरण पनि पूरा भएको छ । २४ टोलीबीचको प्रतिस्पर्धामा ८ टोलीको यात्रा ‘नक-आउट’ चरणमा पुग्न सकेन ।
यस पटक साविक विजेता पोर्चुगल, उपविजेता फ्रान्स, इटाली, जर्मनी, वेल्स, डेनमार्क,अष्ट्रिया, नेदरल्यान्ड्स, चेक रिपब्लिक, बेल्जियम, क्रोएसिया, स्पेन, स्विट्जरल्यान्ड, इंग्ल्यान्ड, युक्रेन र स्विडेनले नकआउट चरणमा स्थान बनाएका छन् ।
क्वाटरफाइनल प्रवेशका लागि १६ टोलीबीच प्रतिस्पर्धा हुँदैछ । शनिबारदेखि ‘नक-आउट’ चरणका खेलहरु सुरु हुनेछन् । अन्तिम १६ का केहि खेलहरु भने निकै नै प्रतिस्पर्धात्मक हुने अपेक्षा गर्न सकिन्छ । किनभने केहि पूर्व च्याम्पियनको यात्रा यो चरणमै समाप्त हुनेछ । जसमा इंग्ल्याण्ड र जर्मनी तथा बेल्जियमविरुद्ध पोर्चुगलले अन्तिम १६ मै भिड्दैछन् ।
युरोपको विभिन्न ११ शहरमा जारी १६ औं संस्करणको युरोकप फुटबलको ६ समूहको शीर्ष दुई र समूहको तेस्रो स्थानमा प्राप्त गर्ने मध्येको उत्कृष्ट चार टिमले अन्तिम १६ को यात्रा तय गरेका हुन् । सञ्चारकर्मी न्युज

फेसबुकबाट तपाईको प्रतिक्रिया