सपोर्ट लघुवित्तद्वारा हरिनगरमा वित्तिय साक्षरता कार्यक्रम समपन्न – Nagarikabhiyan : National News

सपोर्ट लघुवित्तद्वारा हरिनगरमा वित्तिय साक्षरता कार्यक्रम समपन्न

हरनिगर । ग्लोबल मनी सप्ताहको अवसरमा सपोर्ट लघुवित्त वित्तीय संस्था लिमिटेड हरिनगर शाखाको आयोजनामा वित्तीय साक्षरता कार्यक्रम २०७९ सम्पन्न भएको छ ।

सपोर्ट लघुवित्त वित्तीय संस्था लिमिटेड हरिनगर शाखाको आयोजना र केन्द्रीय कार्यालय इटहरीको सहकार्यमा शुक्रबार हरिनगर गाउँपालिका वडा नं. ४ स्थित रहेको वडा कार्यालयको सभाहलमा वडा अध्यक्ष देवनारायण मेहताको प्रमुख आतिथ्यमा वित्तीय साक्षरता कार्यक्रम सम्पन्न भएको हो ।

उक्त कार्यक्रममा सपोर्ट लघुवित्त वित्तीय संस्था हरिनगर शाखामा आबद्ध ८८ जना बचत कर्ताहरु सहभागी भएका थिए। वित्तीय व्यवस्थापन र यसको सही सदुपयोग कसरी गर्न सकिन्छ , स–सानो रकम बचत गर्दै उत्पादनमूलक क्षेत्रमा लगानी गरी आयआर्जनको श्रोत बढाउन सकिने कुराको जानकारी गराउन महिलाहरुलाई लक्षित गरी पारिवारिक अवस्था देखीनै वित्तिय रुपमा शिक्षित बनाई उत्तम निणर्य गर्न सक्ने क्षमता विकास गर्ने उद्देश्यका साथै आधारभुत बैकिङ, बैकिङ उपकरण, डिजिटल बैकिङ र ब्याज सम्बन्धी साक्षरता कार्यक्रम संचालन गरिएको सपोर्ट लघुवित्त वित्तीय संस्था हरिनगर शाखाका शाखा प्रमुख बिनोद मेहताले जानकारी दिनुभयो ।

साक्षरता कार्यक्रममा आधारभुत बैकिङ, बैकिङ उपकरण, डिजिटल बैकिङ र ब्याज सम्बन्धी प्रशिक्षण केन्द्रीय कार्यालय इटहरीका प्लानिङ्ग एण्ड मोनेटेरिङ्ग प्रमुख संजय कुमार चौधरी र आ. ले. प. बिभागमा कार्यरत सोकेन्द्र कुमार रायले दिनु भएको थियो।

महिलाहरुमा वित्तिय शिक्षाको महत्वको बारेमा जागरण ल्याउने उदेश्यले वार्षिक रुपमा साप्ताहिक अभियानको रुपमा मनाउने ग्लोबल मनी सप्ताहको सन्दर्भमा सो कार्यक्रम गरिएको सपोर्ट लघुवित्त वित्तीय संस्था लिमिटेड हरिनगर शाखाले जनाएको छ।