अमेरिकी अनुसन्धान चोर्न चीनले खटाएको २ ह्याकरमाथि अभियोग दर्ता – Nagarikabhiyan : National News

अमेरिकी अनुसन्धान चोर्न चीनले खटाएको २ ह्याकरमाथि अभियोग दर्ता

काठमाडौं । अमेरिकी अनुसन्धान चोर्न खोजेको भन्दै दुई चिनियाँ नागरिकमाथि अभियोग दर्ता गरेका छन् ।

अमेरिकाको न्याय विभागले अमेरिकी अनुसन्धान चोर्न खोजेको भन्दै दुई चिनियाँ नागरिकमाथि अभियोग दर्ता गरेको हो । चीनले सूचना चोर्नका लागि ह्याकरहरू खटाएको अमेरिकाले आरोप लगाएको छ ।

कोरोना भाइरसविरुद्धको खोपको विकासमा खटिएका ल्याबमाथिका सूचना चोर्न चीनले ह्याकरहरू नै नियुक्त गरेको अमेरिकाको न्याय विभागले आरोप लगाएको हो । सोही आरोपमा अमेरिकी न्याय विभागले दुई चिनियाँ नागरिकमाथि अभियोग दर्ता गरेको हो ।

कोरोना भाइरस सम्बन्धी अनुसन्धान गरिरहेका अमेरिकी कम्पनीहरुमाथि निगरानी गरेको अभियोगमा लि सिओयु र दोङ्ग जिझी नाम गरेका दुई जनालाई मुद्दा दायर गरिएको हो । उनीहरू इलेक्ट्रिकल इन्जिनियरिङ्गका पूर्वविद्यार्थी रहेको खुलेको छ ।

उनीहरुले चीनको सरकारी एजेन्टबाट सहयोग प्राप्त गरेकोसमेत अमेरिकी दाबी छ । कोरोनाभाइरसको विश्वव्यापी महामारीले दुई देशबीचको सम्बन्ध झन् नराम्रो बनाइदिएको छ।