देवानगञ्ज घटनाका घाइते अमित यादवको स्वास्थ्यमा सुधार, अध्यक्ष मेहताद्वारा काठमाडौँ पुगेर अवस्था बुझियो
२१ श्रावण २०८३, बिहीबार १४:१८
काठमाडौँ/देवानगञ्ज । देवानगञ्ज घटनामा परी घाइते हुनुभएका अमित यादवको स्वास्थ्य अवस्थाबारे जानकारी लिन देवानगञ्ज गाउँपालिकाका अध्यक्ष बेचन प्रसाद मेहता आज काठमाडौँ पुग्नुभएको छ।
काठमाडौँस्थित ट्रमा सेन्टरमा उपचाररत यादवलाई भेट्न पुग्नुभएका अध्यक्ष मेहताले उहाँको उपचारमा खटिएका चिकित्सकहरूसँग स्वास्थ्य अवस्था र उपचार प्रक्रियाबारे प्रत्यक्ष कुराकानी गर्नुभएको छ।
अध्यक्ष मेहताका अनुसार चिकित्सकहरूले घाइते यादवको स्वास्थ्यमा सोचेअनुरूप क्रमिक सुधार भइरहेको जानकारी दिएका छन्। भेटका क्रममा अध्यक्ष मेहताले यादवको शीघ्र स्वास्थ्य लाभको कामना गर्दै गाउँपालिकाको तर्फबाट आवश्यक सहयोग र अभिभावकीय भूमिका निर्वाह गर्ने प्रतिबद्धता व्यक्त गर्नुभएको छ।

फेसबुकबाट तपाईको प्रतिक्रिया