सुशासन सम्बन्धी अन्तरकृया कार्यक्रम
२६ पुष २०७८, सोमबार १७:३५
सुनसरीको भोक्राहा नरसिंह गाउँपालिकामा आयोजित एक कार्यक्रममा सुशासन र जवाफदेहिता वर्तमान समयको अपरिहार्य आवश्यकता रहेको सरोकारवालाले बताएका छन ।

भ्रष्टाचार बिरूद्दको अभियानमा लागेको नेसनल टाईगर्स नेपाल सहित विभिन्न संस्थाहरुको आयोजनामा सोमबार स्थानीय जनप्रतिनिधि र सरोकारबालाहरुसंगको सुशासन सम्बन्धी अन्तरकृया कार्यक्रममा बत्ताहरुले सुशासनको पक्षलाई आत्मसाथ नगरिदा गाउँदेखी मुलुकको केन्द्रमा समेत अस्वाभाबिक खालका बिकृतिहरु देखिने गरेको बताएका छन ।
कार्यक्रममा भोक्राहा नरसिंह गाउँपालिकाका न्यायिक समिति सदस्य इर्फान अलिले सार्वजनिक, नीजि क्षेत्रमा सुशासनको अपरिहार्य आवश्यकता रहेको बताउनुभयो । उहाँले न्यायपालिका, कार्यापालिका र व्यवस्थापीका सहित नागरिक समाज लगायतका क्षेत्रमा पनि सुशासन अपहिरार्य आवश्यकता रहेको बताउनुभयो । अलिले वडादेखीदेखी गाउँसम्म र जिल्लादेखी केन्द्रसम्म सुशासन कायम गर्नका लागि जवाफदेहिताको अभिबृद्धि गर्नुपर्नेमा जोड दिनुभयो ।
मानव अधिकार संजालका सुनसरी संयोजक रमेश भट्टराईले युवा तथा नागरिक समाजको भूमिका पहरेदारी र खबरदारीको रुपमा हुनुपर्ने बताउनुभयो । 

पत्रकार जयकृष्ण यादवले सुशासनको संस्थागत विकासका लागि सरकारले सुशासन ऐन तथा नियमावली निर्माण गरिएकाले त्यसको कार्यान्वयनमा जोड दिनुपर्ने बताउनुभयो । यादवले सेवा सहित देशको ऐन कानुनको परिधी भित्र रहेर सार्वजनिक निकायलाई पारदर्शी र जिम्मेवार बन्न आग्रह गर्नुभयो ।
कार्यक्रममा मानव अधिकार समूहका सचिव बेलाल अंसारीले सबै ठाउँमा सूचना अधिकारीहरुको व्यवस्था भएपनि नागरिकले सूचना नपाएको गुनासो गर्नुभयो ।
अंसारीले सूचना अधिकारीहरुलाई सूचना नभएको गुनासो समेत आएकाले सुशासनको कल्पना गर्ने निकै टाढाको कुरा भएको बताउनुभयो । कार्यक्रममा सेराज हुसेनले सुशासन कायम गर्नका लागि नीतिसगैं नैतिकता पनि ठीक हुनुपर्नेमा जोड दिनुभयो ।
कार्यक्रममा अधिकारकर्मी आफिया बानोले सुशासन प्रर्बद्धनमा नागरिक समाजको भूमिका बढाउनुपर्नेमा जोड दिनुभएको थियो ।
सहभागी मानव अधिकार समूककी नमिता मण्डलले प्रत्येक महिना , प्रत्येक वडामा सेवा प्रदायक तथा अधिकारवालाहरुसंग सुशासन तथा सदाचार कायम गर्नको लागि अन्तरकृया गर्नुपर्नेमा जोड दिनुभएको छ । कार्यक्रम सामाजिक परिवर्तन केन्द्रको सहयोगमा सम्पन्न भएको थियो । पत्रकार मुनाप हसनले सुशासन कायम गर्नको लागि ब्यक्तीको सोच र आचरण सही हुनुपर्ने बताउनुभयो । परिवर्तनको सुरुवात आफैबाट हुने भन्दै पहिले आफ्नो घरमा सुशासन कायम गर्नुपर्नेमा जोड दिनुभयो ।

१, सुनसरीको भोक्राहा नरसिंहमा आयोजित सुशासन सम्बन्धी कार्यक्रमका सहभागीहरु ।
तस्बिर ः जयकृष्ण यादव । इनरुवा

फेसबुकबाट तपाईको प्रतिक्रिया