शिक्षकहरूको तलब मासिक रूपमा बैंक खातामा पठाउने बर्जु गाउँपालिकाको तयारी
२१ फाल्गुन २०७९, आईतवार १८:२२
देवानगंज । सुनसरीको बर्जु गाउँपालिकाले शिक्षकहरूको तलब मासिक रूपमा बैंक खातामा हालिदिने तयारी गरेको छ । गाउँपालिका भित्र रहेका सरकारी विद्यालयका शिक्षकलाई सहजताका लागि गाउँपालिकाले उक्त तयारी थालेको हो ।
आज गाउँपालिकाले शिक्षा क्षेत्रमा गरेको प्रगती र नयाँ योजनाको बारेमा जानकारी दिन आयोजना गरेको कार्यक्रममा उक्त जानकारी दिइएको हो ।कार्यक्रममा बोल्दै गाउँपालिकाका प्रमुख प्रशाकिय अधिकृत बाबुन्नदन मेहताले भने, ‘गाउँपालिकाले शिक्षकको तलब मासिक रूपमा खातामा पठाउने तयारी थालेको छ । यसले उहाँहरूलाई सहज हुनेछ ।’
कार्यक्रममा गाउँपालिका अध्यक्ष जिवछ राय, उपाध्यक्ष नितु चौधरी शिक्षा शाखाका प्राविधि हेमाराज दाहाल, शिक्षा साहयक सरोज चौधरी, बर्जु गाउँपालिका भित्र रहेको सम्पूर्ण विद्यालयका प्रअहरुको सहभागिता रहेको थियो । बुर्ज गाउँपालिका शिक्षा क्षेत्रमा भएको प्रगति विवरणहरु सार्वजनिक गरेको थियो ।

फेसबुकबाट तपाईको प्रतिक्रिया