कप्तानगञ्ज बजार क्षेत्रमा युवाहरूको सक्रियतामा सरसफाई: घटना पश्चात् जनजीवन सामान्य बनाउने प्रयास
२८ श्रावण २०८३, बिहीबार ११:१२
देवानगञ्ज । गत साउन १० गते कप्तानगञ्ज बजार क्षेत्रमा भएको दुःखद घटना पश्चात् आज स्थानीय युवाहरूको सक्रियतामा सरसफाई कार्यक्रम सम्पन्न भएको छ।
उक्त दिन भएको अप्रिय घटनामा गोली लागेर १० जना घाइते भएका थिए जस मध्ये ३ जनाको दुःखद निधन भएको थियो । मृतकहरूको सोही घटनास्थलमै दाहसंस्कार गरिएको थियो। घटनापछि केही समय अशान्त र प्रभावित बनेको बजार क्षेत्रलाई पुनः सामान्य स्थितिमा फर्काउन स्थानीय युवाहरू स्वतःस्फूर्त रूपमा जुटेका हुन्।
युवाहरूले बजार क्षेत्रको फोहर व्यवस्थापन गरी सरसफाई गरेका छन्। शोक र त्रासको वातावरणलाई चिर्दै समुदायमा सद्भाव, सरसफाई र सकारात्मक सन्देश प्रवाह गर्न युवाहरूको यो अग्रसरताले महत्त्वपूर्ण भूमिका खेलेको स्थानीय बताउँछन्।

फेसबुकबाट तपाईको प्रतिक्रिया