सुनसरीको भाण्टाबारी सीमामा स्वास्थ्य डेस्क संचालन – Nagarikabhiyan : National News

सुनसरीको भाण्टाबारी सीमामा स्वास्थ्य डेस्क संचालन

कोरोना भाइरसको अर्को लहर सङ्क्रमण नेपालसँग खुला सीमा रहेको दक्षिण छिमेकी मुलुक भारतमा पनि विस्तार हुन थालेपछि नेपाल सरकारले उच्च सतर्कता अपनाएको बेला बुधबार सुनसरीको कोशी गाउँपालिका ८ भाण्टाबारीमा स्वास्थ्य डेस्क संचालनमा ल्याएको छ ।
माघ ५ गते सङ्क्रमण फैलन नदिन नेपालको सुनसरी आउने जाने व्यक्तिबाट सर्न सक्ने भएकाले सीमामा कडाई गरिएको जिल्ला प्रशासन कार्यालय सुनसरीले जनाएको छ । नेपाल भित्रिन सक्ने अवस्थालाई ध्यानमा राखी भारतसँगको भाण्टबारी मुख्य नाकामा कोरोना भाइरस सङ्क्रमण जाँचमा कडाइ गरिएको छ ।
कोरोना भाइरस सङ्क्रमण जोखिम पूर्वतयारी अनुरूप भाण्टाबारी सीमा नाकाका स्वास्थ्य डेस्क व्यवस्थित पारिएको छ । भाण्टाबारी नाकामा स्वास्थ्य डेस्क व्यवस्थित रुपमा संचालनमा ल्याएको प्रमुख जिल्ला अधिकारी इन्द्रवेद यादवले जानकारी दिनुभयो ।
यादवका अनुसार हरिपुर भाण्टाबारी नाकामा स्वास्थ्य डेस्क संचालन गरिएको छ । यो नाकामा बुधबारदेखि हेल्थ डेस्क स्थापना गरिएको कोशीका सवस्थ्य प्रमुख अजिल अख्खतरले जानकारी दिनुभयो