देवानगञ्ज घटना: गृहमन्त्रालय र पीडित रविन्द्र मेहताको परिवारबीच सम्झौता
२५ श्रावण २०८३, सोमबार २१:२५
देवानगञ्ज । सुनसरीकाे देवानगञ्ज गाउँपालिका वडा नम्बर ३ कप्तानगञ्ज घटनामा ज्यान गुमाएका रविन्द्र मेहताको परिवार र गृहमन्त्रालयबीच आज सम्झौता सम्पन्न भएको छ। यसअघि सोही घटनाका मृतक ओमप्रकाश मेहता र जयप्रकाश मेहताको परिवारसँग गरिएको सम्झौताको नजिरलाई नै आधार मानेर गृहमन्त्रालयमा यो सहमति गरिएको हो।
सहमतिअनुसार भोलि बिहान मृतकको शवलाई पोस्टमार्टमका लागि लगिने तयारी गरिएको छ। पोस्टमार्टमको प्रक्रिया अघि बढे पनि शव बुझ्ने विषयमा भने परिवार र पक्षधरहरूले सख्त सर्त राखेका छन्।
भोलि बस्ने मन्त्रिपरिषद्को बैठकले मृतकलाई औपचारिक रूपमा सहिद घोषणा नगरेसम्म शव नबुझ्ने मौखिक सहमति भएको जानकारी प्राप्त भएको छ। मन्त्रिपरिषद्को निर्णय र सरकारको आगामी कदमलाई हेरेर मात्रै अन्त्येष्टिको बाँकी प्रक्रिया अघि बढाउने अडानमा पीडित पक्ष रहेको छ।

फेसबुकबाट तपाईको प्रतिक्रिया