भारतमा बेच्न लादै गरेको युवतीको उद्धार, बेच्न लाने दुई गिरफतार
१४ आश्विन २०७७, बुधबार १७:५३
सुनसरी
असोज १४ गते । सुनसरीको सीमावर्ती क्षेत्र हुदै भारतमा विक्रिका लागि लादै गरेको युवतीको सीमा सुरक्षा सशस्त्र प्रहरी बलले असोज १४ गते उद्धार गरेको छ । नेपालको सप्तरीबाट फकाएर भारततर्फ विक्रि गर्ने उद्देश्यले लादै गरेको युवतीको असोज १४ गते उद्धार गरिएको हो ।
नेपाल भारतबीच रहेको खुल्ला सीमा सिल रहेको अवस्थामा असोज १३ गते घरबाट फकाएर चोर बाटो हुँदै भारततर्फ लैजादै गरेको अवस्थामा भारतीय एसएसबीको सहयोगमा सशस्त्र प्रहरी बल बिओपी नेपाल भण्टाबारी सुनसरीले युवतीको उद्धार गरेको हो । सप्तरीको दौलतपुर नगरपालिका ३ का झरु चौधरीकी १८ वर्षिया छोरी बिपना चौधरी र सोही जिल्लाको शम्भुनाथ नगरपालिका ७ का २२ वर्षिय सुचिनकला चौधरीलाई भारतको भीमनगरमा पुजा छ भन्दै विक्रि गर्ने वा बलि दिने उद्देश्यले लैजादै गरेका आरोपीतहरुलाई असोज १४ गते गिरफतार समेत गरिएको छ । विक्री गर्न लादै गरेका सप्तरीको अग्नीसाइर कृष्णसवरण गाउँपालिका ४ का २९ वर्षिय साहिल मन्सुरी र सिरहाको लहान नगरपालिका १९ का ३२ वर्षिय जिवछ साहलाई गिरफतार गरेको सशस्त्र प्रहरीले जनाएको छ । आरोपीतहरुले विक्रि गर्ने विक्रि भएको युवतीको बिल दिने उद्देश्यले लादै गरेको अवस्थामा सुनसरीको कोशी गाउँपालीका ८ स्थित भाण्टाबारी सीमा क्षेत्रबाट उद्धार गरी आवश्यक कानुनी कारबाहीको लागि उनीहरूलाई नेपाल प्रहरीको जिम्मा लगाएको बिओपी भण्टाबारीका सशस्त्र प्रहरी निरीक्षक(इन्स्पेक्टर) भुवन खड्काले जानकारी दिनुभयो । उनीहरु माथि नेपाल प्रहरीले अनुशंधान थालेको र मानव बेचविखन तथा ओसारपसारमा मुद्धा चलाउने तयारी गरेको जिल्ला प्रहरी कार्यालय सुनसरीले जनाएको छ ।

फेसबुकबाट तपाईको प्रतिक्रिया