सरकारको नीति तथा कार्यक्रम आजदेखि छलफल – Nagarikabhiyan : National News

सरकारको नीति तथा कार्यक्रम आजदेखि छलफल

काठमाडौः सरकारको नीति तथा कार्यक्रममाथि आजदेखि छलफल सुरु हुँदैछ। आज बिहान ११ बजे प्रतिनिधिसभाको बैठक बोलाइएको छ।
सरकारको वार्षिक कार्यदिशासमेत मानिने नीति तथा कार्यक्रमलाई राष्ट्रपति रामचन्द्र पौडेलले जेठ ५ गते संघीय संसदमा प्रस्तुत गरेका थिए।

आजको बैठकमा प्रधानमन्त्री पुष्पकमल दाहाल प्रचण्डले सरकारको नीति तथा कार्यक्रममाथि छलफल प्रारम्भ गरियोस् भनी प्रस्ताव प्रस्तुत गर्ने कार्यसूची छ। साथै नीति तथा कार्यक्रममाथि सांसदहरुबाट प्राप्त संशोधनहरु पनि प्रस्तुत हुनेछ।

आर्थिक वर्ष २०८०र८१ नीति तथा कार्यक्रममाथि आजदेखि जेठ ११ गतेसम्म छलफलका लागि समय तोकिएको छ। छलफलका क्रममा सांसदहरुले उठाएका प्रश्नहरुको प्रधानमन्त्री प्रचण्डले जवाफ दिएपछि नीति तथा कार्यक्रम पारित हुनेछ। त्यसपछि जेठ १५ गते सरकारले आर्थिक वर्ष २०८०र८१ को बजेट प्रस्तुत गर्नेछ।