अफगानिस्तानमा बाढीले बगाउँदा ६० जनाको मृत्यु
१५ श्रावण २०७८, शुक्रबार १०:१६
अफगानिस्तानमा बाढीले बगाउँदा ६० जनाको मृत्यु भएको छ। अविरल वर्षासंगै आएको बाढीमा कयौं हराइरहेका सरकारी अधिकारीहरुले जनाएका छन् । पूर्वी अफगानिस्तानको नुरिस्तान प्रान्तको कामदिश घाटीमा बाढीले बढी क्षति गरेको छ । बाढीका कारण धेरै घरहरु भत्किएका छन् । विद्रोही समूह तालिबानको नियन्त्रणमा रहेको त्यो क्षेत्रमा सञ्चार सम्पर्क विच्छेद भएकाले थप जानकारी प्राप्त हुन नसकेको बताइएको छ । बाढीमा हराएकाहरुको खोजी भइरहेको र विस्थापितलाई राहत वितरण गर्न अनुमति दिने तालिबानका प्रवक्ताको भनाई छ। एजेन्सी

फेसबुकबाट तपाईको प्रतिक्रिया