हज्जारौं नग्न फोटो सार्वजनिक भएकी प्रेमिकालाई थाइल्याण्डका राजाले दिए राजसी उपहारः बनाए देशकी दोस्री रानी – Nagarikabhiyan : National News

हज्जारौं नग्न फोटो सार्वजनिक भएकी प्रेमिकालाई थाइल्याण्डका राजाले दिए राजसी उपहारः बनाए देशकी दोस्री रानी

थाइल्याण्डका राजाले आफ्नी प्रेमिकाको जन्मदिनको अवसरमा उनलाई क्राउन लगाएर देशकी दोस्री रानी बनाएका छन् । ६८ वर्षका महा वाजीरालंकर्णले मंगलबार प्रेमिका सिनिनात वोङवाजीरापक्डीको ३८ औं जन्मदिनको अवसरमा क्राउन लगाइदिएको बिल्डलाई उद्धृत गर्दै डेलीमेलले जानकारी दिएको छ ।

जन्मदिनको अवसरमा यी दुईले मिल्दोजुल्दो निलो रङको कोट लगाएका थिए । जन्मदिन बैंककमा मनाइएको थियो ।

सोनिनत विभिन्न विवादसहित चर्चामा आइरहन्छिन् । यसअघि उनलाई सन् २०१९ मा थाई रानीको राज्याभिषेकको क्रममा बाधा निम्त्याउने कोसिस गरेको भन्दै पक्राउ गरिएको थियो ।

सिनिनतले थाइल्याण्डमा एक पाइलटको रुपमा तालिम पनि लिएकी छिन् । यसबाहेक उनले थाई राजाको शाही बडीगार्ड युनिटमा पनि काम गरेकी छिन् । सन् २०१९ मा उनको प्रोमोशन भएको थियो र उनलाई मेजर जनरल बनाइएको थियो । केही महिना अघि उनका हज्जारौंको संख्यामा नग्न फोटो सार्वजनिक भएको थियो । थाइल्याण्डको राजासँग नजिकिएका कारण रानीले नै उनको तस्बिर लिक गराएको मान्यता राखिएको थियो ।

२१ अक्टोबर सन् २०१९ मा रानी सुथिदाको राज्याभिषेकमा बाधा निम्त्याएका कारण उनको सबै सैनिक, सरकारी पद र मान खोसिएको थियो । अघिल्लो वर्षको अगस्टसम्म उनीबारे विभिन्न अफवाह फैलिए । कतिले उनलाई जेल सजाय दिइएको भने भने कतिले उनको मृत्यु भइसकेको बताए । यद्यपि, सन् २०२० को सेप्टेम्बरमा उनलाई सबै पद र सम्मान फिर्ता दिइएको थियो ।

पछिल्लो समय थाइल्याण्डमा राजतन्त्रविरुद्ध प्रदर्शन चलिरहेका बेला राजाले अचानक यस्तो निर्णय गरेका हुन् । केही समययता थाइल्याण्डमा राजतन्त्रको पुनर्संरचनाको मागसहित प्रदर्शन भइरहेको छ ।